تۇرعۇن ايسا: ”ءومىر وتكەلىن“ بار كۇشىممەن قورعايمىن

  • كەلۋ قاينارى: شينجياڭ گازەتى تورى
  • 08:05:50 20/09/2020

  

    گازەتىمىزدىڭ جالپىلىق اقپارات قۇرالدارى ءتىلشىسى رىن حۋا

    ”ۋاقىت − ءومىر، قۇتقارۋعا شاقىرۋ − بۇيرىق“. ءۇرىمجى قالالىق شۇعىل قۇتقارۋ ورتالىعىنىڭ شۇعىل قۇتقارۋ شيپاگەرى بولعان 5 جىلدان بەرى، تۇرعۇن ايسا مينۋت، سەكۋندتى دا زايا جىبەرمەۋدى ادەتىنە اينالدىرىپ، ۋاقىتپەن جارىسۋمەن كەلەدى. بيىل جاڭا تيپتى ايدارشا ۆيرۋس وكپە قابىنۋ ىندەتى مەزگىلىندە، ول 2 رەت شايقاسقا سۇرانىپ، قىزمەت ورنىندا تاباندى بولىپ، ”ءومىر وتكەلىن“ بار كۇشىمەن قورعادى.

    ىندەت مەزگىلىندە، شۇعىل قۇتقارۋ اۆتوكولىكتەرىنىڭ ناۋقاس كورۋگە شىعارىلۋى ەرەكشە كوپ بولىپ، تۇرعۇن مەن ونىڭ قىزمەتتەستەرىنىڭ 24 ساعات بويى بۇيرىق كۇتۋىنە تۋرا كەلەدى. تاماقتانعاندا، ۇيىقتاعاندا، تۇزگە وتىرعاندا... تاۋلىك بويى قول تەلەفوندارى قولدارىنان تۇسپەيدى. ”قىزمەت كەزىندە ويداعىداي تاماقتانا الماۋ، ۇيقى قانباۋ ءاردايىم بولىپ تۇراتىن جاعداي، ىلعي دا الدىمىزداعى تاماقتان اۋىز تيەر - تيمەستەن جەتكەن شۇعىل بۇيرىقپەن اپىل - عۇپىل تۇرا جونەلەمىز. كەي كەزدەرى ءبىر تۇندە ون نەشە رەت اۆتوكولىك شىعارىلادى، شارشاساق كولىك ىشىندە تىنىعامىز“، - دەدى تۇرعۇن.

    ءبىر جولى تۇرعۇن ءبىر كونە شاعىن اۋماققا ناۋقاس كورۋگە بارادى، ليفت جوق ەكەن، ونىڭ ۇستىنە ءدالىز تىم تار بولعاندىقتان، ناۋقاستى كوتەرىپ عيماراتتان ءتۇسىپ كەلە جاتقانىندا، تۇرعۇننىڭ قورعانۋ كيىمىن باسپالداقتاعى راشەتكا ءىلىپ كەتىپ، جىرتىلىپ قالادى. ”ناۋقاس كورگەلى بارعان كەزدە ۆيرۋس جۇقتىرۋدىڭ قاتەرى اسا زور بولعانىمەن، ءبىراق ءبىز ىشتەي الدىمەن ناۋقاستىڭ ءومىرىن شۇعىل قۇتقارۋىمىز كەرەك دەپ قانا ويلايمىز. تەك ناۋقاستاردى شيپاحاناعا حاۋىپسىز جەتكىزگەن سوڭ عانا، كوڭىلىمىز ورنىعادى“، - دەدى تۇرعۇن.

    ىجداعاتتىلىق، سابىرلىلىق، جاۋاپكەرشىلىك شۇعىل قۇتقارۋ شيپاگەرى جونىنەن بىردە - بىرەۋى كەم بولسا بولمايدى. ”ءار جولى ناۋقاس كورۋگە شىققاندا، ەگەر ناۋقاستىڭ اۋرۋ تاريحىن ۇعىسۋعا نەمقۇرايدى قاراساق نەمەسە قورعانۋ ويداعىداي بولماعاندا، زارارسىزداندىرۋ تولىق جاسالماعاندا، كەلەسى ءبىر ناۋقاستىڭ حاۋىپسىزدىگىنە بارىپ سايادى. سوندىقتان ءبىز ءار رەت قىزۋى ورلەگەن ناۋقاستى شيپاحاناعا جەتكىزىپ تاستاپ قايتىپ كەلگەننەن كەيىن، شۇعىل قۇتقارۋ اۆتوكولىگىن جالپى بەتتىك تازالايمىز جانە زارارسىزداندىرامىز“، - دەيدى تۇرعۇن.

    7 - ، 8 - ايلاردا اۋا قاپىرىق ىستىق، ءار كۇنى قالىڭ قورعانۋ كيىمىن كيىپ ناۋقاس كورۋگە شىعۋ تۇرعۇن جونىنەن ۇلكەن سىناق ەدى. ”ءبىز الدا - جالدا اۆتوكولىكپەن شىعاتىن بولساق، ورتا جولدا قورعانۋ كيىمىن كيىپ، شەشۋىمىزگە بولمايدى، تۇزگە وتىرۋعا دا كەلمەيدى، قول تەلەفونىمىزبەن تەلەفون سوعۋىمىزعا دا بولمايدى“، - دەيدى ول.

    ناۋقاس كورۋگە شىققان كەزدەرىندە، تۇرعۇن مەن ونىڭ قىزمەتتەستەرى زىلدەي اۋىر وتتەگى ساندىعى، ءدارى - دارمەك ساندىعى، جۇرەك سۋرەتتەۋىش اسپابى سياقتى شۇعىل قۇتقارۋعا قاجەتتى جابدىقتاردى كوتەرىپ عيماراتتارعا شىعىپ، ناۋقاستىڭ اۋرۋ جاعدايىن باعامداپ، قاتىستى تەكسەرۋلەردى تولىق ىستەپ، اۋرۋىنا قاراي ءبىر جاقتى ەتكەننەن كەيىن، تاعى دا ناۋقاستى زۋزاعا سالىپ عيماراتتان الىپ تۇسەدى. قورعانۋ كيىمىن كيىپ الىپ مۇنداي اۋىر دەنە ارەكەتىن ىستەگەندە، ادام قاتتى جايسىزدانادى. ۇنەمى ناۋقاس كورۋگە شىعىپ قايتىپ كەلگەندە، قىزمەت كيىمى شىلقا سۋ بولىپ، ادام ابدەن قالجىرايدى.

جاۋاپتى رەداكتور: گۇلدەن ماقسات قىزى