ىلەنىڭ كۇز، قىس ماۋسىمىنداعى مادەنيەت، ساياحات قيمىلدارى ءسىزدى قارسى الادى

  • كەلۋ قاينارى: ىلە گازەتى
  • 03:39:26 16/09/2020

    ارناۋلى كەزەكشى پويەز قوسىمشا قاراجاتى ساياساتى جاعىندا، ارناۋلى كەزەكشى پويەز فورماسىندا ىلەدەن سىرت ورىندارداعى ساياحاتشىلاردى ىلەگە كەلىپ ساياحاتتاۋعا ۇيىمداستىرسا (ءار كەزەكشى پويەزداعى شينجياڭنان تىسقارى ورىنداردان كەلگەن ساياحاتشى 150 ادامنان، شينجياڭداعى ايماق، وبلىستاردان كەلگەن ساياحاتشى 200 ادامنان از بولماۋى شارت)، شينجياڭنان تىسقارى ورىنداردان كەلگەن ساياحاتشى سانىنا قاراي ءار كەزەكشى پويەزعا 50 مىڭ يۋان، شينجياڭداعى ايماق، وبلىستاردان كەلگەن ساياحاتشى سانىنا قاراي ءار كەزەكشى پويەزعا 20 مىڭ يۋان ساياحات ۇيىرمەسىن ۇيىمداستىرۋ قوسىمشا قاراجاتى بەرىلەدى؛ اۆتوموبيل اترەتى قوسىمشا قاراجات ساياساتى جاعىندا، اۆتوموبيل اترەتى ساياحات ۇيىرمەسى ارقىلى ىلەگە ساياحاتقا كەلگەن (ورىندىق سانى 17 دەن جوعارى بولعان اۆتوموبيلدى، 17 ورىندىقتى شاعىن اۆتوموبيلدەردى دە قامتيدى) ءارى ىلە وبلىسنا توتە قاراستى ورىندارداعى تۇسەلحانا، قوناقجايدا 2 كۇننەن ارتىق جاتقان بولسا، تۇرعان ورنىنان ىلەگە كەلىپ قايتقان جول، كوپىردەن ءوتۋ اقىسىنا قوسىمشا قاراجات بەرىلەدى؛ جەكە ساياحات ۇيىرمەسى ۇيىمداستىرعانداردىڭ بارىپ - قايتۋداعى جول، كوپىردەن ءوتۋ اقىسىنا بەرىلەتىن قوسىمشا قاراجات ءبىر مىڭ 200 يۋاننان اسپاۋى كەرەك. جەكە كولىكپەن ساياحاتتاۋ قوسىمشا قاراجاتى ساياساتى جاعىندا، جەكە كولىكپەن ساياحاتتاۋ فورماسىندا ىلەدەن سىرت ورىندارداعى ساياحاتشىلاردى ىلەگە كەلىپ ساياحاتتاۋعا ۇيىمداستىرعان ساياحات كووپەراتيۆتەرىنە (اۆتوكولىك سانى 20 دان، ساياحاتشى سانى 60 تان، ىلە وبلىسىنا توتە قاراستى ورىندارداعى تۇسەلحانا، قوناقجايدا جاتقان ۋاقىتى 2 كۇننەن كوپ بولۋى شارت) ءاربىر رەتكى جەكە كولىكپەن ساياحاتتاۋعا ۇيىمداستىرعانى ءۇشىن 30 مىڭ يۋان قوسىمشا قاراجات بەرىلەدى.

    اۆتونوميالى وبلىس تاعى ساياحات كووپەراتيۆتەرىن رەت ءتارتىبى بويىنشا سيلاۋ ساياساتىن بەلگىلەپ، ساياسات اتقارىلعان كەزدە ىلە وبلىسىنا توتە قاراستى ورىندارعا رەت ٴتارتىبى بويىنشا جالپى مىڭنان استام ساياحاتشى جىبەرگەن، الدىڭعى 5 ورىندى يەلەگەن كووپەراتيۆتەردى جەكە - جەكە 300 مىڭ يۋان، 250 مىڭ يۋان، 200 مىڭ يۋان، 150 مىڭ يۋان جانە 100 مىڭ يۋانمەن سيلاۋدى ۇيعارعان.

جاۋاپتى رەداكتور: جازيرا بولاتباي قىزى