اۆتونوميالى وبلىستاعى ءبىر مىڭ 24 ءتۇيىندى نىسانعا جالپى 38 ميلليارد 400 ميلليون يۋان قارجى قوسىلدى

  • كەلۋ قاينارى: ىلە گازەتى
  • 03:09:25 17/09/2020

    قۇرىلىس مەرزىمىن مىقتى يگەرىپ، «قارقىندى جەدەلدەتۋ» ۇلگىسىن ىسكە قوسىپ، جوعارى ساپالى دامۋداعى «ورنىقتىرعىشتى» بەكەمدەدى

    اۆتونوميالى وبلىستاعى ءبىر مىڭ 24 ءتۇيىندى نىسانعا جالپى 38 ميلليارد 400 ميلليون يۋان قارجى قوسىلدى

 

سۋرەتتە: قاۋىرت سالىنىپ جاتقان شينجياڭ موڭعولكۇرە تۇلپار اۋەجايى

    سۋرەتتى جاڭ چيڭحۋا تۇسىرگەن

    ءتىلشىمىز جي شيانفىڭ حابارلايدى. ءتۇرلى قۇرىلىس ماشينالارى گۇرىلدەپ، جۇك اۆتوموميلدەرى قايشالىسىپ، قۇرىلىس جۇمىسشىلارى قۇرىلىس مەرزىمىن مىقتى يگەرىپ، قاربالاس جۇمىس جۇرگىزىپ جاتتى. 9 – ايدىڭ 14 – كۇنى مەملەكەت تاس جولى 219 – لەنياسىنىڭ دۋلات وتكەلىنەن موڭعولكۇرە قالاشىعىنا دەيىنگى تاس جول بولەگىندەگى ينجەنەريا نىسانىن جۇرگىزۋگە جانە باسقارۋعا جالپى 800 دەن استام ادام قاتىناسىپ، مولشەرمەن 220 ماشينا جابدىق ىسكە قوسىلىپ، «بىرىككەن شايقاس» باستالىپ، ينجەنەريانىڭ جوعارى ساپالى، جوعارى ءونىمدى جۇرگىزىلىپ، بەلگىلەنگەن مەرزىمدە اۆتوكولىك قاتىناۋعا كەپىلدىك ەتۋگە قۇلشىنىس جاسالۋدا.

    بۇل نىسان بيىل 10 – ايدىڭ سوڭىندا اياقتالىپ، اۆتوكولىك قاتىناۋ جوسپارلانعان، «مەملەكەتتىڭ تاس جول تورابى جوباسىنداعى (2013 – 2030)» مەملەكەت تاس جولى 219 – لەنياسىنىڭ قۇرامداس ءبولىمى، سونداي – اق شينجياڭ قاتىناس – تاسىمالى «13 – بەس جىلدىق» جوباسىنداعى «6678» بويلىق – ەندىك لەنياسى مەن اۆتونوميالى وبلىستىڭ «ەكى ەندەي، ەكى كولدەنەڭ» ۋنيۆەرسالدى تاسىمال جەلىسىندەگى «شەكارا ۋنيۆەرسالدى تاسىمال جولىنىڭ» ماڭىزدى قۇرامداس ءبولىمى. تاس جول قۇرىلىسى سالىنىپ بولىپ، اۆتوكولىك قاتىناعاننان كەيىن ىلە وبلىسى بۇكىل ەلمەن تەڭ قادامدا اۋداندار ارا 2 – دارەجەلىدەن جوعارى تاس جول تۇتاستىرىلعان دوڭگەلەك داۋلەتتى ورەنىڭ ءبىر كورسەتكىشىن ورىندايدى، بۇل ىلە اڭعارىنىڭ تاس جول تاسىمال تورابىن كەمەلدەندىرۋدە بەلەستىك ءمان الماق.

    بۇل قۇرىلىسپەن بىرگە مەملەكەت تاس جولى 578 – لەنياسىنىڭ ءدوڭمازار – نىلقى بولەگى، مەملەكەت تاس جولى 578 – لەنياسىنىڭ لۇڭكوۋ – اقجازىق بولەگى، مەملەكەت تاس جولى 577 – لەنياسىنىڭ تەكەس – موڭعولكۇرە تاس جول بولەگى قۇرىلىستارى دا قاۋىرت جۇرگىزىلۋدە. كەلەسى جىلى وسى جول بولەكتەرىنىڭ ءبىتىپ، اۆتوكولىك قاتىناۋىنا ىلەسە ىلە وبلىسىنا توتە قاراستى سەگىز اۋدان، ءۇش قالانىڭ ءبارى جوعارى قارقىندىق تاس جولمەن تۇتاستىرىلىپ، شينجياڭ بويىنشا الدىڭعى قاتارعا وتەدى.

    جۋىقتان بەرى اۆتونوميالى وبلىس كۇشتى شوعىرلاندىرا وتىرىپ ءتۇيىندى نىسانداردا جاپپاي قۇرىلىس باستاپ، بىردەي «قارقىندى جەدەلدەتۋ» فورماسىن قولداندى. ءتىلشىنىڭ 9 – ايدىڭ 14 – كۇنى اۆتونوميالى وبلىستىڭ نىسان قىزمەتىنە قولباسشىلىق ەتۋ شتابىنان ۇعىسۋىنشا، 9 – ايدىڭ 14 – كۇنىنە دەيىن وبلىسقا توتە قاراستى ورىندارداعى 5 ميلليون يۋاننان جوعارى قارجى قوسىلعان ءبىر مىڭ 24 نىسانعا قاجەتتى ناقتى ماتەريال مولشەرىنە قاراي بيىلدىڭ ىشىندە جالپى 38 ميلليارد 487 ميلليون يۋان قارجى قوسىلىپ، جىلدىق قارجى قوسۋ جوسپارىنىڭ %74.2 ى ورىندالىپ، 336 نىسان تامامدالعان. مۇنىڭ ىشىندە ۇزدىكسىز اتقارىلاتىن 289 نىسانعا جالپى 12 ميلليارد 469 ميلليون يۋان قارجى قوسىلىپ، قارجى قوسۋ سالىستىرماسى %82.5 كە جەتىپ، 95 نىسان تامامدالعان. جاڭادان قۇرىلىس باستالعان 428 نىسانعا جالپى 18 ميلليارد 699 ميلليون يۋان قارجى قوسىلىپ، قارجى قوسۋ سالىستىرماسى %70.7 كە جەتىپ، 158 نىسان تامامدالعان. زاپاس نىساننان وزگەرتىلگەن 307 نىساندا بۇكىلدەي قۇرىلىس باستالىپ، جالپى 7 ميلليارد 119 ميلليون يۋان قارجى قوسىلىپ، قارجى قوسۋ سالىستىرماسى %71.1 كە جەتىپ، 83 نىسان تامامدالعان.

جاۋاپتى رەداكتور: جازيرا بولاتباي قىزى