ۇلىڭگىر كولى ساياحاتى ورلەۋگە كوتەرىلدى

  • كەلۋ قاينارى: ىلە گازەتى
  • 03:17:15 24/09/2020

   

 

    ەرىكتى تىلشىلەر جۋاڭ شياۋۋاڭ، چاڭ حۋاياڭ بۋرىلتوعايدان حابارلايدى. بۋرىلتوعايدىڭ كۇز ماۋسىمىنداعى اۋا رايى جاندى جادىراتىپ، تابيعات كورىنىسى كوز سۇرىندىرەدى، 9 –ايدىڭ 2 – كۇنى بۋرىلتوعاي اۋدانىندا ءارقايسى كورىنىس رايوندارى اشىلىپ ساياحاتشىلاردى قارسى الدى. ساياحاتشىلار ۇلىڭگىر كولىنە ات باسىن بۇرىپ، كورىنىسىن تاماشالاپ، ءدامدى تاعامداردان اۋىز ءتيىپ، كوڭىلدى سەرۋەن قۇردى.

    بۋرىلتوعاي اۋداندىق مادەنيەت جانە ساياحات مەكەمەسى ۋنيۆەرسالدى زاڭ اتقارۋ اترەتىنىڭ باستىعى گەر شوشان بىلاي دەدى:«9 –ايدىڭ 2 – كۇنىنەن باستاپ، اۋدانىمىزدا كورىنىس رايوندارى تۇگەل سىرتقا اشىلىپ، سىرتتان كەلگەن ساياحاتشىلارعا الدىڭعى ءۇش كۇن ەسىك بەلەتى تەگىن بولدى. ءبىز ىندەتتەن ساقتانۋ – تىزگىندەۋ قىزمەتىن ويداعىداي ىستەۋمەن بىرگە، كورىنىس رايونىنىڭ ساپالى قىزمەت وتەۋ ورەسىن جاپپاي جوعارىلاتىپ، توڭىرەكتىڭ ءتورت بۇرىشىنان كەلگەن ساياحاتشىلاردى كۇتىپ الدىق».

جاۋاپتى رەداكتور: گۇلدەن ماقسات قىزى