2000 - جىلداردىڭ تۇلەكتەرى ءبىرىنشى شەپتە ءوز ەرىكتەرىمەن اسپاز بولدى

  • كەلۋ قاينارى: ىلە گازەتى
  • 03:38:10 11/09/2020

    «ەكەۋىمىز دە اسپازبىز، مۇنداي قيىن ساتتە ولاردى تاماق جاساۋ جاعىنان تارىقتىرمايىق، قىستاققا ايتىپ، ولارعا تاماق ازىرلەپ بەرەيىك». اۋەلى ەكەۋى تەلەفوندا اقىلداسىپ الىپ، سودان قىستاق كادرلارىمەن بايلانىس جاساپ، وزدەرى ەرىكتى ءوتىنىش ەتىپ، قىستاق كادرلارىنا تاماق جاساپ بەرۋ مىندەتىن ۇستىلەرىنە الادى.

    بۇرىن ەكەۋى قۇلجا قالاسىنداعى اسحانالاردا بىرنەشە جىل اسپاز بولعان. ونەرلەرىن ۇشتاي ءتۇسۋ ءۇشىن، ەكەۋى قۇلجا اۋدانىنا قايتىپ بارىپ، كاسىپتىك مەكتەپتەن تاماق جاساۋ ونەرىن جالعاستى ۇيرەنىپ، اسپازدىق كۋالىكتەرىن دە الىپ ۇلگىرگەن ەدى.

    8 - ايدىڭ 1 - كۇنى ەكەۋى كەرەكتى جۇكتەرىن قىستاق تۇرعىندار كوميتەتىنە تاسىپ اكەلەدى. سول كۇنى ءتۇس الەتىندە ولار قىستاق كادرلارىنا تاماق ازىرلەۋ جۇمىسىن تولىق وتكىزىپ الدى.

    ءۇشون حۇيزۋ اۋىلىنىڭ ورىنباسار باستىعى، توقشىجۇزى قىستاعى پارتيا ياچەيكاسىنىڭ شۋجيى ءسايپىدىن تۇرسۇنمامەت: «قىستاق تۇرعىندار كوميتەتى ولاردىڭ ٴوتىنىشىن تاپسىرىپ العاننان كەيىن، اقىلداسۋ ارقىلى وتىنىشتەرى قابىلداندى. ولار قىزمەتىمىزگە ىرىقتىلىقپەن ات سالىسىپ، قىستاق كادرلارىن ۋايىمنان ارىلتتى» دەدى.

    80 نەشە ادامنىڭ تاماعىن ازىرلەۋ وڭاي ەمەس، الدىڭعى شەپتە شايقاس جاساپ جاتقان قىزمەتكەرلەردىڭ ٴدامدى تاماق جەۋىنە مۇمكىندىك جاساۋ ٴۇشىن ەكەۋى امالداپ تاماق ءتۇرىن لايىقتى رەتتەۋدى ويلاستىردى. ٴار كۇنى ساعات 7 مولشەرىندە ەكەۋى ورىندارىنان تۇرىپ تاماق ازىرلەۋگە كىرىسەدى. تاڭەرتەڭگى اسقا شاي، بوتقا، نان جانە بۋ ناندى كۇن ارالاتىپ اۋىستىرىپ، ءار كۇنى ءبىر تۇردەن ىستىق قۋىرماش ازىرلەدى. تۇسكى تاماقتا ەكەۋى ءوز ونەرىن ايگىلەپ، پالاۋ، ەت قارما، سامسى، قاقتالعان سيىر ەتى مەن تاۋىق ەتى، سونداي - اق ءتۇرلى ماۋسىمدىق قۋىرماشتار قۋىردى، ەگەر تۇستە ەتتى قۋىرماشتار كوبىرەك بولسا، كەشكە مايسىز تاعام ازىرلەدى. كادرلاردىڭ كەشتە ۇستەمەلەپ جۇمىس ىستەۋى قاجەت بولعاندا، ولار دا امالىن تاۋىپ قىزمەتكەرلەرگە ۇستەمە جۇمىس ىستەۋدەن تىنبادى.

    «ولاردىڭ قىزمەتى قانشاما جاپالى، ءبىز جاسپىز عوي، كوبىرەك جۇمىس ىستەۋگە حاقىلىمىز» دەدى كامىلجان. ول ەكەۋى دە مۇنى ماعىنالى ٴىس دەپ قاراپ، قىستاققا كومەك قولدارىن سوزدى. بۇل - ولاردىڭ ٴبىرىنشى شەپتەگى قىزمەتكەرلەردى قۇرمەتتەۋى ءارى ولاردىڭ قىزمەتىن قولداعانى ەدى.

    ەرىكتى قىزمەت وتەۋشى ما جۋان ول ەكەۋىنىڭ ىسىنەن قاتتى اسەرلەندى. سونىمەن ۋاقىتىن شىعارىپ ولاردىڭ كوكونىس تۋراۋىنا، كوكونىس جۋۋىنا قول ۇشىن بەرىپ تۇردى. ٴبىرىنشى شەپتە قىزمەت ىستەپ جۇرگەن فاڭ ميڭ بولسا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ مۇشەسى ەدى، ول: «شينجياڭنىڭ ٴدامدى تاعامدارىن جەپ، قىزمەتكە بولعان جىگەرىمىز تاسقىنداپ، مەيىرگە بولەندىك» دەدى.

    ٴسايپىدىن: «ٴبىر ايدان بەرى قىستاقتاعى 100 دەن استام جاس ەرىكتى قىزمەت وتەۋشى بولۋعا بەلسەنە تىزىمدەلدى. ونىڭ %80 تەن استامى 90 -، 2000 – جىلداردىڭ تۇلەكتەرى. ولار ءارقايسى قىزمەت ورنىندا قىستاق تۇرعىندارىنا بەلسەنە قىزمەت وتەپ، قىستاق پارتيا ياچەيكاسىنىڭ قىزمەت اۋىرتپالىعىن جەڭىلدەتتى. ولار ٴىس جۇزىندىك ارەكەتتەرى ارقىلى جاڭا ٴداۋىر جاستارىنىڭ جاڭا بەت ـ بەينەسىن، جاڭا سالتىن ايگىلەدى» دەدى.

  

جاۋاپتى رەداكتور: گۇلدەن ماقسات قىزى