كاسىپ سالاسى تەرەڭ تامىر تارتسا، شىن مانىندە كەدەيلىكتەن ارىلتقاندىق ەسەپتەلەدى

  • كەلۋ قاينارى: ىلە گازەتى
  • 03:06:14 08/09/2020

بىلتىر جىل باسىندا، وزەن جاعاسىنداعى جاڭبىرلى ورمان اراسىنان ياۋ وتباسى سەلبەستىك كووپەراتيۆىن قۇرۋعا جەتەكشىلىك ەتىپ، تىرەكتىلەردى جۇيەلى تاربيەلەپ جانە «سەرىك بولۋ ۇلگىسىندە قىزمەت» وتەپ، قولما - قول كومەكتەسىپ جەتەكتەۋدىڭ ارقاسىندا، حىبيان قىستاعىندا ءبىر توپ اۋقاتتانۋدىڭ باستاماشىسى جارىققا شىعىپ، ولار كەدەيلەردى سۇيەمەلدەۋ كاسىبىنىڭ تىرەكتى كۇشىنە اينالىپ، قىستاق تۇرعىندارىن كىرىستەرىن ەسەلەپ ارتتىرۋعا باستادى، بىلتىر جىل سوڭىندا بۇل قىستاقتا ءار وتباسىنىڭ ورتاشا كىرىسى 50 مىڭ يۋانعا جەتتى.

    كەدەيلەردى سۇيەمەلدەۋ كاسىبىنىڭ تامىر تارتۋىندا ءوندىرۋ، ساتۋ ماسەلەسىن ويداعىداي شەشۋ توتەنشە ماڭىزدى. ءونىمدى جاقسى ساتىپ، شارۋالار كىرىسىن ارتتىرۋ كاسىپ سالاسى ارقىلى كەدەيلەردى سۇيەمەلدەۋدىڭ ونىمدىلىگىن سىنايتىن ولشەم. تۇتىنۋ تانىمىنىڭ جوعارىلاۋىنا بايلانىستى، قالىڭ حالىق بۇقاراسى اۋىل شارۋاشىلىق ونىمدەرىن تۇتىنۋ حاۋىپسىزدىگىنە، ساپاسىنا جانە ەرەكشەلىگىنە بارعان سايىن ءمان بەرەتىن بولدى. قامداۋ جاعىندا، جەرگىلىكتى ورىننىڭ امالياتىنا بىرلەستىرىپ، كاسىپ قۇرىلىمىن رەتتەپ، ماركانى جاقسى جاساۋدا ساپا حاۋىپسىزدىگى وتكەلىن قاتاڭ يگەرىپ، ءوندىرىستى ويداعىداي ۇيىمداستىرۋ قاجەت. ساتۋ جاعىنا دا كوپ كۇش سالۋ، اسىرەسە، زاتتى الا ءجۇرىپ ساتۋ سياقتى ەلەكتروندى ساۋدا ۇلگىسىنەن جاقسى پايدالانىپ، ەلەكتروندى ساۋدانى بىلەتىن، دۇكەن اشاتىن «جاڭا ديقاندار» تاربيەلەپ، كۋرس اشۋ ارقىلى ءتىپتى دە كوپ بۇقاراعا ەلەكتروندى ساۋدا سىندى جاڭاشا «اۋىل - قىستاق تەحنيكاسىن» يگەرتكەندە، كەدەيلەردى سۇيەمەلدەۋدىڭ ءتىپتى دە كوپ ءونىمى تاۋلى قىستاقتان «سامعاي ۇشىپ»، ءىرى بازارلارمەن توعىساتىن بولادى.

    كەدەيلەردى سۇيەمەلدەۋ كاسىبىنىڭ تامىر تارتىپ، ورنىقتى دامۋ ۇلگىسىن ورناتۋ _ قامتاماسىز ەتۋ بولىپ تابىلادى. «سەرىكتەستىك + سەلبەستىك كووپەراتيۆى + شارۋا وتباسى» سياقتى دامۋ ۇلگىسى ارقىلى پايدا تابۋ مەحانيزمىن ورناتىپ جانە كەمەلدەندىرىپ، شارۋا وتباسىلارىنىڭ وسى زامانعى كاسىپ تىزبەگىمەن قامداۋ تىزبەگىنە كىرۋىنە مۇمكىندىك جاساۋ _ كەدەيلەردى سۇيەمەلدەۋ كاسىبىندەگى كەدەي بۇقارانىڭ كىرىسىن ورنىقتى ارتتىراتىن جاقسى ارنا. گانسۋ ولكەسى چيڭياڭ قالاسى ەنگىزگەن باستاماشى كاسىپورىن جۇڭشىڭ ەگىن - مال شارۋاشىلىق سەرىكتەستىگى جەم - ءشوپ ەگۋ، جەم - ءشوپ مانەرلەۋ، تاۋىق، قوي باعۋ، جىنتىكتەي مانەرلەۋ، توڭازىعان كۇيىندە زات جەتكىزۋ، تەرمينالدا ساتۋدان تارتىپ توراپ ساۋداسىنا دەيىن تۇتاس كاسىپ تىزبەگىن قالىپتاستىرىپ، ءاربىر بۋىن كەدەي وتباسىلارىن ات سالىسۋعا، پايدا ءبولىسىن الۋعا جەتەكتەپ، بۇكىل قالادا تاياۋداعى 5 جىلدا كەدەيلىكتەن ارىلعانداردىڭ ىشىندە وسى سەرىكتەستىكتىڭ كاسىپ تىزبەگى جەتەكشىلىك ەتكەن ادام سانى تەڭ جارىمىنا تايادى.

    قىسقاسى، كەدەيلەردى سۇيەمەلدەۋ كاسىبىندە باياندى دامۋدى جۇزەگە اسىرۋ ءۇشىن، ەرتەرەك جوسپار جاساپ، ونى كەدەي رايونداردىڭ توپىراعىنا تەرەڭ تامىر تارتقىزعاندا عانا، قاۋاشاق اشىپ، ءتىپتى دە كوپ اۋىلداستىڭ « التىن توستاعانىن» مىقتاپ ۇستاۋىنا مۇمكىندىك جاراتۋعا بولادى.

       «حالىق گازەتىنەن» اۋدارعان: ساعىنبەك رابات ۇلى

جاۋاپتى رەداكتور: گۇلدەن ماقسات قىزى