بۇكىل قوعامدا ىسىراپشىلدىق نامىس، ۇنەمشىلدىك داڭق سانالاتىن اۋقىم قالىپتاستىرايىق

  • كەلۋ قاينارى: ىلە گازەتى
  • 03:07:24 08/09/2020

   

    شى يىچي

 

    «اس - سۋ ىسىراپشىلدىق قۇبىلىسى ادامنىڭ جانىن تۇرشىكتىرەدى، ەرىكسىز اشىندىرادى» باس شۋجي شي جينپيڭ جۋىردا اس - سۋ ىسىراپشىلدىعىن تەجەۋ جونىندە ماڭىزدى نۇسقاۋ بەرىپ، زاڭ شىعارۋدى كۇشەيتىپ، باقىلاپ - باسقارۋدى نىعايتىپ، ۇتىمدى شارا قولدانىپ، ۇزاق ءونىمدى مەحانيزم جاراتۋدى باسا كورسەتىپ، اس - سۋ ىسىراپشىلدىعىن باتىل تەجەۋدە ۇگىت، تاربيەنى ۇزدىكسىز كۇشەيتىپ، ۇنەمشىل بولۋ ادەتىن شىنايى جەتىلدىرىپ، تۇتاس قوعامدا ىسىراپشىلدىقتى نامىس، ۇنەمشىلدىكتى داڭق سانايتىن اۋقىم قالىپتاستىرۋ كەرەكتىگىن باسا دارىپتەدى.

    «تىنىشتىق ارقىلى ءوزىن باۋلۋ، ۇنەمشىلدىك ارقىلى ءمورالىن سومداۋ كەرەك». جۇڭگونىڭ ءداستۇرلى مادەنيەتىندە، قاجىرلىلىقپەن كۇرەس جۇرگىزۋ، ۇنەمشىل بولۋ كۇندەلىكتى تۇرمىستاعى ادەت قانا ەمەس، جۇڭحۋا ۇلتىنىڭ ءداستۇرلى تاماشا ءمورالى. نەشە 10 جىلدىق جەدەل دامۋ ارقىلى ەلىمىزدىڭ قوعامدىق وندىرگىش كۇشتەرى ۇزدىكسىز دامىپ، زاتتىق ماتەريالدارى كۇن سايىن مولايىپ، حالىق بۇقاراسىنىڭ كىرىسى جاپپاي جوعارىلادى. ەكونوميكا دامىدى، كىرىس جوعارىلادى، الايدا قاجىرلىلىقپەن كۇرەس جۇرگىزىپ، ۇنەمشىل بولۋ سىندى «اسىل مۇرادان» ايىرىلۋعا بولمايدى. پارتيا 18 - قۇرىلتايىنان بەرى «اس - سۋ ىسىراپشىلدىعى»، «داستارقانداعى استا - توكتىك» سياقتى كادرلار مەن بۇقارا قاتتى جەك كورەتىن كورنەكتى ماسەلەلەردى باتىل اداقتاپ، رەتتەۋدەن «پارتيا، ۇكىمەت ورگاندارىنىڭ ۇنەمشىل بولىپ، ىسىراپشىلدىققا قارسى تۇرۋ ەرەجەسىن» جاساۋعا دەيىن، ۇنەمشىل دە ۇقىپتى بولۋ ءمورالىن جەتىلدىرۋدە جالپى حالىقتى ۇنەمشىل بولۋ ادەتىنە باۋلۋدان تارتىپ، اقاۋسىز، وركەنيەتتى تۇرمىس ءتاسىلىن قالىپتاستىرىپ، «تاباقتاعى استى تاۋىسىپ جەۋ قيمىلىنا» اتتانىسقا كەلتىرگەنگە دەيىن، پارتيا مەن ۇكىمەت تاماق ۇستەلىندە جاڭا ستيل قالىپتاستىرىپ، «ۇنەمشىل بولىپ، ىسىراپشىلدىققا قارسى تۇرۋدى» ۇزبەي دارىپتەپ كەلەدى.

    سونىمەن بىرگە، رەال ومىردە ىسىراپشىلدىق ارەكەتىنىڭ ءالى دە ءومىر ءسۇرىپ وتىرعاندىعىن سەرگەكتىكپەن كورە ءبىلۋىمىز كەرەك. قوناقجايداعى، اسحاناداعى قوناقتار تاراپ، ءدامدى تاعامداردىڭ شەتى ويىلماي قالۋ قۇبىلىسى ءالى دە از ەمەس؛ ءتۇرلى قوناعاسىلاردا، «ابىرويشىلدىق» قاشان دا «قارىن تويعىزۋدىڭ» دەسىن باسىپ، قىرۋار ازىق - تۇلىك قوقىر - قوقسىق ساندىعىنا تاستالادى؛ ەندى عانا اۋا جايىلعان «ءىشىپ - جەۋ تىكە تارالىمىنداعى» قيتۇرقى «مەشكەيلىگىن كورسەتۋ» سياقتى تاعى ءبىر تۇردەگى كەسكىن كورىنىستەرى جۇرتتى باۋراپ، قانشالىق كوپ جەسە، سونشالىق قايران قالىپ، كورەرمەننىڭ نازارىن وزىنە سونشالىق اۋداردى. مۇنداي ىسىراپشىلدىق قۇبىلىستار ءبىز دارىپتەپ وتىرعان ۇنەمشىل بولۋ ستيلمەن مۇلدە وتاسا المايدى.

جاۋاپتى رەداكتور: گۇلدەن ماقسات قىزى