اۋىل شارۋاشىلىعىنا قىزمەت وتەۋ ءتۇبىرلى باس ماقساتىن ەستە بەرىك ساقتاپ، جالپىلىق رەفورمانى ۇزدىكسىز تەرەڭدەتىپ، اۋىل - قىستاقتى گۇلدەندىرۋدى ىلگەرىلەتۋ ءۇشىن كۇش - قۋات قوسۋعا قۇلشىنۋ كەرەك

  • كەلۋ قاينارى: ىلە گازەتى
  • 04:05:18 26/09/2020

    شي جينپيڭ قامداۋ - ساۋدا كووپەراتيۆى قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى

    اۋىل شارۋاشىلىعىنا قىزمەت وتەۋ ءتۇبىرلى باس ماقساتىن ەستە بەرىك ساقتاپ، جالپىلىق رەفورمانى ۇزدىكسىز تەرەڭدەتىپ، اۋىل - قىستاقتى گۇلدەندىرۋدى ىلگەرىلەتۋ ءۇشىن كۇش - قۋات قوسۋعا قۇلشىنۋ كەرەك

    لي كىچياڭ بەكىتۋ جازدى

 

    شينحۋا اگەنتتىگىنىڭ 9 - ايدىڭ 24 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا قامداۋ - ساۋدا كووپەراتيۆى قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: قامداۋ - ساۋدا كووپەراتيۆى − پارتيانىڭ باسشىلىعىنداعى اۋىل شارۋاشىلىعىنا قىزمەت وتەيتىن امبەباپ سەلبەستىك ەكونوميكا ۇيىمى، ۇزاق تاريحى، داڭقتى ءداستۇرى بار، ەلىمىزدىڭ اۋىل شارۋاشىلىعىنىڭ، اۋىل - قىستاقتارىنىڭ دامۋىن ىلگەرىلەتەتىن ماڭىزدى كۇشتىڭ ءبىرى. سوڭعى جىلدارى قامداۋ - ساۋدا كووپەراتيۆى جۇيەسى جالپىلىق رەفورمانى تەرەڭدەتىپ، وسى زامانعى اۋىل شارۋاشىلىعى قۇرىلىسىن ىلگەرىلەتۋ، شارۋالاردىڭ كىرىسىن ارتتىرىپ بايۋعا باستاۋ، قالا مەن اۋىلدى توعىستىرا دامىتۋ سياقتى جاقتاردا قىرۋار قىزمەتتەر ىستەدى.

    شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، پارتيانىڭ اۋىل - قىستاقتاعى بيلىك جۇرگىزۋ نەگىزىن بەكەمدەۋدى ارقاۋ ەتىپ، قامداۋ - ساۋدا كووپەراتيۆىن ۇزدىكسىز ويداعىداي جۇرگىزۋى كەرەك. قامداۋ - ساۋدا كووپەراتيۆى اۋىل شارۋاشىلىعى، اۋىل - قىستاق، شارۋالار قىزمەتىنىڭ كەلەلى جاعدايىن شىعار ءتۇيىن ەتۋگە تاباندى بولىپ، اۋىل شارۋاشىلىعىنا قىزمەت وتەۋ ءتۇبىرلى باس ماقساتىن ەستە بەرىك ساقتاپ، جالپىلىق رەفورمانى ۇزدىكسىز تەرەڭدەتىپ، ءتۇزىلىس - مەحانيزمدى كەمەلدەندىرىپ، قىزمەت وتەۋ سالاسىن كەڭەيتىپ، شارۋالاردىڭ وندىرىسىنە، تۇرمىسىنا قىزمەت وتەيتىن امبەباپ تۇعىرعا اينالۋدى، پارتيا مەن ۇكىمەتتىڭ شارۋا بۇقارامەن تىعىز بايلانىس ورناتاتىن دانەكەرگە اينالۋدى جەدەلدەتىپ، اۋىل - قىستاقتى گۇلدەندىرۋدى ىلگەرىلەتۋ ءۇشىن كۇش - قۋات قوسۋعا قۇلشىنىپ، ەلىمىزدىڭ قامداۋ - ساۋدا سەلبەستىگى ىستەرىنىڭ جاڭا جاعدايىن اشۋى كەرەك.

    جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، بىلاي دەپ اتاپ كورسەتتى: قامداۋ - ساۋدا كووپەراتيۆى − مەملەكەتتىڭ اۋىل شارۋاشىلىعى، اۋىل - قىستاق، شارۋالار قىزمەتىن ىلگەرىلەتۋدەگى، اۋىل شارۋاشىلىعىنا تىكەلەي قىزمەت وتەۋدەگى ماڭىزدى دانەكەر. سوڭعى جىلداردان بەرى، قامداۋ - ساۋدا كووپەراتيۆى جالپىلىق رەفورمانى جاپپاي تەرەڭدەتىپ، قىزمەت وتەۋ قابىلەتىن ۇزدىكسىز جوعارىلاتىپ، اۋىل شارۋاشىلىعىن، اۋىل - قىستاقتى دامىتۋ، شارۋالاردىڭ كىرىسىن ارتتىرۋ، كەدەيلىكتەن ارىلتۋدان قامال الۋ سياقتىلارعا بەلسەندى ۇلەس قوستى.

جاۋاپتى رەداكتور: گۇلدەن ماقسات قىزى