اۆتونوميالى وبلىس ٴونىمدى شارا بەلگىلەپ، قاتىناس – تاسىمال كاسىبىنىڭ اقاۋسىز، ورنىقتى دامۋىن قامتاماسىزداندىردى

  • كەلۋ قاينارى: ىلە گازەتى
  • 02:56:49 16/09/2020

    وبلىستىق قاتىناس – تاسىمال مەكەمەسى پارتگرۋپپاسىنىڭ مۇشەسى، مەكەمەنىڭ ورىنباسار باستىعى ياسىنجان ساۋىت بىلاي دەدى: «‹ىلە وبلىسىنىڭ ورتا، شاعىن، ۇساق كاسىپورىندار مەن جەكەشە ساۋدا – ونەركاسىپشىلەردىڭ جۇمىستى، ءوندىرىستى قالپىنا كەلتىرىپ، اقاۋسىز دامىتۋى جونىندەگى 10 ءتۇرلى شاراسىنىڭ› تالابىنا ساي، سوڭعى كۇندەردەن بەرى قاتىستى حابارلاندىرۋ مازمۇندارىن دەر كەزىندە اۋدان – قالالارداعى كىرە اۆتوموبيل سەرىكتىكتەرى مەن جول تاسىمال سەرىكتىكتەرىنە تاراتتىق». ءتىلشى حابار جولداعانعا دەيىن، وبلىسقا توتە قاراستى ورىندار بويىنشا جول تاسىمال سالاسىنداعى 39 كىرە اۆتوموبيل سەرىكتىگى مەن 59 جول تاسىمال سەرىكتىگى وزدەرىنە قاراستى 11 مىڭ 689 تيجارات اۆتوكولىگىنىڭ كولىك باسقارۋ اقىسىن، GPS تەكشەسىنىڭ 4 ميلليون 320 مىڭ يۋاننان استام قىزمەت وتەۋ اقىسىن ازايتتى نەمەسە كەشىرىم ەتتى. مۇنىڭ ىشىندە كىرە اۆتوموبيل سەرىكتىگىنىڭ ءبىر ميلليون 558 مىڭ يۋاننان استام باسقارۋ اقىسى، جولاۋشى تاسىمال سەرىكتىگىنىڭ 2 ميلليون 763 مىڭ يۋاننان استام باسقارۋ اقىسى ازايتىلدى نەمەسە كەشىرىم ەتىلدى.

    ياسىنجان ساۋىت بىلاي دەدى: «كەلەسى ساتىدا اۆتونوميالى رايوننىڭ 8 تاراۋى العا قويعان 40 ءتۇرلى ٴتيىمدى سۇيەمەلدەۋ ساياساتىنىڭ بەلگىلەمەسى بويىنشا ساياساتتى ۇگىتتەۋدى ويداعىداي ىستەپ، جول تاسىمال تيجاراتى كاسىپورىندارىنىڭ ساياساتتان ويداعىداي پايدالانۋىنا كومەكتەسىپ، كاسىپورىنداردىڭ ساياساتتان يگىلىكتەنۋىنە بارىنشا مۇمكىندىك جاراتىپ، جول تاسىمال سالاسىنىڭ ءۇرتىس، اقاۋسىز، ورنىقتى دامۋىن جۇزەگە اسىرامىز».

جاۋاپتى رەداكتور: جازيرا بولاتباي قىزى