شينجياڭنان 20 جەكە، 10 كوللەكتيۆ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكە جانە وزات كوللەكتيۆ بولىپ باعالاندى

  • كەلۋ قاينارى: ىلە گازەتى
  • 02:36:29 16/09/2020

 

    شينجياڭ گازەتىنىڭ حابارى (ءتىلشى لي چۇنشيا). 9 - ايدىڭ 8 - كۇنى تۇستەن بۇرىن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسى بەيجيڭ حالىق سارايىندا سالتاناتپەن وتكىزىلدى، شينجياڭنان 20 جەكە، 10 كوللەكتيۆ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات جەكە جانە وزات كوللەكتيۆ اتاعىنا يە بولدى.

    جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، شينجياڭنىڭ ءارقايسى شايقاس شەبىنەن ءوز باسىنىڭ اماندىعىمەن ساناسپاي، قاسقايا قارسى اتتانىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە باتىلدىقپەن كۇرەس جاساعان ءبىر توپ وزات تيپتەر جارىققا شىقتى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا وسى رەت ماداقتاۋ - سيلاۋعا يە بولعان مەملەكەتتىك 20 وزات جەكە مەديتسينالىق قۇتقارۋ - ەمدەۋ، اۋرۋدان ساقتانۋ جانە ونى تىزگىندەۋ، نەگىزگى ساتى، قوعام حاۋىپسىزدىگى، اقپارات تىلشىلىگى ءبىرىنشى شەبىنەن كەلگەن، ولاردىڭ باسىن ءباي تىگەتىن، قالتقىسىز ۇلەس قوساتىن، باتىلدىقپەن جاۋاپكەرلىك ارقالايتىن رۋحى ادامدى سۇيىندىرەدى.

    جينالىستا تاعى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆتەردى، مەملەكەتتىك تاڭداۋلى كوممۋنيستىك پارتيا مۇشەلەرىن، مەملەكەتتىك وزات نەگىزگى ساتى پارتيا ۇيىمدارىن ماداقتاپ - سيلادى، شينجياڭنان 3 - توپتا حۋبەيعا كومەككە بارعان ەمدەۋ اترەتىنىڭ (اۆتونوميالى رايوندىق حالىق شيپاحاناسى سالماقتى ناۋقاستاردى قۇتقارۋ - ەمدەۋ اترەتى) ۋاقىتشا پارتيا باس ياچەيكاسى سياقتى 10 كوللەكتيۆ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى مەملەكەتتىك وزات كوللەكتيۆ اتاعىنا داڭقپەن يە بولدى، ياڭ جيانجۇن قاتارلى 3 ادام مەملەكەتتىك تاڭداۋلى كوممۋنيستىك پارتيا مۇشەسى اتاعىنا داڭقپەن يە بولدى، شينجياڭنان 3 - توپتا حۋبەيعا كومەككە بارعان ەمدەۋ اترەتىنىڭ (اۆتونوميالى رايوندىق حالىق شيپاحاناسىنىڭ سالماقتى ناۋقاستاردى قۇتقارۋ - ەمدەۋ اترەتى) ۋاقىتشا پارتيا باس ياچەيكاسى سياقتى 3 نەگىزگى ساتى پارتيا ۇيىمى مەملەكەتتىك وزات نەگىزگى ساتى پارتيا ۇيىمى اتاعىنا داڭقپەن يە بولدى.

جاۋاپتى رەداكتور: جازيرا بولاتباي قىزى