جاڭا دامۋ ۇستانىمىن دايەكتىلەندىرىپ، جوعارى ساپالى قوزعاۋشى كۇشتى جانداندىردى

  • كەلۋ قاينارى: ىلە گازەتى
  • 04:10:31 26/09/2020

جاڭا دامۋ ۇستانىمىن دايەكتىلەندىرىپ، جوعارى ساپالى قوزعاۋشى كۇشتى جانداندىردى

    - پارتيانىڭ جاڭا داۋىردەگى شينجياڭدى جونگە سالۋ جالپى جوباسىنىڭ ىلەدەگى تابىستى امالياتى جونىندە شولۋ (1)

    ٴتىلشىمىز جي شيانفىڭ

 

    بەتاشار: 6 جىلدىڭ الدىندا ورتالىقتىڭ شينجياڭ قىزمەتى جونىندەگى 2 ـ رەتكى اڭگىمە ءماجىلىسى بەيجيڭدە سالتاناتپەن اشىلدى. 6 جىلدان بەرى ىلەدەگى ءار ۇلت كادر ـ جۇرتشىلىعى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرعاندىقتان، ىلە القابىندا وراسان زور وزگەرىستەر تۋىلدى. گازەتىمىز «باۋراعىش ىلە كەلبەتى» اتتى ايدار اشىپ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىنىڭ ىلە القابىنداعى ناقتى امالياتىن جاندى ايگىلەمەكشى.

    قۇلجا قالاسىنىڭ جىبەك جولى شۇعىلاسى ساياحات شاعىن قالاشىعىندا ءداستۇرلى «ىلە نانى» ەڭ جاڭا 5G تورى ارقىلى توڭىرەكتىڭ ءتورت بۇرىشىنا تانىلدى. ارينە، بۇل جەردە تەك نان عانا ەمەس، ىلە وبلىسىنىڭ ەرەكشە جەرگىلىكتى ونىمدەر جارمەنكەسىنىڭ اشىلۋىنا بايلانىستى وبلىسقا توتە قاراستى اۋدان ـ قالالاردىڭ ەرەكشە اۋىل شارۋاشىلىق قوسىمشا ونىمدەرى، عىلىم ـ تەحنيكا جەتىستىكتەرى، سونداي ـ اق ونەركاسىپ ونىمدەرى وسى «ساحنا» ارقىلى وزدەرىن ايگىلەيدى. بەلگىلى ماعىنادان العاندا، بۇل ارا بەينە جاڭا ءداۋىردىڭ جاڭا دامۋ ۇستانىمىندا اۆتونوميالى وبلىستىڭ ءار سالا، ءار كاسىبىندە تەرەڭ وزگەرىستەر تۋىلعاندىعىنىڭ شاعىن كارتيناسى سپەتتى؛ قازىرگى جاعدايدا ەڭ ءداستۇرلى كاسىپ سالاسى ەڭ جاڭا عىلىم - تەحنيكالاردى دانەكەر ەتىپ، تۇبەگەيلى وزگەرىستەردى باستان كەشىرىپ جاتقانداي.

    ورتالىقتىڭ شينجياڭ قىزمەتى جونىندەگى 2 ـ رەتكى اڭگىمە ءماجىلىسى اشىلعاننان بەرى اۆتونوميالى وبلىستىق پارتكوم پارتيانىڭ جاڭا داۋىردەگى شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، اۆتونوميالى رايوندىق پارتكومنىڭ پارمەندى باسشىلىعىندا، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىن مىقتاپ يگەرىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، «ءۇش ۇلكەن قامال الۋ شايقاسىن» ويداعىداي جۇرگىزىپ، «ءۇش ءتۇرلى ءتۇيىندى قىزمەتتى» ويداعىداي ىستەپ، اۆتونوميالى وبلىس ەكونوميكاسىنىڭ جوعارى ساپالى دامۋىن ۇزدىكسىز ىلگەرىلەتتى.

    بيىل جىل باسىنان بەرى جاڭا تيپتى ايدارشا ۆيرۋس وكپە قابىنۋ ىندەتىنىڭ اسەرىنە قاراتا وبلىسقا توتە قاراستى ورىندار پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە اۆتونوميالى رايوندىق پارتكومنىڭ قىزمەت تالاپتارىن باتىل دايەكتىلەندىرىپ، ٴتۇرلى حاۋىپ ـ قاتەرلەر مەن سىن ـ سايىستاردى جانە ٴتيىمسىز ىقپالداردى كۇش سالا جەڭدى، كوپتەگەن ەكونوميكالىق كورسەتكىشتەر بۇكىل شينجياڭنىڭ الدىڭعى قاتارىنا ٴوتتى.

جاۋاپتى رەداكتور: گۇلدەن ماقسات قىزى