شينجياڭ ءۇش دارەجەلى جۇڭگوشا شيپاگەرلىك تۇرىندەگى ەمدەۋگە قىزمەت وتەۋ جۇيەسىن العاشقى ادىمدا قۇردى

  • كەلۋ قاينارى: ىلە گازەتى
  • 03:21:37 25/09/2020

 

    شينجياڭ گازەتىنىڭ حابارى (ءتىلشى سۋ لۋپيڭ). ءتىلشىنىڭ 9 – ايدىڭ 22 – كۇنى اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان اۆتونوميالى رايوندىق جۇڭگوشا شيپاگەرلىك، ٴدارى – دارمەكتى دامىتۋ جونىندەگى اقپارات جاريالاۋ ماجىلىسىنەن ۇعىسۋىنشا، جۋىق جىلدان بەرى شينجياڭنىڭ جۇڭگوشا شيپاگەرلىك، ٴدارى – دارمەكتى دامىتۋ ساياساتى مەن مەحانيزمى ۇزدىكسىز كەمەلدەنىپ، اۆتونوميالى رايون، ايماق (وبلىس، قالا)، اۋدان (قالا، رايون) ٴۇش دارەجەلى جۇڭگوشا شيپاگەرلىك تۇرىندەگى ەمدەۋگە قىزمەت وتەۋ جۇيەسى العاشقى قادامدا قۇرىلعان.

    جۇڭگوشا شيپاگەرلىك، ٴدارى – دارمەك قىزمەت وتەۋ جۇيەسى ۇزدىكسىز كەمەلدەندى. قازىر شينجياڭدا جۇڭگوشا ەمدەۋ شيپاحاناسى 130 عا، مۇنىڭ ىشىندە ۇكىمەت قۇرعان شيپاحانا 76 عا، ۇكىمەت قۇرعاننان تىس شيپاحانا 54 كە جەتتى. توسەك ورنى 22 مىڭ 500 گە، جۇڭگوشا شيپاگەرلىك تۇرىندەگى كاسىپتىك شيپاگەر (كومەكشى) 9 مىڭ 200 گە، جۇڭگوشا شيپاگەرلىك تۇرىندەگى شيپاحانالاردا جالپى ەمدەلۋشىلەر 7 ميلليون 899 مىڭ ادام – رەتكە جەتتى.

    اۆتونوميالى رايون، ايماق (وبلىس، قالا)، اۋدان (قالا، رايون) سىندى ءۇش دارەجەلى جۇڭگوشا شيپاگەرلىك تۇرىندەگى ەمدەۋگە قىزمەت وتەۋ جۇيەسى العاشقى ادىمدا قالىپتاسىپ، بۇقارانىڭ جۇڭگوشا شيپاگەرلىك، ٴدارى – دارمەك قىزمەت وتەۋىنەن يگىلىكتەنۋ دارەجەسى جوعارىلادى.

    جۇڭگوشا شيپاگەرلىك، ٴدارى ـ دارمەك قىزمەت وتەۋ قۋاتى تىڭ دەڭگەيگە كوتەرىلدى. شينجياڭ جۇڭگوشا شيپاگەرلىك تۇرىندەگى شيپاحانالاردىڭ قىزمەت وتەۋ قۋاتى قۇرىلىسىنا جانە جۇڭگوشا شيپاگەرلىك، ءدارى – دارمەكتىڭ ەرەكشە ابزالدىلىعىن ساۋلەلەندىرۋگە ايرىقشا كوڭىل ءبولىپ، جۇڭگوشا شيپاگەرلىك تۇرىندەگى شيپاحانالاردى جۇڭگوشا شيپاگەرلىكتى نەگىز ەتكەن شيپاحانا اشۋ باعىتىنا بەلسەنە جەتەكتەپ، شيپاحانا ءتۇزىمى قۇرىلىسىن كۇشەيتىپ، شيپاحانالاردىڭ باسقارۋ ورەسىن جوعارىلاتىپ، جۇڭگوشا شيپاگەرلىك، ٴدارى - دارمەكتىڭ ەرەكشە ابزالدىلىعىن ساۋلەلەندىرىپ، جۇڭگوشا شيپاگەرلىكتىڭ كلينيكالىق ەمدەۋ ونىمدىلىگىن جوعارىلاتىپ، جۇڭگوشا شيپاگەرلىك، ءدارى – دارمەك قىزمەت وتەۋ قۋاتىن ۇزدىكسىز جوعارىلاتتى. قازىر رايونىمىزدا مەملەكەت دارەجەلى 8 كلينيكالىق ءتۇيىندى ماماندىق (جۇڭگوشا شيپاگەرلىك كاسىبى)، مەملەكەت دارەجەلى 32 جۇڭگوشا شيپاگەرلىك، ۇلتتىق شيپاگەرلىك ٴتۇيىندى ماماندىعى (باۋلۋ نىسانىن قامتيدى)؛ مەملەكەتتىك جۇڭگوشا شيپاگەرلىك، ءدارى – دارمەك باسقارۋ مەكەمەسىنىڭ 89 (ارناۋلى اۋرۋ) ەرەكشە ماماندىعى؛ اۆتونوميالى رايون دارەجەلى 50 جۇڭگوشا شيپاگەرلىك ٴتۇيىندى ماماندىعى بار.

    نەگىزگى ساتىنىڭ جۇڭگوشا شيپاگەرلىك، ٴدارى ـ دارمەك قىزمەت وتەۋ قۋاتى ۇزدىكسىز جوعارىلادى. تۇتاس رايون بويىنشا 792 جۇڭگوشا شيپاگەرلىك ەمدەۋ رايونى (جۇڭگوشا شيپاگەرلىك سارايى) قۇرىلدى. مۇنىڭ ىشىندە 131 الەۋمەتتىك اۋماق دەنساۋلىق ساقتاۋ – قىزمەت وتەۋ ورتالىعىندا جۇڭگوشا شيپاگەرلىك ەمدەۋ رايونى (جۇڭگوشا شيپاگەرلىك سارايى)، 661 اۋىل – قالاشىق ەمحاناسىندا جۇڭگوشا شيپاگەرلىك ەمدەۋ رايونى (جۇڭگوشا شيپاگەرلىك سارايى) قۇرىلىپ، تۇتاس رايون بويىنشا 289 جۇڭگوشا شيپاگەرلىك ەمدەۋ ورنى تىزىمگە الىندى.

جاۋاپتى رەداكتور: جازيرا بولاتباي قىزى