شي جينپيڭ تەلەگرامما جولداپ، جيان - ي - ۋيدىڭ جاپونيانىڭ باس ءۋازىرى بولىپ سايلانعاندىعىن قۇتتىقتادى

  • كەلۋ قاينارى: ىلە گازەتى
  • 09:59:43 19/09/2020

    شي جينپيڭ تەلەگرامما جولداپ، جيان - ي - ۋيدىڭ جاپونيانىڭ باس ءۋازىرى بولىپ سايلانعاندىعىن قۇتتىقتادى

    لي كىچياڭ جيان - ي - ۋيگە قۇتتىقتاۋ تەلەگرامماسىن جولدادى

 

    شينحۋا اگەنتتىگىنىڭ 9 - ايدىڭ 16 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ بۇگىن جيان - ي - ۋيگە تەلەگرامما جولداپ، ونىڭ جاپونيانىڭ باس ءۋازىرى بولىپ سايلانعاندىعىن قۇتتىقتادى.

    شي جينپيڭ قۇتتىقتاۋ تەلەگرامماسىندا مىنانى اتاپ كورسەتتى: جۇڭگو مەن جاپونيا ءوزارا دوس، جاقىن كورشى، سونداي - اق ازيا مەن دۇنيە جۇزىندەگى ماڭىزدى ەلدەر، جۇڭگو مەن جاپونيانىڭ باياندى، ورنىقتى، دوستىق سەلبەستىك قارىم - قاتىناسىن دامىتۋ ەكى ەل حالقىنىڭ ءتۇبىرلى مۇددەسىنە ۇيلەسەدى ءارى ازيا مەن دۇنيە ءجۇزىنىڭ بەيبىتشىلىگىنە، ورنىقتىلىعىنا، گۇلدەنۋىنە دە پايدالى. ەكى جاق جۇڭگو مەن جاپونيانىڭ 4 ساياسي قۇجاتىندا تۇراقتاندىرىلعان پرينسيپتەر مەن 4 ءتۇيىندى پرينسيپ ورتاق تانىمى رۋحىنا بويسۇنىپ، جاڭا ءداۋىر تالابىنا ساي كەلەتىن جۇڭگو - جاپونيا قارىم - قاتىناسىن تۇلعالاۋدى بەلسەنە ىلگەرىلەتىپ، ەكى ەلدى جانە ەكى ەل حالقىن باقىتقا كەنەلدىرىپ، دۇنيە ءجۇزىنىڭ بەيبىتشىلىگىن قورعاۋعا، بىرگە دامۋدى جەبەۋگە بەلسەندى ۇلەس قوسۋى كەرەك.

    سول كۇنى مەملەكەتتىك كەڭەستىڭ زۇڭليى لي كىچياڭ تەلەگرامما جولداپ جيان - ي - ۋيدىڭ جاپونيانىڭ باس ءۋازىرى بولىپ سايلانعاندىعىن قۇتتىقتاپ، مىنالاردى ءبىلدىردى: جۇڭگو جاق جاپونيا جاقپەن بىرگە ەكى ەلدىڭ ءتۇرلى سالاداعى دوستىق اۋىس - كۇيىسى مەن ناقتى سەلبەستىگىن نىعايتىپ، ەكى ەل قارىم - قاتىناسىنىڭ جاڭا، اناعۇرلىم زور دامۋعا قول جەتكىزۋىن بىرگە ىلگەرىلەتۋدى قالايدى.

جاۋاپتى رەداكتور: جازيرا بولاتباي قىزى