قورعاس نان كاسىبى باقشاسى 800 دەن استام ادامدى جۇمىستاندىردى

  • كەلۋ قاينارى: ىلە گازەتى
  • 03:26:06 08/09/2020

 قازىر 1 - مەرزىمدىك نان كاسىبى باقشاسىندا كۇنىنە 50 مىڭ نان وندىرىلەدى، ەكىنشى مەرزىمدىك ٴوندىرىس ىسكە قوسىلعاننان كەيىن كۇنىنە 400 مىڭ نان، 100 مىڭ بولكا وندىرىلەدى، ءبىر مىڭ 800 دەن استام ادامدى جۇمىستاندىرۋعا جەتەكشىلىك ەتىپ، جىلدىق ٴونىم قۇنى 750 ميلليون يۋانعا جەتەدى ەكەن.

    قورعاس نان كاسىبى باقشاسى رەسمي جۇمىس باستاعاننان كەيىن ارحيۆتەستىرىلىپ، كارتوچكالاندىرىلعان كەدەي وتباسى مۇشەسى ابىلمىجيت ٴابدىقادىر ول ارانىڭ جۇمىسكەرىنە اينالىپ، تۇراقتى قىزمەت پەن كىرىسكە يە بولدى، بولاشاق تۇرمىسىنا دا سەنىمى نىعايدى. ابىلىميجيت: «بۇرىن تۇرمىسىم جاپالى، تۇراقتى ەكونوميكالىق كىرىس جوق ەدى، قورعاس نان كاسىبى باقشاسىنا كەلگەننەن كەيىن نان جاساۋدى ۇيرەندىم. قازىر ايلىق ەڭبەكاقىم 3 مىڭ يۋان اينالاسىندا، قازىرگى قىزمەتىمە ءدان رازىمىن» دەدى.

    ٴتىلشى نان كاسىبى باقشاسىنىڭ ءوندىرىس سەحىنان نان يلەۋ، نان كەسۋ، نان جاساۋ، نان جابۋ سياقتى جۇمىس اينالىمدارىنىڭ نەگىزىنەن اۆتوماتتاسقانىن جانە جارتىلاي اۆتوماتتاسقانىن، جۇمىسكەرلەردىڭ جۇمىس ٴبولىسىنىڭ رەتتى دە جۇيەلى ەكەنىن كوردى. حارنيسا مامۇت بۇل ارادا جۇمىستانۋدان بۇرىن جىلىنا 5 – 6 مىڭ يۋان عانا تاباتىن، نان جاساۋدى ۇيرەنگەننەن كەيىن تۇرمىسىندا تاڭدانارلىق وزگەرىستەر بولدى، ول: «قازىر كۇنىنە 500 - 600 نان جاسايمىن، بۇرىن بىرنەشە ايدا تاپقان اقشامدى قازىر ءبىر ايدا تاباتىن بولدىم» دەدى.

    قورعاس «ٴبىر بەلدەۋ، ٴبىر جول» قۇرىلىسى ورايىن، «نان ارقىلى ۇلكەن كاسىپكە بەتالۋ» وي جەلىسىن بەلسەنە مىقتى يگەرىپ، شينجياڭنىڭ الۋان ٴتۇرلى نان ٴونىم بايلىعىنا جانە شەكارا يمپورت ـ ەكسپورتى ابزالدىعىنا سۇيەنىپ، نان مادەنيەتىن وزەك ەتۋ، ٴتۇرلى مادەنيەتتى توعىستىرۋ، سىرتقى ساۋدا ەكسپورتى، ارالاپ سەزىنۋ، ەرەكشەلىككە يە ٴونىم ساتۋ سياقتى ٴبىر تۇلعالانعان 10 ءىرى نان كاسىبى باقشاسىن قۇردى، قورعاستىڭ ناقتى ەكونوميكانى دامىتۋداعى جەتىستىگى بۇل عانا ەمەس، ونان دا ماڭىزدىسى، تيانشاننىڭ تۇستىگى مەن تەرىستىگىندە كاسىپ سالاسىن سەلبەسە دامىتاتىن، جۇمىسقا ورنالاسۋعا جەتەكشىلىك ەتەتىن، كەدەيلىكتەن ورنىقتى ارىلتاتىن حالىققا ٴتيىمدى كاسىپ سالاسىن قالىپتاستىرعاندىعى ەدى.

    قورعاس قالاسى كايجيان نان كاسىبىن دامىتۋ شەكتى سەرىكتىگىنىڭ جاۋاپتىسى ۋاڭ چيۋجيە: «قورعاس نان كاسىبى باقشاسى شينجياڭنىڭ ٴدامدى تاعامدار مادەنيەتىنە مۇراگەرلىك ەتىپ، قورعاس ماركاسىن جاراتىپ، ەڭبەككۇشتى جۇمىستاندىردى. نان كاسىپ باقشاسى ‹التىنى ورنىقتىرۋ›، ‹التىعا كەپىلدىك ەتۋ› قىزمەت مىندەتىن مىقتى يگەرىپ، باقشا رايونىنداعى ٴتۇرلى ٴوندىرىس ـ تيجارات قيمىلىنىڭ تارتىپتىلىگىنە، جۇمىسكەرلەردىڭ كىرىستى تۇراقتى ارتتىرۋىنا بارىنشا كەپىلدىك ەتتى.»

  

جاۋاپتى رەداكتور: گۇلدەن ماقسات قىزى