تارىم وزەنىنىڭ تومەنگى اعارىنا 21 - رەت ەكولوگيالىق سۋ جىبەرۋ باستالدى

  • كەلۋ قاينارى: شينجياڭ گازەتى تورابى
  • 11:07:00 07/09/2020

    

    گازەتىمىزدىڭ جالپىلىق اقپارات قۇرالدارى ءتىلشىسى ليۋ دۇڭلاي، ەرىكتى ءتىلشى شۋە يۇنشاۋ 9 - ايدىڭ 5 - كۇنى كورلادان حابارلايدى. 9 - ايدىڭ 5 - كۇنى تارىم وزەنىنىڭ تومەنگى اعارىنا جاڭا كەزەكتى ەكولوگيالىق سۋ جىبەرۋ قىزمەتى باستالدى، مەجەمەن بۇل رەت جالپى 350 ميلليون تەكشەمەتر سۋ جىبەرىلەدى، بۇل 2000 - جىلدان بەرى تارىم وزەنىنىڭ تومەنگى اعارىنا 21 - رەت ەكولوگيالىق سۋ جىبەرۋ.

    وسى كۇنى تارىم وزەنىنىڭ نەگىزگى اعىنىنىڭ سۋى تومەنگى اعارىنداعى داشيحايزى سۋ قويماسىنا جەتتى، داشيحايزى سۋ قويماسىنىڭ تاسقىن تيەگى مەن جاڭا سۋ جىبەرۋ تيەگى ىلگەرىندى - كەيىندى اعىتىلىپ، وزەن سۋى يرەلەڭدەگەن وزەن ارناسىن بويلاي وركەشتەنە تومەنگى اعارداعى جاسىل دالىزگە قاراي اقتى. بۇل تارىم وزەنىنىڭ تومەنگى اعارىنا 21 - رەت ەكولوگيالىق سۋ جىبەرۋدىڭ رەسمي باستالعاندىعىنىڭ بەلگىسى بولدى.

    شينجياڭ تارىم وزەنى الابىنىڭ نەگىزگى اعىنىن باسقارۋ مەكەمەسى داشيحايزى سۋ قويماسىن باسقارۋ پۋنكتىنىڭ باستىعى شۇي شىڭۋ مىنالاردى تانىستىردى: جونەلتۋ ورنالاستىرۋىنا ساي، وسى رەتكى ەكولوگيالىق سۋ جىبەرۋدە تۇتاستىرا سۋ جىبەرۋ فورماسى قولدانىلدى، سۋ قويماسىنا ۋاقىتشا سۋ ساقتالمايدى، تارىم وزەنىنىڭ تومەنگى اعارىنىڭ ەكولوگياسىن وڭاۋ ونىمدىلىگى اناعۇرلىم بەكەمدەلەدى.

    ۇعىسۋعا قاراعاندا، 2000 - جىلدان بەرى تارىم وزەنىنىڭ تومەنگى اعارىنا ىلگەرىندى - كەيىندى 20 رەت ەكولوگيالىق سۋ جىبەرىلگەن. قازىرگە دەيىن داشيحايزى سۋ قويماسى جالپى 8 ميلليارد 160 ميلليون تەكشەمەتر سۋ جىبەرگەن.

جاۋاپتى رەداكتور: جازيرا بولاتباي قىزى