«ءتۇس جانە جۇلدىزدى اسپان» موڭعۇلكۇرە اۋدانىنىڭ ساياحات كاسىبىندەگى تىڭ جاڭالىققا اينالدى

  • كەلۋ قاينارى: ىلە گازەتى
  • 03:51:07 09/09/2020

    8 - ايدىڭ 19 - كۇنى ءتۇس مەزگىلى موڭعۇلكۇرە اۋدانى اقدالا قالاشىعىنىڭ بالىقسۋ جايلاۋىندا تۇنگى جۇلدىزدى اسپاندى تاماشالاۋعا ارنايى تىگىلگەن كۇمىستەي جارقىراعان 20 اق شاتىر بەينە ساحارا كوگىندە نۇر شاشقان 20 جارىق جۇلدىزداي ەرەكشە كوز تارتۋدا.

    زەڭگىر اسپان، اقشا بۇلت استىندا 3 كۇشىك اسىر سالىپ ءجۇر، قازاق مالشىلارىنىڭ اق بوز ۇيلەرى الىستان اعاراڭداپ كورىنەدى، ۇلان - بايتاق ساحارانىڭ ساۋمال اۋاسى ادامنىڭ سارايىن اشىپ، كوڭىلدىلىك باعىشتايدى. شەتكەرى تىگىلگەن ءبىر شاتىر ىشىندە «ءتۇس جانە جۇلدىزدى اسپان» دالادا تۇنەۋ بازاسىنىڭ جاۋاپتىسى ليۋ شينۋي كەلەسى رەتكى قوناق قابىلداۋدىڭ جوباسىن جاساۋمەن قاربالاس بولىپ جاتتى.

    «ءتۇس جانە جۇلدىزدى اسپان» دالادا تۇنەۋ بازاسى بيىل 6 - ايدا سىناق رەتىندە تيجارات باستاعاننان بەرى موڭعۇلكۇرە اۋدانىنىڭ ساياحاتىنداعى جاڭاشا ءبىر تۇيىنگە اينالۋدان تىس، توراپتا قوناق قابىلداۋ ورنىنا اينالىپ، توراپتاستاردىڭ سايىن ساحاراداعى دالادا تۇنەۋ شاتىرى جونىندە تۇسىرگەن كەسكىنى دوۋيىن تەكشەسىندە زور ءدۇمپۋ قوزعاپ، بۇل كەسكىندى كورگەن شينجياڭنىڭ ءىشى - سىرتىنداعى ساياحاتشىلار بۇل اراعا كەلىپ، دالادا تۇنەپ، جۇلدىزدى اسپاندى تاماشالاپ، مارە - سارە بولدى.

    «الدىڭعى ايدا بۇل جەردەگى دالادا تۇنەۋ شاتىرى تۇگەلدەي ساياحاتشىعا تولدى، بۇل ساياحاتشىلاردىڭ %30 ى ىشكى ولكەدەن كەلگەن» دەدى ليۋ شينۋي، ونىڭ ءۇنحاتىنا جۋىردا تاعى 150 دەن استام ادام قوسىلدى، بۇلاردىڭ ىشىندە جىجياڭ، بەيجيڭ، شاڭحاي، سىچۋان سياقتى جەرلەردەگى ساياحاتشىلار باسىم كوپ ساندى يەلەيدى، ولار موڭعۇلكۇرە اۋدانىنا كەلىپ، دالادا تۇنەۋ شاتىرىندا جاتىپ، تۇنگى اسپانداعى جۇلدىزداردى تاماشالاۋدى اسىعا ارمانداۋدا.

    «ايەلدەر تۋمىسىنان رومانتيكالى سەزىمگە باي، سوندىقتان دا بۇل اراعا كەلگەندەردىڭ ىشىندە ايەل ساياحاتشىلار %70 ىن يەلەدى، بۇل اراعا كەلگەن ساياحاتشىلار دالادا تۇنەۋ شاتىرىندا جاتسا دا، باسقا شاتىرلاردى مايعا السا دا نەمەسە ءوزى قازان، ىدىس - اياعىن الا كەلىپ، اس ازىرلەسە دە بولادى» دەدى ليۋ شينۋي.

    «ءتۇس جانە جۇلدىزدى اسپان» دالادا تۇنەۋ بازاسىن 90 - جىلداردىڭ 4 تۇلەگى قارجى قوسىپ قۇرعان، ءبارى دالالىق سپورتقا اۋەس بولعاندىقتان، ولار ىشكى ولكەدەگى ساياحات تۇيىندەرىنىڭ تاجىريبەسىنەن ۇلگى الىپ، جەر - جەردى ارالاپ تەكسەرۋ بارىسىندا سوڭىندا موڭعۇلكۇرە اۋدانىنىڭ وزىندىك ەرەكشەلىككە يە ساياحات قاينارىنا ءتانتى بولعان ءارى 2 ميلليون يۋان قارجى قوسىپ، توسەكتە جاتىپ، جۇلدىزدى اسپاندى تاماشالايتىن دالادا تۇنەۋ بازاسىن قۇرعان.

    دالادا تۇنەۋ بازاسىندا توسەكتە جاتىپ، جۇلدىزدى اسپاندى تاماشالايتىن ارناۋلى 20 شاتىردان باسقا، تاعى ءۇستى اشىق 4 شاتىر بار، بۇل شاتىرلاردىڭ كونە ۇلگىدە جيھازدالۋى ساياحاتشىلاردىڭ نازارىن اۋدارادى. جۇلدىزدى دالادا تۇنەۋ شاتىرىنىڭ وزىندىك ەرەكشەلىككە يە سىرتقى فورماسى نەكەلەنۋ سۋرەتىن جانە كوركەم سۋرەتتەردى تارتۋمەن اينالىساتىن سەرىكتىكتەردى باۋراپ، جەرگىلىكتى ورىنداعى از ۇلت جاستارى باس قۇراۋ تويىن وسى ارادا وتكىزىپ، بۇل ارانى دىر - دۋمانعا بولەدى.

جاۋاپتى رەداكتور: گۇلدەن ماقسات قىزى