تۋراسۋ كورىنىس رايونى تاس جولى ەكولوگيالىق نەگىزدى بەكەمدەدى

  • كەلۋ قاينارى: ىلە گازەتى
  • 03:42:42 11/09/2020

    

جاسىل تاۋ، تۇنىق سۋ ءدالىزىن قالىپتاستىرىپ، ەكولوگيالىق ورتانى قورعاۋدىڭ داڭعىل جولىن سالدى —

 

      ەرىكتى تىلشىلەر لي جىگاڭ، چين فىڭ حابارلايدى. قۇرىلىس جۇرگىزۋ تۇتاس لەنياسىنا ورتانى قورعاۋ ەسكەرتپە قاداسى ورناتىلىپ، قۇرىلىس ماشينالارىنىڭ شاپپالىقتى تاپتاماۋىنا، مال تابىنىن كەزدەستىرگەندە جۇمىستى، ٴسوزسىز، توقتاتا تۇرۋعا، قۇرىلىس رايونىنداعى قوقىر - قوقسىقتى 60 كيلومەتر شالعايداعى ورتانى قورعاۋ تالابىنا سايكەس كەلەتىن تۇراقتى ٴبىر جاقتى ەتۋ ورنىنا جەتكىزۋگە شىنايى كەپىلدىك ەتىلدى. وسى سياقتى تاس جول قۇرىلىسىنىڭ ٴاربىر بۋىنىنا ساياتىن ورتانى قورعاۋ تالابى - قۇلجا اۋدانىنىڭ تۋراسۋ كورىنىس رايونى تاس جولى بويىنداعى جۇمىس جۇرگىزىپ جاتقان ورىندار، ٴسوز جوق، بويسۇنۋعا ٴتيىستى ٴبىرىنشى ٴتارتىپ.

    قۇلجا اۋدانى تۋراسۋ كورىنىس رايونى تاس جولى قۇرىلىس نىسانى قۇلجا اۋدانىنان باستالىپ، تۋراسۋ جايلاۋى كورىنىس رايونىن باسىپ ٴوتىپ، توقسىن مال شارۋاشىلىق رايونىنىڭ شىعىسىنا دەيىن تۇتاسادى، جالپى ۇزىندىعى 106 كيلومەتر، نىسانعا جالپى 270 ميلليون 704 مىڭ يۋان قارجى قوسىلعان، 3 - دارەجەلى تاس جول. نىسان بيىل 6 – ايدىڭ 25 – كۇنى رەسمي قۇرىلىس جۇرگىزۋ كەزەڭىنە ٴوتىپ، بيىل قىس تۇسۋدەن بۇرىن نەگىزدىك قۇرىلعىلار قۇرىلىسى اياقتالادى دەپ مەجەلەنۋدە ەكەن.

    تۋراسۋ جايلاۋى كورىنىس رايونى مەملەكەتتىك 4A دارەجەلى ساياحات كورىنىس رايونى، تاريحتا اتى ايگىلى ىلە مەن جىڭدى تۇتاستىراتىن دەننۇلتاي كونە جولىن ٴوز ىشىنە الادى. كورىنىس رايونى ىشىندەگى شاتقال، وزەن، جايىلىم، بايىرعى قابىرلار سياقتى باي مازمۇندى جاراتىلىستىق مادەنيەت كورىنىستەرى، ٴار جىلى كوپتەگەن ساياحاتشىلاردى سەيىل قۇرىپ، ٴتىلسىم سىرىن اشۋعا باۋرايدى. قايتكەندە قۇرىلىس جۇرگىزۋ مەن ورتانى قورعاۋعا تەڭ ٴمان بەرۋگە بولادى، ساياحات اشۋ بارىسىندا ەكولوگيالىق ورتانى بارىنشا قورعاۋ كورىنىس رايونىن قورعاۋشىلار ويلاستىرعان ماڭداي الدى ٴىرى ىسكە اينالدى. ەگەر ورتانى قورعاۋ تەحنيكاسى وتكەلدەن وتپەسە، ورتانى قورعاۋ جوباسى تولىق بولماسا، بىرنەشە جىل كەشىگىپ جول جاساۋعا تۋرا كەلەدى. تاس جول قۇرىلىسىنداعى قورشاعان ورتانى قورعاۋ ماسەلەسىن الدىمەن ويلاستىرۋدى نەگىز ەتكەن تۋراسۋ تاس جول قۇرىلىسى 2020 ـ جىلعا كەلگەندە عانا جۇمىس باستادى.

    ٴتىلشى قۇرىلىس مايدانىنان سۋ شاشۋ ماشينالارىنىڭ ارلى – بەرلى جۇيتكىپ قۇرىلىس ورنىنداعى شاڭ - توزاڭدى باسىقتىرسا، ورتانى قورعاۋدى ارناۋلى باقىلاۋشى قىزمەتكەر باقىلاۋ - ولشەۋ باعاناسىندا تۇرىپ، ٴاربىر قۇرىلىس ماشينالارى لەنياسىنا ناق مايداندا شارلاۋ جۇرگىزىپ جاتقانىن كوردى. تاس جول قۇرىلىسى تۇتاس جەلىسىنە ورتانى قورعاۋ قاداسى ورناتىلىپ، قۇرىلىس ماشينالارىنىڭ شابىس الاڭىندا بەتالدى جۇرۋىنە تيىم سالىنعان. ال قۇرىلىس ماشينالارى جولدان وتكەن مالداردى كەزدەستىرگەندە دەرەۋ توقتاپ، مالدار ٴوتىپ بولعان سوڭ قۇرىلىس جۇمىسىن جالعاستىرادى.

جاۋاپتى رەداكتور: گۇلدەن ماقسات قىزى