استىق ەگۋ كولەمى مەن ءونىم مولشەرىنىڭ ازايماۋىنا شىنايى كەپىلدىك ەتۋ كەرەك

  • كەلۋ قاينارى: شينجياڭ گازەتى تورابى
  • 08:27:44 09/09/2020

    اۆتونوميالى رايون 2020 - جىلعى دۇمبە ءبيداي ەگۋ قىزمەتى جونىندە تەلەۆيزور - تەلەفون ءماجىلىسىن اشتى

    استىق ەگۋ كولەمى مەن ءونىم مولشەرىنىڭ ازايماۋىنا شىنايى كەپىلدىك ەتۋ كەرەك

 

    گازەتىمىزدىڭ جالپىلىق اقپارات قۇرالدارى ءتىلشىسى ليۋ ي 9 - ايدىڭ 7 - كۇنى ۇرىمجىدەن حابارلايدى. 9 - ايدىڭ 7 - كۇنى اۆتونوميالى رايون 2020 - جىلعى دۇمبە ءبيداي ەگۋ قىزمەتى جونىندە تەلەۆيزور - تەلەفون ءماجىلىسىن اشىپ، تۇتاس رايوننىڭ بيىلعى دۇمبە ءبيداي ەگۋ قىزمەتىن ورنالاستىرىپ، جايعاستىرىپ، رايونىمىزدىڭ استىق حاۋىپسىزدىگىنە بار كۇشپەن شىنايى كەپىلدىك ەتتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

    ءماجىلىس مىنالاردى اتاپ كورسەتتى: بيىل ”ىندەت“ پەن ”اپاتتىڭ“ قوس قابات سىناعى استىندا، تۇتاس رايون جازعى استىقتان تاعى مول ءونىم الىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە پارمەندى كەپىلدىك ازىرلەدى.

    ءماجىلىس مىنالاردى باسا دارىپتەدى: جەر - جەر، تاراۋلار استىق ءوندىرىسىن ورنىقتىرۋدىڭ كەلەلى ءمانىن تەرەڭ تانىپ، استىق حاۋىپسىزدىگىنە شىنايى كەپىلدىك ەتۋدى ”اۋىل شارۋاشىلىعى، اۋىل - قىستاق، شارۋالار“ قىزمەتىنىڭ ماڭداي الدى ءىرى ءىسى ءارى كەلەلى مىندەتى رەتىندە قاراپ، قىزمەت ءتۇيىنىن تەز ارادا اۆتونوميالى رايوندىق پارتكوم مەن ۇكىمەتتىڭ اۋىل شارۋاشىلىعى ءوندىرىسىن مىقتى يگەرۋ جونىندەگى قىزمەت ورنالاستىرۋىنا ويىستىرىپ، باتىل تۇردە استىق حاۋىپسىزدىگىنە كەپىلدىك ەتۋدىڭ ىرىقتىلىق ۇقىعىن ءوز قولىندا مىقتى ۇستاۋ كەرەك.

    ءماجىلىس مىنالاردى باسا دارىپتەدى: جەر - جەر ەگىس ۋاقىتىن كەشەۋىلدەتپەي، دۇمبە ءبيداي ەگۋدىڭ الدىنداعى ءتۇرلى دايىندىق قىزمەتتەردى ەرتەرەك ورنالاستىرىپ، استىق ەگۋ كولەمى مەن ءونىم مولشەرىنىڭ ازايماۋىنا شىنايى كەپىلدىك ەتۋ كەرەك. استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ ستراتەگياسىن اتقارىپ، دۇمبە ءبيداي ءوندىرىسىنىڭ تەجەمدىك سيپاتتى نىسانالارى مەن مىندەتتەرىن باتىل تياناقتاندىرىپ، استىق جالپىلىق ءوندىرىس قابىلەتىن جوعارىلاتۋ كەرەك. جاۋاپكەرشىلىكتى تياناقتاندىرۋدى نىعايتىپ، ۇيىمدىق باسشىلىقتى كۇشەيتىپ، سايكەستىرۋدى، سەلبەسۋدى كۇشەيتىپ، استىقتىڭ ”ساپاسى جاقسى بولسا، باعاسى دا جاقسى بولۋداي“ باياندى مەحانيزمىن قالىپتاستىرىپ، استىق ءوندىرىسى كاسىبىنىڭ ءتىپتى دە جوعارى ساپالى، ءتىپتى دە باياندى دامۋىن جۇزەگە اسىرۋ كەرەك.

    ءماجىلىس تاعى كۇزگى جيىن - تەرىن، كۇزگى باعىپ - باپتاۋ سياقتى كەزەكتەگى اۋىل شارۋاشىلىعى جۇيەسىنىڭ ءتۇيىندى قىزمەتتەرىنە ورنالاستىرۋ جاسادى.

جاۋاپتى رەداكتور: جازيرا بولاتباي قىزى