شار تاراپتان كەلگەن ساياحاتشىلار قاشقار بايىرعى قالاسىن دۋمانعا بولەدى

  • كەلۋ قاينارى: شينجياڭ گازەتى تورى
  • 09:07:11 19/09/2020

 

    گازەتىمىزدىڭ جالپىلىق اقپارات قۇرالدارى تىلشىلەرى ۋاڭ يۇيجاۋ، وتكىر نيجات، جانبولات ماناربەك

 

    سىرناي ءۇنى كوتەرىلىپ، دۋماندى بيگە باستى، ناعىرا تارتىلىپ، قوناقتاردى قارسى الدى، ازىلكەش ”ءاپاندى“ مەن قالا تۇرعىندارى توڭىرەكتىڭ ءتورت بۇرىشىنان كەلىپ، ءان شىرقاپ، ءبي بيلەپ، الىستان كەلگەن قوناقتاردى قارسى الدى...

    9 - ايدىڭ 11 - كۇنى تۇستەن بۇرىن قاشقار بايىرعى قالاسىنىڭ قالانى اشۋ سالتاناتتى ءراسىمى بۇكىل ەلدىڭ جەر - جەرىنەن كەلگەن ساياحاتشىلاردىڭ اسەرلى سەزىمىن تولقىتتى.

    كوشەنىڭ ەكى شەتىندە سامسا پىسىرگەندەر، اعاش ويما ويۋشىلار، دوپپا ساتۋشىلار، شايحانا اشۋشىلار، سونداي - اق ەرەكشە ونىمدەر مەن ەرەكشە قولونەر بۇيىمدارىن ساتاتىن ”بازارلار“ الدەقاشان جۇمىس باستاپ، الارمانداردى قابىلداي باستاعان. بايىرعى قالانىڭ شىعىس قاقپاسىنىڭ كىرەر اۋزىنداعى سامساحانانىڭ الدىندا الارماندار ۇزىننان - ۇزاق كەزەكتە تۇر. ”دۇكەننىڭ قاريدار مولشەرى ارتىپ بارادى، 200 − 300 سامسانىڭ ءبىر كۇندە ساتىلىپ كەتەرى داۋسىز“، - دەدى دۇكەن قوجايىنى ءمامتىمىن ءايىت.

    قاشقار بايىرعى قالاسىنىڭ دوپپا بازارىندا يۇنناننىڭ كۇنميڭىنەن كەلگەن ساي حۋايىڭ دوپپا كيىپ، ۇيىندەگىلەرىمەن بىرگە سۋرەتكە ءتۇسىپ ەستەلىك قالدىرۋدا. ”بىرنەشە كۇننىڭ الدىندا بايىرعى قالانىڭ اشىلاتىنىن ەستىپ، شيزاڭنىڭ اليىنداعى ساپارىمىزدى اياقتاتىپ، ءوز كولىگىمىزبەن وسىندا كەلىپ، قاشقاردىڭ ۇلتتىق سالت - ساناسىنان اسەر الدىق“، - دەدى ساي حۋايىڭ.

    قاشقار قالاسىنىڭ كونە قالا رايونىنداعى قاتەرلى، ەسكى ۇيلەردى جاڭالاۋ بويىنشا كەشەندى جونگە سالۋ ينجەنەرياسى رەتىندە، قاشقار بايىرعى قالاسىن جاڭالاۋ ساياحاتتى دامىتۋمەن ءوزارا ۇشتاستىرىلدى، 2015 - جىلى رەسمي تۇردە ماڭدايشالىق اسىپ، مەملەكەتتىك 5A دارەجەلى كورىنىس وڭىرىنە اينالدى. قاشقار كونە قالاسى جاڭالانعاننان كەيىن، تۇرعىنداردىڭ تۇرمىس شارت - جاعدايى جاقساردى، ونان دا ماڭىزدىسى، جەرگىلىكتى ورىننىڭ ساياحات كاسىبنىڭ دامۋىن جانداندىردى. قازىر بايىرعى قالادا 7000داي ادام ساياحات كاسىبىمەن تىكەلەي اينالىسىپ، 40 مىڭ ادامدى جانامالاي جۇمىستاندىرىپ وتىر.

    ”وسى بىرنەشە كۇندە ساياحاتشىلار سانى بىرتىندەپ مولايىپ كەلەدى“. قاشقار بايىرعى قالاسى كورىنىس ءوڭىرىن باسقارۋ كوميتەتىنىڭ ارناۋلى مىندەتتەگى ورىنباسار مەڭگەرۋشىسى ادىلجان ابدۇقادىر كوڭىلدەنە بىلاي دەدى: قاشقار بايىرعى قالاسى ەلىمىزدەگى بىردەن - ءبىر ەرەكشە ءتىلسىم ساراي ۇلگىسىندەگى قالا كوشەسى، سونداي - اق بۇكىل دۇنيە جۇزىندەگى ەڭ ۇلكەن توپىراقتان سوعىلعان قۇرىلىس شوعىرى، جىلدام جاقسارعان، كورىكتەنگەن، اناعۇرلىم ەرەكشەلىككە يە بايىرعى قالا، ول الدەقاشان ساياحاتشىلاردىڭ كوڭىلىندەگى ”ينتەرنەتتە تانىمالى، ءسوزسىز، باراتىن جەرگە“ اينالعان.

    بايىرعى قالا 9 - ايدىڭ 2 - كۇنى اشىلىپ ساياحاتشى قابىلداعاننان بەرى، قىرۋار ساياحاتشىنى باۋرادى، 9 - ايدىڭ 11 - كۇنى ساياحاتشى سانى 10 مىڭنان اسىپ، 10 مىڭ 969 ادام - رەتكە جەتتى.

جاۋاپتى رەداكتور: جازيرا بولاتباي قىزى