بيىل وڭتۇستىك شينجياڭداعى 4 ايماق - وبلىستا كومىردى ەلەكترگە وزگەرتۋ (1 - مەرزىمدىك) ينجەنەرياسى 292 مىڭ وتباسىنا يگىلىك جەتكىزەدى

  • كەلۋ قاينارى: شينجياڭ گازەتى تورابى
  • 08:11:08 12/09/2020

  

     گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 9 - ايدىڭ 10 - كۇنى ۇرىمجىدەن حابارلايدى. 9 - ايدىڭ 10 - كۇنى 2020 - جىلعى وڭتۇستىك شينجياڭداعى 4 ايماق - وبلىستا كومىردى ەلەكترگە وزگەرتۋ (1 - مەرزىمدىك) ينجەنەريالىق قۇرىلىسى قىزمەتىن جەدەل ىلگەرىلەتۋ جونىندەگى تەلەۆيزور - تەلەفون ءماجىلىسى اشىلدى. ءماجىلىس مىنانى اتاپ كورسەتتى: سەنىمدى ونان ارى بەكەمدەپ، كۇشتى شوعىرلاندىرىپ، قيىنشىلىقتاردى جەڭىپ، قارقىندى مىقتى ۇستاپ، 2020 - جىلى وڭتۇستىك شينجياڭداعى 4 ايماق - وبلىستا كومىردى ەلەكترگە وزگەرتۋ (1 - مەرزىمدىك) ينجەنەرياسىنىڭ نىسانالارى مەن مىندەتتەرىنىڭ ۋاعىندا سان مەن ساپا جاعىنان تولىق ورىندالۋىنا شىنايى كەپىلدىك ەتۋ كەرەك.

    اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى ءارى ءسوز سويلەدى.

    ءماجىلىس مىنالاردى اتاپ كورسەتتى: بيىل وڭتۇستىك شينجياڭداعى 4 ايماق - وبلىستا كومىردى ەلەكترگە وزگەرتۋ (1 - مەرزىمدىك) ينجەنەرياسى جالپى 3 ايماق - وبلىستاعى 24 اۋدان - قالانى، 199 اۋىل - قالاشىقتى، 1078 قىستاقتى، 292 مىڭ تۇرعىندى قامتيدى؛ سايكەستى ەلەكتر تورى قۇرىلىسى نىساندارىنان 1079ى جوسپارلاندى. بيىل 3 ايعا جەتپەيتىن قۇرىلىس جۇرگىزۋ مەزگىلىندە تۇتاس جىلداعى كومىردى ەلەكترگە وزگەرتۋ ينجەنەريالىق قۇرىلىسىنىڭ مىندەتتەرىن ورىنداۋ وتە جاپالى.

    ءماجىلىس مىنالاردى تالاپ ەتتى: ينجەنەريا شارپيتىن وڭتۇستىك شينجياڭداعى 3 ايماق - وبلىستىڭ حالىق ۇكىمەتتەرى (اكىمشىلىك مەكەمەسى) كومىردى ەلەكترگە وزگەرتۋ قىزمەتىندەگى تۇلعالىق جاۋاپكەرشىلىكتى تياناقتاندىرۋى، اۆتونوميالى رايوندىق دامۋ جانە رەفورما كوميتەتى نىساندى سايكەستى رەتتەپ ىلگەرىلەتۋ قىزمەتىن باستاماشىلدىقپەن جاقسى ىستەۋى، مەملەكەت ەلەكتر تورى شينجياڭ ەلەكتر قۋاتى سەرىكتەستىگى ءبىر تۇتاس رەتتەپ، جۇمىس مەزگىلىن قاۋىرت ورنالاستىرىپ، كىرىستىرە ىلگەرىلەتىپ، شوعىرلى تۇردە قامال الىپ، قۇرىلىس جۇرگىزۋگە ۇيىمداستىرۋدىڭ جوعارى ونىمدىلىكپەن ۇشتاسۋىن كۇشەيتىپ، قۇرىلىس ساپاسىنا شىنايى كەپىلدىك ەتۋ العى شارتىندا، قۇرىلىس قارقىنىن جەدەلدەتۋ كەرەك.

    ءماجىلىس مىنالاردى باسا دارىپتەدى: باقىلاۋ - تەكسەرۋدى كۇشەيتىپ، ەلەكترلى جىلتۋ جابدىقتارىنىڭ ساپا وتكەلىن قاتاڭ يگەرىپ، قارجى دايىنداۋدى كۇشەيتىپ، وڭتۇستىك شينجياڭداعى 4 ايماق - وبلىستا كومىردى ەلەكترگە وزگەرتۋ (1 - مەرزىمدىك) ينجەنەريالىق قۇرىلىسى قىزمەتىنىڭ ونىمدىلىككە جەتۋىن شىن مانىندە يگەرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋگە، جاپپاي دوڭگەلەك داۋلەتتى قوعام ورناتۋعا ۇلەس قوسۋ كەرەك.

    اۆتونوميالى رايوننىڭ ورىنباسار ءتوراعاسى جاروللا يسامدين ماجىلىسكە قاتىناستى.

جاۋاپتى رەداكتور: گۇلدەن ماقسات قىزى