كاسىپ سالاسى تەرەڭ تامىر تارتسا، شىن مانىندە كەدەيلىكتەن ارىلتقاندىق ەسەپتەلەدى

  • كەلۋ قاينارى: ىلە گازەتى
  • 03:06:14 08/09/2020

 

    گۋ جۇڭياڭ

 

    ءوندىرۋ، ساتۋ ماسەلەسى ويداعىداي شەشىلىپ، ورنىقتى دامۋ ۇلگىسى ورناپ، كەدەي وڭىرلەردەگى كادرلار مەن بۇقارا كاسىپتى دامىتۋدىڭ تىرەگىنە اينالعاندا عانا، كەدەيلەردى سۇيەمەلدەۋ كاسىبى تەرەڭ تامىر تارتىپ، كەدەي بۇقارا «التىن توستاعانىن» ورنىقتى ۇستاي الادى.

    كاسىپ سالاسىن دامىتۋ _ كەدەيلىكتەن ارىلتۋدىڭ ءتۇبىرلى نەگىزى. تاياۋدا، ءبىر كادرمەن «ەسكىشە كەدەيلەردى سۇيەمەلدەۋمەن» كاسىپ سالاسى ارقىلى كەدەيلەردى سۇيەمەلدەۋ جونىندە اڭگىمەلەسكەنىمدە، ول: «20 دا 30 جىل كاسىپ سالاسى ارقىلى كەدەيلەردى سۇيەمەلدەۋ نىسانىن ىستەدىم، مۇنىڭ ىشىندە ۇزدىكسىز دامىپ، زورايتا الاتىن كاسىپ سالاسىندا مىناداي ءبىر ورتاق ءتۇيىن بار: اتاپ ايتقاندا، كەدەي بۇقارا جاپپاي ات سالىسىپ، ءوندىرۋ مەن ساتۋدىڭ ورنىقتى ۇيىمدىق جۇيەسى ورناسا، كاسىپتىڭ اۋىل - قىستاققا شىنايى تەرەڭ تامىر تارتقانىنان دەرەك بەرەدى ەكەن» - دەدى اسەرلى سەزىممەن.

    جەر - جەر كاسىپ سالاسى ارقىلى كەدەيلەردى سۇيەمەلدەۋگە ات سالىسىپ، كەدەيلىكتەن ارىلتۋدان قامال الۋعا قۇدىرەتتى ىشكى قوزعاۋشى كۇش ۇستەدى. ەكولوگيالىق اۋىل شارۋاشىلىعىنان ورمان شارۋاشىلىعى كاسىبىنە دەيىن، ەرەكشە ەگىمشىلىكتەن اۋىل - قىستاق ساياحاتىنا دەيىن، بۇكىل ەلدەگى %92 كەدەي وتباسى كاسىپ سالاسىنىڭ دامۋىنا قاتىناسىپ، باسىم كوپ ساندى كەدەي قىستاقتا كاسىپ سالاسىنىڭ دامۋى بەلگىلى نەگىزگە يە بولسا، كەيبىرەۋى تاماشا دامۋ ارناسىنا ءتۇستى. الايدا كەدەيلەردى سۇيەمەلدەۋ كاسىبىن دامىتۋدىڭ قيىندىعى باياندى، ورنىقتى بولۋىندا. قازىر بىرەۋلەر: كەيبىر كەدەي قىستاقتىڭ كاسىبى قىستاقتا تۇراتىن كادرلاردىڭ جەتەكشىلىگىنە سۇيەنەدى، ولار قىستاقتان شەگىنگەننەن كەيىن، كاسىپ سالاسى باياندى دامي الا ما، جوق پا؟ - دەپ الاڭداۋدا.

    راس، كەدەيلەردى سۇيەمەلدەۋ كاسىپ سالاسىنىڭ باياندى دامۋ ماسەلەسىن كۇن تارتىپكە قويىپ، كاسىپ سالاسىنىڭ كەدەي وڭىرلەرگە تامىر تارتۋىنا مۇمكىندىك جاراتۋ قاجەت، سوندا عانا بۇتاعى، جاپىراعى جايقالىپ، گۇل اشىپ جەمىس بەرەدى.

    كەدەيلەردى سۇيەمەلدەۋ كاسىبىنىڭ تامىر تارتۋىنا مۇمكىندىك جاساۋدىڭ تەتىگى ادامدا. كاسىپ سالاسىنىڭ باستاپقى ساتىسىندا، قىستاقتا تۇراتىن كادرلار جەتەكشى بولىپ ىلگەرى باستىرۋى ارينە قاجەتتى، الايدا سۇيەمەلدەۋ بۇكىلدەي باۋراپ الۋ ەمەس، شەشۋشى ءتۇيىن «قان جاساۋ» يقۋاتىن جەتىلدىرۋدە. بۇل جاعىندا، يۇننان ولكەسى مىڭلا اۋدانى حىبيان قىستاعىنىڭ كەدەيلەردى سۇيەمەلدەۋ كاسىبىن دامىتۋ ۇلگىسى ۇلگى الۋعا تاتيدى. 2015 - جىلى جۇڭگو اۋىل شارۋاشىلىق ۋنيۆەرسيتەتىنىڭ كەدەيلەردى سۇيەمەلدەۋ قوسىنى حىبيان قىستاعىندا سەيىل - سەرۋەن، وقۋ - اعارتۋ كاسىبىن دامىتۋعا جەتەكشىلىك ەتكەن العاشقى كەزدە، ولار قىستاقتا جاستاردى دامىتۋ قىزمەت اترەتىن قۇرىپ، قىستاقتاعى جاستاردى باستاپ جالپى بارىسقا ات سالىستى.

جاۋاپتى رەداكتور: گۇلدەن ماقسات قىزى