تاماشا دا كورىكتى شينجياڭدى قول ۇستاسا بىرگە قۇرامىز

  • كەلۋ قاينارى: ىلە گازەتى
  • 03:28:50 25/09/2020

    ىلەدەگى ٴار ۇلت كادر ـ جۇرتشىلىعى ٴبىر اۋىزدان بىلاي دەدى

    تاماشا دا كورىكتى شينجياڭدى قول ۇستاسا بىرگە قۇرامىز

 

    تىلشىلەرىمىز شى شۋەحۇڭ، جاڭ نان حابارلايدى. 9 – ايدىڭ 17 – كۇنى مەملەكەتتىك كەڭەس اقپارات كەڭسەسى «شينجياڭنىڭ ەڭبەكپەن جۇمىستاندىرۋدى قامتاماسىز ەتۋى» اق تىستى كىتابىن جاريالاعاننان كەيىن ىلەدەگى ٴار ۇلت كادر – جۇرتشىلىعى ٴبىر اۋىزدان بىلاي دەدى: «اق تىستى كىتاپتا ەڭبەكشىلەردىڭ جۇمىستانۋ تىلەگىنە تولىق قۇرمەت ەتىلدى، شينجياڭداعى ٴار ۇلت بۇقاراسى ٴوزارا قۇرمەتتەپ، ايالاپ، كومەكتەسىپ، ٴبىر نيەتپەن قول ۇستاسا ىنتىماقتاسىپ، تاماشا دا كورىكتى شينجياڭ قۇرامىز».

    «مەملەكەتتىك يۋان دىشىڭ شەبەرلىك ۇستاسى قىزمەت كەڭسەسىنىڭ» جاۋاپتىسى، ىلە وبلىسىنان زەينەتكە شىققان وقىتۋشى يۋان دىشىڭ بىلاي دەدى: «مەملەكەتتىك كەڭەس اقپارات كەڭسەسىنىڭ ‹شينجياڭنىڭ ەڭبەكپەن جۇمىستاندىرۋدى قامتاماسىز ەتۋى› اق تىستى كىتابىن جاريالاۋى رولىمدى ساۋلەلەندىرۋ، ونەرلى دارىندىلاردى بار كۇشپەن باۋلۋ سەنىمىم مەن بەكىمىمدى ٴتىپتى دە بەكەمدەي ءتۇستى، ‹مەملەكەتتىك يۋان دىشىڭ شەبەرلىك ۇستاسى قىزمەت كەڭسەسىنىڭ› كاسىپتىك شەبەرلىككە باۋلۋ ساپاسى مەن ورەسىن ۇزدىكسىز جوعارىلاتىپ، تەحنيكالىق قابىلەتكە يە دارىندىلاردى تاربيەلەۋدى اۆتونوميالى وبلىستىڭ كاسىپ سالاسىنىڭ دامۋىمەن ىشكەرىلەي توعىستىرىپ، اۆتونوميالى وبلىس ەكونوميكاسىنىڭ جوعارى ساپالى دامۋىن جەبەۋدى پارمەندى تىرەكپەن قامدايمىز. سونىمەن بىرگە، شەبەرلىك رۋحىن ساۋلەلەندىرىپ، ونەرلى دارىندىلاردى شابىتتاندىرۋ مەحانيزمىن كۇشەيتىپ، ونەرلى دارىندىلاردى اناعۇرلىم مول تابىس سەزىمىنە بولەپ، شينجياڭنىڭ دامۋى مەن گۇلدەنۋى ٴۇشىن ٴتىپتى دە زور قۇن جاراتامىز».

    حالىقتىق كاسىپورىندار - بازار شارۋاشىلىعىنىڭ ەڭ جاندى ۋاكىلى ءارى ەكونوميكانىڭ دامۋ تيپىندە بۇرىلىس جاساپ، ٴار ۇلت بۇقاراسىنىڭ جۇمىستانۋىن جەبەيتىن نەگىزگى قوسىن. 2009 – جىلى ساۋداگەر شاقىرىپ، قارجى ەنگىزۋ بويىنشا قۇلجا قالاسىنا ىرگە تەپكەن شينجياڭ جينماۋ ونەركاسىپ – ساۋدا شەكتى سەرىكتىگى ىلە بولىمشە سەرىكتىگىنىڭ جالپى قارجى سوماسى 2 ميلليارد يۋان، جوعارىعا 330 ميلليون يۋان پايدا باجىسىن تاپسىرادى، قازىرگە دەيىن 260 ادامدى جۇمىستاندىردى. مەملەكەتتىك كەڭەس اقپارات كەڭسەسى «شينجياڭنىڭ ەڭبەكپەن جۇمىستاندىرۋدى قامتاماسىز ەتۋى» اق تىستى كىتابىن مۇقيات ۇيرەنگەننەن كەيىن قۇلجا قالاسى جينماۋ شينتياندي توبى پارتكومىنىڭ شۋجيى، شينجياڭ جينماۋ ونەركاسىپ – ساۋدا شەكتى سەرىكتىگى ىلە بولىمشە سەرىكتىگىنىڭ باس ديرەكتورى ۋاڭ شى – يوۋ بىلاي دەدى: «جاڭا ءداۋىر كاسىپورىنشىلارى ساياسي دەڭگەيدى ۇزدىكسىز جوعارىلاتىپ، شينجياڭنىڭ ەكونوميكالىق، قوعامدىق دامۋىنا بەلسەنە توعىسىپ، ٴتىپتى دە كوپ كەدەي بۇقارانى جۇمىسقا قابىلداپ، پارتيا مەن ۇكىمەتتىڭ قيىنشىلىقتى شەشۋىنە كومەكتەسۋى كەرەك. ىرىقتىلىقپەن ۇلەس قوسىپ، باتىلدىقپەن جاۋاپكەرلىك ارقالاۋى، حالىق باسقارۋىنداعى كاسىپورىندار ٴىس جۇزىندىك ارەكەتى ارقىلى جۇمىسقا ورنالاسۋدى شەشۋدى، ەكونوميكانى دامىتۋدى، قوعام ٴۇشىن قۇن جاراتۋدى ٴوز بورىشى ەتىپ، كاسىپورىننىڭ دامۋىن مەملەكەتتىڭ دامۋىمەن شىنايى ۇشتاستىرىپ، تاماشا دا كورىكتى شينجياڭدى قول ۇستاسا بىرگە قۇرۋى كەرەك».

    2004 – جىلى جياڭشيدەن ىلەگە وقۋعا كەلىپ، مەكتەپ بىتىرگەننەن كەيىن ىلەدە قالىپ قىزمەت ىستەپ، تۇرمىس قۇرىپ، كاسىپ جاراتقان ىلە شەكارالىق ەكونوميكالىق سەلبەستىك رايونى قوعامدىق قىزمەت ۇيىمى بىرلەستىگىنىڭ باستىعى، فاندىڭ كىتاپ وقۋ ىلە مايپۋ قوعامىنىڭ باستىعى جۋ گۇڭحۇي ىلەنى الدەقاشان ٴوزىنىڭ ەكىنشى اتا مەكەنىنە بالاعان.

جاۋاپتى رەداكتور: جازيرا بولاتباي قىزى