قورعاس اۋدانى شارۋالاردى باسقا سالاعا ويىستىرىپ كاسىپتەندىرىپ، تۇرمىسىندا تىڭ بۇرىلىس جاسادى

  • كەلۋ قاينارى: ىلە گازەتى
  • 03:41:25 17/09/2020

 

    ەرىكتى تىلشىلەر يە جۇن، نۇرشات قورعاستان حابارلايدى. جاقىنعى جىلدان بەرى قورعاس اۋدانى جۇمىستاندىرۋ تەكشەسىن بەلسەنە قۇرىپ، اۋىل - قىستاقتاعى بوس ەڭبەككۇشتەردى باسقا سالاعا ويىستىرىپ جۇمىستاندىرۋدى جەبەپ، كاسىپورىنداردىڭ جۇمىسشى ىستەتۋ قاجەتىن ءۇرتىس قاناعاتتاندىرۋمەن بىرگە، شارۋالاردىڭ كىرىسىن دە ۇزدىكسىز ارتتىردى.

    قۇربانقىز اقىمەت - قورعاس اۋدانى لانگار اۋىلى ياڭگۋاڭ قىستاعىنىڭ تۇرعىنى، 4 جىلدىڭ الدىندا قايىن اپاسى ناۋقاس ءارى ۇيىندە ەكى كىشكەنە بالاسى بولعاندىقتان، ول سىرتقا شىعىپ جۇمىس ىستەۋگە امالسىز قالعان ەدى، وتباسى كىرىسى دە تەك كۇيەۋىنىڭ جۇك اۆتوموبيلىن جۇرگىزىپ تاپقان كىرىسىنەن كەلەتىن، سول جىلى ول كەدەي وتباسى بولىپ تۇراقتانعان بولاتىن. قىستاق «ەكى كوميتەتى» ونىڭ 6 مۋ ەگىستىك جەرىن اينالىمعا سالىپ، ونى بالالار كيىم - كەشەك دۇكەنىندە جۇمىس ىستەۋگە تانىستىردى، ەڭ تومەنگى تۇرمىستىق قامتاماسىزداندىرۋدان دا يگىلىكتەندىردى. وسىلايشا تۇراقتى كىرىسكە يە بولىپ، تۇرمىسى الاڭسىز بولعان قۇربانقىزدىڭ كوڭىلى جاي تاۋىپ، جۇزىنە كۇلكى ءۇيىرىلدى.

    ياڭگۋاڭ قىستاعى ءبىر - بىرلەپ اداقتاۋ، جۇمىستاندىرۋ ورىندارىمەن بەلسەنە ۇشتاسۋ، جۇمىسكەرلەرگە تەلەفون سوعىپ احۋال ۇعىسۋ ارقىلى قىستاق تۇرعىندارىنىڭ جۇمىستانۋىن، ورنىقتى جۇمىس ىستەۋىن قامتاماسىزداندىردى.

    ياڭگۋاڭ قىستاعىنىڭ 1 - شۋجيى، قورعاس اۋداندىق پارتكوم ۇگىت ءبولىمىنىڭ قىستاقتا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى گو پىڭ: «ياڭگۋاڭ قىستاعىنداعى 67 وتباسىندا 245 كەدەي جان سانى بار، مۇگەدەكتەر مەن ناۋقاستانعانداردان سىرت، ورنىقتى جۇمىستانعانداردىڭ سانى 118 گە جەتتى، قازىر ولار تۇگەلدەي ورنىقتى جۇمىستاندى. قىستاعىمىز ‹ەكىدەن تارىقتىرماۋ، ءۇشتى قامتاماسىز ەتۋ› ولشەمى بويىنشا ءار ءبىر ادامدى ءادىس - شارا، جوبا - جوسپار ارقىلى تۇگەلدەي كىرىسكە يە ەتىپ، كەدەي وتباسىلارىنىڭ تۇرمىس ورەسىن بىرتىندەپ جوعارىلاتتى» دەدى.

جاۋاپتى رەداكتور: گۇلدەن ماقسات قىزى