تۇرعىن ٴۇي الەۋمەتتىك قورىنىڭ قولداۋ ساياساتىنان 860 مىڭ جۇمىسشى ـ قىزمەتكەر يگىلىكتەندى

  • كەلۋ قاينارى: ىلە گازەتى
  • 03:15:16 17/09/2020

 

    شينجياڭ گازەتىنىڭ حابارى (ءتىلشى ۋاڭ يۇيجاۋ). ءتىلشىنىڭ اۆتونوميالى رايوندىق تۇرعىن ءۇي جانە قالا – اۋىل قۇرىلىسى مەڭگەرمەسىنەن ۇعىسۋىنشا، رايونىمىز 7 – ايدىڭ 17 – كۇنىنەن باستاپ، تۇرعىن ءۇي الەۋمەتتىك قورىن كەشەۋىلدەتىپ تاپسىرۋدى باسقارۋ جانە جالعاستى تاپسىرۋدى تۇراقتاندىرۋ سياقتى جاقتاردا كەڭشىلىك ەتۋ ساياساتتارىن ۇزدىكسىز اتقارعان، 9 – ايدىڭ 9 – كۇنىنە دەيىن تۇتاس رايون بويىنشا تۇرعىن ءۇي الەۋمەتتىك قورىندا كەشەۋىلدەتۋگە جاتقىزىلماي ءبىر جاقتى ەتىلگەن قارىز 14 مىڭ 38، سوماسى 35 ميلليون 582 مىڭ يۋان بولىپ، تۇرعىن ءۇي الەۋمەتتىك قورىن تاپسىرا الماي قالعان 18 مىڭ 500 ورىن، 861 مىڭ 300 جۇمىسشى – قىزمەتكەر جالعاستى تاپسىرۋدى تۇراقتاندىرۋ جاعىندا كەڭشىلىك ەتۋ ساياساتىنان يگىلىكتەنگەن.

    ىندەتتىڭ كاسىپورىنداردا قىسقا مەرزىمدىك قارجى اينالىمىنىڭ جەتكىلىكسىز بولۋىن كەلتىرىپ شىعارعان تيجارات قىسىمىن جەڭىلدەتىپ، تاپسىراتىن ورىن مەن جۇمىسشى – قىزمەتكەرلەردى ۋايىمنان ارىلتۋ ءۇشىن، بيىلدان باستاپ رايونىمىز كوپ ٴتۇرلى تۇرعىن ٴۇي الەۋمەتتىك قورىن كەزەڭدىك قولداۋ ساياساتىن ىركەس – تىركەس اتقاردى.

    كەزەكتە اتقارىلىپ وتىرعان ادەتتەگى ءتارتىپ بويىنشا تاپسىرۋ سالىستىرماسىن تومەندەتۋدى ءوتىنىش ەتۋ، ۇزدىكسىز تاپسىرۋدى ءوتىنىش ەتۋ ساياساتى، كەشەۋىلدەتىپ تاپسىرۋدى باسقارۋ جاعىندا كەڭشىلىك ەتۋ، جالعاستى تاپسىرۋدى تۇراقتاندىرۋ جاعىندا كەڭشىلىك ەتۋ، ٴۇي ماياقىسىن الۋدى ساپالىلاندىرۋ ساياساتتارىن ۇزدىكسىز اتقارۋ سياقتىلاردى جالعاستى ويداعىداي تياناقتاندىرادى.

    جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراعان كاسىپورىندار بەلگىلەمە بويىنشا تۇرعىن ٴۇي الەۋمەتتىك قورىن كەشەۋىلدەتىپ تاپسىرۋدى ٴوتىنىش ەتۋىنە بولادى، كەشەۋىلدەتىپ تاپسىرعان ۋاقىتى تاپسىرۋ ۋاقىتى رەتىندە ۇزدىكسىز ەسەپتەلەدى، جۇمىسشى – قىزمەتكەرلەردىڭ تۇرعىن ٴۇي الەۋمەتتىك قورى قارىز اقشاسىن قالىپتى الۋ جانە ٴوتىنىش ەتۋ جۇمىسىنا ىقپال جاسامايدى.

    جالعاستى تاپسىرۋعا كەڭشىلىك ەتۋدى تۇراقتاندىرۋ جاعىندا، رايونىمىز ىندەتتىڭ ىقپالىنا بايلانىستى تۇرعىن ٴۇي الەۋمەتتىك قورىن ۋاعىندا، تولىق تاپسىرا الماي قالعان ورىندار جونىنەن ىندەتتەن كەيىن تولىقتاپ تاپسىرۋدى ىسكە اسىرادى. مۇندا جۇمىسشى – قىزمەتكەرلەردىڭ تۇرعىن ءۇي الەۋمەتتىك قورىن تاپسىرۋ ۋاقىتى جالعاستى ەسەپتەلەدى، بۇل ولاردىڭ قارىز اقشا الۋ ۇقىق – مۇددەسىنە ىقپال جاسامايدى.

    ساناققا قاراعاندا، 7 ـ ايدىڭ 17 ـ كۇنىنەن بەرى رايونىمىز قورعا اقشا تاپسىرعان 6 مىڭ 800 جۇمىسشى ـ قىزمەتكەردىڭ 75 ميلليون 32 مىڭ 600 يۋان ٴۇي ماياقىسى قارىزىن الۋ رەسمياتىن بىتىرگەن.

جاۋاپتى رەداكتور: جازيرا بولاتباي قىزى