تارباعاتاي ايماعىنىڭ اۋىل ـ قىستاقتارىنداعى وزگە سالاعا ويىستىرىلىپ، جۇمىستاندىرىلعان بوس ەڭبەككۇشتەر رەت سانى بويىنشا 70 مىڭنان استى

  • كەلۋ قاينارى: ىلە گازەتى
  • 03:52:56 16/09/2020

    قىزمەت ورنىندا قالىپ، ورنىقتى، جاقسى ىستەۋىنە مۇمكىندىك جاراتتى

 

    ەرىكتى ٴتىلشى ۋاڭ چۇنلين، كى جيڭ تارباعاتايدان حابارلايدى. 9 ـ ايدىڭ 2 ـ كۇنى ساۋان اۋدانى ليۋماۋۋان قالاشىعى ياڭجياۋان قىستاعىنداعى شۇي لۇڭ: «مەن قازىر شينجياڭ شينتاي توقىماشىلىق شەكتى سەرىكتىگىندە قىزمەت ىستەيمىن، كىرىسىم تۇراقتى، ايىنا 3 مىڭ يۋاننان ارتىق ەڭبەكاقى الامىن» دەدى.

    شۇي لۇڭنىڭ تانىستىرۋىنشا، جاقىن جىلداردان بەرى ول تۇرمىسىن جاقسارتۋ ٴۇشىن قىستاقتاعى بوس ەڭبەككۇشتەرمەن بىرگە سىرتقا شىعىپ، كاسىپورىندا جۇمىس ىستەپتى. قازىر وتباسى اۋقاتتانىپ، اۋدان ورتالىعىنان ٴۇي الىپتى.

    تولى اۋدانى دولاتى اۋىلى سايباق قىستاعىنىڭ تۇرعىنى جاڭاگۇل ٴماسىمقان قىزىنىڭ وتباسىندا 20 مۋ ەگىستىك جەر عانا بار ەدى، ونىڭ ەگىنشىلىككە عانا سۇيەنىپ اۋقاتتانۋ مۇمكىنشىلىگى از بولاتىن. بيىل جىل باسىندا جاڭاگۇل اۋداندىق 3 ـ باستاۋىش مەكتەپتىڭ تازالىق جۇمىسكەرىنە اينالىپ، ايىنا ٴبىر مىڭ 300 يۋان ەڭبەكاقى الاتىن بولدى.

    جاڭاگۇل سەنىممەن: «قازىر ۇكىمەتتىڭ جاردەمىندە جۇمىسقا، تۇراقتى كىرىسكە يە بولدىم، وتباسى تۇرمىسىم بارعان سايىن جاقسارىپ كەلەدى» دەدى.

    جۇمىستانۋ - تۇرعىنداردى العا جەتەلەيتىن حالىق تۇرمىسىنىڭ نەگىزى.

    بيىلدان بەرى تارباعاتاي ايماعى اۋىل ـ قىستاقتاعى بوس ەڭبەككۇشتەردى جوتكەپ جۇمىستاندىرۋعا قاراتا ارناۋلى شارالار اتقارىپ، دەر كەزىندە جوبا جاسادى.

    جەكەلەردىڭ، كاسىپورىنداردىڭ سايكەستى جۇمىستاندىرۋىنا قوسىمشا قاراجات بەرۋ سياقتى شارالاردى اتقارۋدان سىرت، ايماق، اۋدان، اۋىل، قىستاق سىندى ٴتورت دارەجەلى ەڭبەككۇش شىعارۋعا ۇيىمداستىرۋ قۇرىلىسىن اناعۇرلىم كەمەلدەندىرىپ، اۋىل ـ قىستاقتاعى بوس ەڭبەككۇشتەردى قالادا جۇمىستانۋعا باستاپ، سول جەردىڭ وزىندە، جاقىن ماڭدا كاسىپتەنۋگە جانە دەربەس يگىلىك جاراتۋعا جەتەلەدى، ٴاربىر ەڭبەك قۋاتى بار وتباسىندا كەمىندە ٴبىر ادامنىڭ جۇمىستانۋىن قۇلشىنا جۇزەگە اسىردى.

    1 – ايدان 8 ـ ايعا دەيىن تارباعاتاي ايماعىنىڭ اۋىل ـ قىستاقتاعى بوس ەڭبەككۇشتەردى وزگە سالاعا ويىستىرىپ، جۇمىستاندىرۋى رەت سانى بويىنشا 71 مىڭ 900 ادامعا جەتىپ، اۆتونوميالى رايوننىڭ نىسانا مىندەتىن %89.8 ورىندادى؛ 1 ـ ايدان 8 ـ ايعا دەيىن كىسى باسىندىق ورتاشا كىرىس 13 مىڭ 500 يۋانعا، جالپى ەڭبەك كىرىسى 958 ميلليون يۋانعا جەتتى.

    تارباعاتاي ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى ٴشارىپقان تەمىرقان ۇلىنىڭ تانىستىرۋىنشا كەلەسى قادامدا تارباعاتاي ايماعى كوپ ٴتۇرلى شارا قولدانىپ، جوتكەلەتىندەردىڭ تۇراقتى جۇمىستاندىرۋ قىزمەتىن جاقسى ىستەپ، ولاردىڭ قازىرگى قىزمەت ورنىندا ىرگە تەبۋىنە، تۇراقتاپ قالۋىنا، جاقسى ىستەۋىنە، قۇلشىنىس جانە كۇرەس ارقىلى كىرىستەرىن ارتتىرىپ، اۋقاتتاندىرۋعا مۇمكىندىك جاراتىپتى.

جاۋاپتى رەداكتور: جازيرا بولاتباي قىزى