اۆتونوميالى وبلىس ٴونىمدى شارا بەلگىلەپ، قاتىناس – تاسىمال كاسىبىنىڭ اقاۋسىز، ورنىقتى دامۋىن قامتاماسىزداندىردى

  • كەلۋ قاينارى: ىلە گازەتى
  • 02:56:49 16/09/2020

    11 مىڭ 689 تيجارات كولىگىنىڭ 4 ميلليون 320 مىڭ يۋان اقىسى ازايتىلدى، كەشىرىم ەتىلدى

 

    تىلشىلەرىمىز لي يافىڭ، ما چىڭلۋ حابارلايدى. جۋىقتا ٴتىلشىنىڭ ۇعىسۋىنشا، اۆتونوميالى وبلىس «ىلە وبلىسىنىڭ ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ جۇمىستى، ٴوندىرىستى قالپىنا كەلتىرىپ، اقاۋسىز دامۋىن سۇيەمەلدەۋ جونىندەگى 10 ٴتۇرلى شاراسىن» بەلگىلەپ، ىندەتتەن ساقتانۋ – تىزگىندەۋ مەزگىلىندە تاسىمالدان توقتاعان تاكسي كولىكتەرىنىڭ، جولاۋشى تاسىمال اۆتوكولىكتەرىنىڭ ٴارقايسى تاسىمال سەرىكتىكتەرى جاعىنان ٴبىر ايلىق باسقارۋ قاراجاتىن ازايتتى، كەشىرىم ەتتى.

    تاكسي كولىگىنىڭ شوفەرى جيا تاۋ اسەرلەنە بىلاي دەدى: «بىرنەشە كۇننەن بەرى تاكسي كولىكتەرىنىڭ شوفەرلەرى ٴبىر ايلىق باسقارۋ قاراجاتىنىڭ ازايتىلاتىندىعى، كەشىرىم ەتىلەتىندىگى جونىندەگى حابارلاندىرۋدى تاپسىرىپ الدى، بۇل بارشا تاكسي شوفەرلەرىنىڭ ەكونوميكالىق اۋىرتپالىعىن شىنايى جەڭىلدەتتى».

    ول قازىر اۆتوكولىكتى زارارسىزداندىرۋ مەن ٴوزىن قورعاۋ قىزمەتىن ٴار كۇنى ويداعىداي ىستەپ، جولاۋشىلاردى حاۋىپسىز، الاڭسىز ەتۋگە قۇلشىندى.

    قۇلجا قالاسىندا جيا تاۋ سياقتى تاكسي شوفەرلەرى 2 مىڭنان اسادى. كوپشىلىك بىرنەشە كۇننەن بەرى وسىنداي قۋانىشتى حابارلاندىرۋدى تاپسىرىپ الدى. قۇلجا قالالىق قالا تاكسي كولىكتەرى قوعامىنىڭ باستىعى لي جيانبو بىلاي دەدى: «قۇلجا قالاسىنداعى 8 تاكسي كاسىپورنىنىڭ 2 مىڭ 426 تاكسي كولىگىنىڭ باسقارۋ قاراجاتىن تولىق ازايتۋ، كەشىرىم ەتۋ اقىسى مەجەمەن 6 ميلليون يۋاننان اسادى، ازايتۋ، كەشىرىم ەتۋ ساياساتى وسى ايدىڭ سوڭىنا دەيىن تولىق تياناقتانادى».

    ۇعىسۋعا قاراعاندا، تاسىمال كاسىپورىندارى مەن تاكسي كولىكتەرى شوفەرلەرىنىڭ اۋىرتپالىعىن شىنايى جەڭىلدەتۋ ٴۇشىن، وبلىستىق پارتكوم مەن ۇكىمەت باسقارۋ قاراجاتىن ازايتۋ، كەشىرىم ەتۋ ساياساتىن شىعارىپ، قاتىناس – تاسىمال كاسىبىنىڭ اقاۋسىز، ورنىقتى دامۋىن ٴونىمدى قامتاماسىزداندىرىپ، تاكسي شوفەرلەرىنىڭ كوڭىلىن ورنىقتىرعان.

    ىلە وبلىستىق اۆتوكولىك جولاۋشى تاسىمال باس بەكەتىندە، قۇلجا قالاسىنان قۇلجا اۋدانىنا قاتىنايتىن كولىكتىڭ شوفەرى اقىنباي قىدىرالى ۇلى كولىگىن زارارسىزداندىرۋمەن ابىگەرلەنىپ جاتتى. «بۇگىن جولاۋشى تاسىمال بەكەتىنىڭ قاراجاتى مەن سەرىكتىكتىڭ باسقارۋ قاراجاتىنان مەنەن 530 يۋان كەشىرىم ەتىلگەنىن ٴبىلىپ، ايرىقشا قۋاندىم» دەدى ول قۋانىشتى تۇردە. ول تاعى بىلاي دەدى: «ٴار دارەجەلى پارتكوم مەن ۇكىمەت ٴونىمدى شارالار شىعارىپ، ٴادىس – امال قاراستىرۋ ارقىلى بۇقارانى ۋايىمنان ارىلتىپ، قيىنشىلىعىمىزدى شەشىپ، پارتيا مەن ۇكىمەتتىڭ قامقورلىعىن، مەيىر – شاپاعاتىنان سەزىندىردى».

    ىلە قاتىناس – تاسىمال توبى شەكتى سەرىكتىگى جولاۋشى تاسىمال ءبولىمىنىڭ جاۋاپتىسى لۋ يۇڭ تىلشىگە بىلاي دەدى: «ىندەتتەن ساقتانۋ – تىزگىندەۋ كەزىندە وبلىستىق پارتكوم مەن ۇكىمەت قاتىناس – تاسىمال كاسىپورنى مەن 1 – شەپتەگى شوفەرلەرگە شىنايى ءمان بەرىپ، قوعامدىق قامتاماسىزداندىرۋ، باجى جاقتارىندا تيىمدىلىك جاساۋ، باجىنى ازايتۋ، باجىنى كەشىرىم ەتۋ ساياساتتارىن بەلگىلەپ، كاسىپورىندارعا بارىنشا قامقورلىق جاسادى. وسى جولى سەرىكتىگىمىز اۆتوبۋز لەنياسىنا، ارالىقتىڭ الىس – جاقىندىعىنا، قول قويىسقان توقتامعا جانە ءار ايدا تاپسىراتىن باسقارۋ اقىسىنا نەگىزدەلە وتىرىپ، مەجەمەن وزىنە قاراستى 67 جول لەنياسىنداعى 898 اۆتوكولىكتىڭ ءبىر ميلليون يۋان اينالاسىنداعى باسقارۋ اقىسىن كەشىرىم ەتتى».

جاۋاپتى رەداكتور: جازيرا بولاتباي قىزى