كۇنەس اۋدانىندا 90 – جىلدىڭ تۇلەكتەرى قاز باعىپ اۋقاتتاندى

  • كەلۋ قاينارى: ىلە گازەتى
  • 03:35:17 17/09/2020

    كۇنەس اۋدانى ارالتوبە قالاشىعى ۇشكەپتەر قىستاعىنىڭ تۇرعىنى ۋاڭ مىڭچاۋ - انە سولاردىڭ ءبىرى.

    9 - ايدىڭ 1 - كۇنى ءتىلشى ۋاڭ مىڭچاۋدىڭ باعىمشىلىق الاڭىنا بارعاندا ونداعى ورمان اراسىندا جايىلىپ جۇرگەن توپ - توپ اق قازدى كوردى.

    2019 - جىلى داشۋە بىتىرگەن ۋاڭ مىڭچاۋ بازارعا تەكسەرۋ – زەرتتەۋ جۇرگىزۋ ارقىلى ەكى ساباقتاسىمەن بىرگە 170 مىڭ يۋان قارجى قوسىپ، 10 مۋ جەردى كوتەرمەگە الىپ، ءۇي قۇسى باعىمشىلىعى الاڭىن قۇرىپ، بيىل 6 - ايدان باستاپ شاندۇڭ ولكەسىنەن 2 مىڭ قاز بالاپانىن ساتىپ اكەلىپ، باعۋعا كىرىسكەن. قازىر 600 قازدى ءاربىرىن 100 يۋاننان ساتتى. قالعان قازدى قورعاس اۋدانىنداعى بەلگىلى ءبىر اس - سۋ كاسىپورنى ساتىپ الۋعا توقتامداسىپ ۇلگىردى.

    ۋاڭ مىڭچاۋدىڭ سەرىكتەرى كۇنەس قۇربانجان ۇلى مەن بالعىن ءادىلجان ۇلى دا 90 - جىلدىڭ تۇلەكتەرى. ۋاڭ مىڭچاۋ: «ءۇي قۇسى باعىمشىلىعىمەن تۇڭعىش رەت شۇعىلدانىپ وتىرمىز، تاجىريبەمىز از، باعۋ تەحنيكامىز جەتكىلىكسىز بولعاندىقتان، توراپتان ۇيرەندىك، شاندۇڭ ولكەسى تايجوۋ قالاسى قاز فەرماسىنداعى تەحنيكتەردى تەحنيكا ۇيرەتۋگە ۇسىنىس ەتتىك. 8 - ايدىڭ ورتا، اياق شەندەرىندە باعىمىمىزداعى قازدار سەمىرىپ، سالماعى 4 كيلوگرامعا جەتىپ، ءار كيلوگرامى 25 يۋاننان ساتىلىپ، بازاردا ءوتىمدى بولدى» دەدى.

    ولار باعىمشىلىق بارىسىندا ەكونوميكالىق جاقتان قيىنشىلىققا ءدوپ كەلگەندە قالاشىق، قىستاق كادرلارى جانە «ۇعىسۋ، تيىمدىلىك جاساۋ، توعىستىرۋ» قىزمەت اترەتىندەگىلەر بارىنشا كومەكتەسىپ، ولارعا دەم بەرىپتى.

    ۋاڭ مىڭچاۋ: «بىرنەشە كۇننەن كەيىن قازى باعۋ تەحنيكاسىن يگەرۋ ءۇشىن ىشكى ولكەگە اتتانامىن. قايتىپ ورالعاننان كەيىن باعىم الاڭىن كەڭەيتۋمەن بىرگە، ەكى ولشەمدى بالاپان جەتىلدىرۋ بازاسىن سالىپ، قۇس باعىمشىلىعىن كولەمدەندىرەمىن. قازىر فەرمادا 3 جۇمىسشىمىز بار، باعىمشىلىق كولەمى كەڭەيگەن سوڭ جۇمىسشى سانىن دا ارتتىرامىز. ءبىزدىڭ پرينسيبىمىز - الدىمەن قىستاعىمىزداعى ارحيۆتەستىرىلىپ، كارتوچكالاندىرىلعان كەدەي وتباسى مۇشەلەرىنىڭ جۇمىستانۋ قيىنشىلىعىن شەشۋ. مەن ورماندىقتا قاز باعىپ، اۋقاتتانۋدىڭ سارا جولىنا تۇسەمىن» دەدى بەرىك سەنىممەن.

  

جاۋاپتى رەداكتور: گۇلدەن ماقسات قىزى