ورايدى مىقتاپ يگەرىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، دامۋ جەتىستىكتەرى ارقىلى ءار ۇلت حالىق بۇقاراسىن اناعۇرلىم جاقسى باقىتقا كەنەلتۋ كەرەك

  • كەلۋ قاينارى: ىلە گازەتى
  • 03:10:42 18/09/2020

 

   چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزگەن كەزدە بىلاي دەپ باسا دارىپتەدى

    ورايدى مىقتاپ يگەرىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، دامۋ جەتىستىكتەرى ارقىلى ءار ۇلت حالىق بۇقاراسىن اناعۇرلىم جاقسى باقىتقا كەنەلتۋ كەرەك

 

    شينجياڭ گازەتىنىڭ حابارى (تىلشىلەر ياۋ تۇڭ، ۋاڭ شيڭرۇي). اۆتونوميالى رايوندىق پارتكومنىڭ شۋجيى چىن چۋانگو 9 – ايدىڭ 16 – كۇنى ءۇرىمجى قالاسىندا تەكسەرۋ – زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ – تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ورايدى مىقتى يگەرىپ، ارتىقشىلىقتاردى ساۋلەلەندىرىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، دامۋ جەتىستىكتەرى ارقىلى ءار ۇلت حالىق بۇقاراسىن اناعۇرلىم جاقسى باقىتقا كەنەلتۋگە قۇلشىنۋ كەرەك.

    چىن چۋانگو ءۇرىمجى قالاسىنداعى ءبىر توقىماشىلىق، كيىم – كەشەك شەكتى سەرىكتىگىنە بارىپ، ءوندىرىس، تيجارات، بازار ساتىلىمى، ەڭبەكاقى كىرىسى سياقتى جاعدايلاردى ەگجەي – تەگجەيلى ۇعىسىپ، كاسىپورىندى سەنىمدى كۇشەيتىپ، ورايدى مىقتاپ يگەرىپ، بازاردىڭ قاجەتىن ءجىتى قاداعالاپ، ساپانى قۇلشىنا جاقسارتۋعا، كۇشەيتۋگە شابىتتاندىردى. ول بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر، سونداي – اق قاتىستى فۋنكتسيالىق تاراۋلار كاسىپورىندارعا بارىپ، كاسىپورىنداردىڭ قاجەتىن سۇراپ، كاسىپورىندارعا بەتپە – بەت، جان – جاقتى ساپالى قىزمەت وتەپ، كاسىپورىنداردىڭ ۇزدىكسىز اقاۋسىز دامۋىنا دەم بەرۋ كەرەك.

    ءۇرىمجى جوعارى – جاڭا تەحنيكا كاسىپتەرىن اشۋ رايونىنداعى (جاڭا قالا رايونى) بەلگىلى نىسان قۇرىلىسىنىڭ جۇمىس باسىندا چىن چۋانگو نىسان قۇرىلىسىنىڭ ىلگەرىلەۋ جاعدايىن ناقتى ۇعىستى. ول بىلاي دەپ اتاپ كورسەتتى: جەتەكشىلىكتى كۇشەيتىپ، قىزمەت وتەۋدى جاقسى ىستەپ، تەز قارمانۋ، ۋاقىتتى ۇتۋ رۋحىمەن نىساندى جوسپارلاپ، نىساندى ىلگەرىلەتىپ، نىسان قۇرىلىسىن سالىپ، ەكونوميكانىڭ جوعارى ساپالى دامۋىن ىلگەرىلەتۋگە قۋاتتى دا پارمەندى تىرەك ازىرلەۋ كەرەك.

    حۇيجيا شىداي بازارىندا چىن چۋانگو كاسىپورىن جاۋاپتىلارىمەن، ساۋداگەرلەرمەن جانە زات ساتىپ الۋعا كەلگەن قالا تۇرعىندارىمەن ىقىلاستى اڭگىمەلەسىپ، بازار قامداۋى، تاۋارلاردىڭ باعاسى سياقتى جاعدايلاردى ەگجەي – تەگجەيلى ۇعىستى. ول بىلاي دەپ اتاپ كورسەتتى: ىندەتتەن ساقتانۋ – تىزگىندەۋدى ۇدايىلاندىرۋ شارالارىن ويداعىداي ىستەۋ العى شارتىندا، تۇتىنۋدىڭ كومەسكى كۇشىن تولىق اشىپ، قامداۋ ساپاسىن كۇش سالا جوعارىلاتىپ، تۇتىنۋ ومىرشەڭدىك كۇشىن قاۋلاتۋ كەرەك.

    چىن چۋانگو تاعى ءار ۇلت بۇقاراسىن تەگىن ساۋدا ورنىمەن قامداپ وتىرعان تيانشان شيمىن حالىققا قولايلى بازارعا بارىپ، ءار ۇلت ساۋداگەرلەرىنەن، باسقارۋشى قىزمەتكەرلەردەن تيجارات، كىرىس، بازار باسقارۋ سياقتى جاعدايلاردى ەگجەي – تەگجەيلى ۇعىستى.

جاۋاپتى رەداكتور: گۇلدەن ماقسات قىزى