ىلە وبلىسىنىڭ ساۋداگەر شاقىرىپ، قارجى ەنگىزۋ نىساندارىن تانىستىرۋ ٴماجىلىسى جانە ٴىرى نىساندار كەلىسىمىنە قول قويۋ سالتى وتكىزىلەدى

  • كەلۋ قاينارى: ىلە گازەتى
  • 10:04:33 19/09/2020

 

    ٴتىلشىمىز ما چىڭلۋ حابارلايدى. نىساندى دانەكەر ەتىپ، ساۋداگەر شاقىرۋ اۋەنىن اسقاقتاتۋ كەرەك. 9 – ايدىڭ 19 – كۇنى ىلە وبلىسىنىڭ ساۋداگەر شاقىرۋ نىساندارىن تانىستىرۋ ٴماجىلىسى جانە ٴىرى نىساندار كەلىسىمىنە قول قويۋ سالتى رەسمي باستالادى. قازىر ٴتۇرلى دايىندىق قىزمەتتەرى ىستەلىپ بولدى.

    9 – ايدىڭ 17 – كۇنى ٴتىلشى ىلە تيانيۋان حالىقارالىق قوناق ٴۇيىنىڭ 1 – قاباتىنداعى زالىنان قىزمەتكەرلەردىڭ ٴماجىلىس ورنىن قاربالاس ٴارى ٴتارتىپتى ورنالاستىرىپ جاتقانىن كوردى. ٴماجىلىس كەزىندە شينجياڭنىڭ ٴىشى – سىرتىنان كەلگەن كاسىپورىنشىلاردىڭ ۋاكىلدەرى ٴبىر اراعا باس قوسىپ، سەلبەستىك ىستەرىن اقىلداسىپ، دامۋ جونىندە ورتاق ىزدەنىس جاسايدى.

    ىلە وبلىسىنىڭ ساۋداگەر شاقىرىپ، قارجى ەنگىزۋ نىساندارىن تانىستىرۋ ٴماجىلىسى جانە ٴىرى نىساندار كەلىسىمىنە قول قويۋ سالتىندا ىندەتتەن ساقتانۋ – تىزگىندەۋدى ويداعىداي ىستەۋ العى شارتىمەن نازار «التىنى ورنىقتىرۋ، التىنى قامتاماسىزداندىرۋ» قىزمەتىنە شوعىرلاندىرىلىپ، قوعام ورنىقتىلىعىنىڭ پايداسى مەن ىندەتتەن ساقتانۋ – تىزگىندەۋدىڭ پايداسى ايگىلەيدى. جاڭا ارنا، جاڭا ۇلگى، جاڭا تاسىلدەردەن پايدالانۋ جونىندە بەلسەنە ىزدەنىس جاسالىپ، ساۋداگەر شاقىرىپ، قارجى ەنگىزۋ قىزمەتىن شىنايى، مىقتى يگەرۋگە قۇلشىنىس جاسالادى.

    وسى رەتكى ساۋداگەر شاقىرىپ، قارجى ەنگىزۋ نىساندارىن تانىستىرۋ ٴماجىلىسىنىڭ تابىستى اشىلۋىنا شىنايى كەپىلدىك ەتۋ ٴۇشىن وبلىستىق ساۋداگەر شاقىرىپ، قارجى ەنگىزۋ باسشىلىق گرۋپپاسى كەڭسەسى ارناۋلى القا ورنالاستىرىپ، قىزمەت جوباسىن بەلگىلەپ، نەگىزگى تاقىرىپتى جوبالاۋدان مازمۇنىن ورنالاستىرۋعا، وتكىزۋ فورماسىنان قىزمەت مەحانيزمىنە دەيىن الدىن الا جوسپارلاپ، مۇقيات دايىندىق جاساپ، قىزمەتتى دالمە – ٴدال تياناقتاندىردى.

    اۆتونوميالى وبلىس كاسىپتەردى زەرتتەپ جانە ٴتۇيىندى كاسىپورىنداردىڭ ماڭىزدى ينفورماتسيالارىنا قاداعالاي تەكسەرۋ جۇرگىزىپ، توراپ ارقىلى ەلەكتروندىق ۇسىنىس حات جولداۋ فورماسىمەن ەل ىشىندەگى ٴارقايسى ساۋدا قوعامدارىمەن، ٴتۇيىندى كاسىپورىندارمەن جاڭاشا بايلانىس ورناتتى.

    ىندەتتەن ساقتانۋ – تىزگىندەۋ مەزگىلىندە اۆتونوميالى وبلىس جالپى 9 توپتا 30 دان استام ادامدىق ساۋداگەر شاقىرۋ شاعىن اترەتىن سىچۋان، چۇڭچيڭ سياقتى جەرلەرگە ساۋداگەر شاقىرۋ قىزمەتىن ورىستەتۋگە جىبەرىپ، ىلگەرىندى – كەيىندى 22 ٴتۇيىندى كاسىپورىنعا تەكسەرۋ جۇرگىزدى. ىلەگە قارجى قوسۋدىڭ ابزالدىعىن، كاسىپتەردىڭ دامۋ باعىتىن ۇگىتتەپ، مەجەلى ونىمدىلىككە قول جەتكىزدى.

    ٴتىلشى دايىندىق جاساۋ ناق مايدانىنان قىزمەتكەرلەردىڭ ماجىلىسكە قاتىناساتىن سيلى قوناقتارعا ازىرلەنگەن ماتەريال قالتاسىن رەتتەپ جاتقانىن كوردى. ماتەريال قالتاسىنا قولفون مەن كومپيۋتەرگە تەڭ قولدانىلاتىن قوس يقۋاتتى بارماق دەسكانىڭ سالىنعانى نازار اۋدارۋعا تاتيدى، بارماق دەسكا كىشكەنتاي بولعانىمەن، وعان «ىلە سىزدەردى قارسى الادى»، «ساحارا كەشى» سياقتى ىلەنىڭ 17 ٴتول ٴانى مەن تانىستىرۋ ٴماجىلىسىنە قاتىستى ساياساتتاردىڭ ەلەكتروندىق نۇسقاسى، ىلەنىڭ ۇگىت فيلمى سياقتى ينفورماتسيالار ەنگىزىلگەن. كەلگەن قوناقتار بارماق دەسكانى قولفونىنا سۇقسا بولعانى ماجىلىسكە قاتىستى ماتەريالداردى قاي ۋاقىتتا، قاي جەردە بولسا دا كورە الادى. قاعاز ماتەريالدىڭ ورنىنا ەلەكتروندىق ينفورماتسيا پايدالانىلعان مۇنداي ماجىلىسكە دايىندىق جاساۋ فورماسىنىڭ وزىندىك قۇنى تومەن، الا جۇرۋگە قولايلى، ونىڭ ۇستىنە تانىستىرۋ ونىمدىلىگىن كورنەكتى جوعارىلاتىپ، بەلگىلى دارەجەدە ۇنەمشىل دە ۇقىپتى بولۋ سىندى تاماشا سالتتى ايگىلەدى.

جاۋاپتى رەداكتور: جازيرا بولاتباي قىزى