2020 – جىلعى ىلە وبلىسىنىڭ ەرەكشە جەرگىلىكتى ونىمدەر جارمەنكەسى اشىلدى

  • كەلۋ قاينارى: ىلە گازەتى
  • 04:12:21 26/09/2020

 

   ەكونوميكانىڭ جوعارى ساپالى دامۋى ءۇشىن تەكشە قۇردى

    2020 – جىلعى ىلە وبلىسىنىڭ ەرەكشە جەرگىلىكتى ونىمدەر جارمەنكەسى اشىلدى

 

    ءتىلشىمىز لي شين - ان حابارلايدى. 9 – ايدىڭ 25 – كۇنى تۇستەن بۇرىن 2020 – جىلعى ىلە وبلىسىنىڭ جەرگىلىكتى ەرەكشە ونىمدەر جارمەنكەسى قۇلجا قالاسىنداعى جىبەك جولى شۇعىلاسى ساياحات شاعىن قالاشىعىندا اشىلدى. بۇل وبلىسىمىزدىڭ پارتيا ورتالىق كوميتەتىنىڭ، اۆتونوميالى رايوندىق پارتكومنىڭ ەكونوميكانى جوعارى ساپالى دامىتۋ جونىندەگى شەشىم، ورنالاستىرۋلارىن ىشكەرىلەي دايەكتى تياناقتاندىرۋداعى ماڭىزدى شەشىمى ءارى ەرەكشە جەرگىلىكتى ونىمدەر جارمەنكەلەپ ساتۋ ارقىلى اۆتونوميالى وبلىس ەكونوميكاسىنىڭ جوعارى ساپالى دامۋى ءۇشىن تەكشە قۇرۋ، ءورىس اشا تۇسۋدەگى ناقتى ارەكەتى بولىپ تابىلادى.

    بيىلدان بەرى وبلىستىق پارتكوم، حالىق ۇكىمەتى ىندەتتەن ساقتانۋ – تىزگىندەۋدى مۇقيات مىقتى يگەرۋ العى شارتىندا، «التىنى ورنىقتىرۋ» قىزمەتىن مۇقيات ورىستەتىپ، «التىنى قامتاماسىز ەتۋ» مىندەتىن جاپپاي تياناقتاندىرىپ، جۇمىستى، ءوندىرىستى، ساۋدانى، بازاردى قالپىنا كەلتىرۋدى جاپپاي ىلگەرىلەتكەندىكتەن، تۇتىنۋ قاجەتى بىرتىندەپ جاقسارىپ، جالپى تۇلعالىق ەكونوميكا ءۇرتىس جاقسارا ءتۇستى. العاشقى جارتى جىلدا وبلىسقا توتە قاراستى وڭىرلەردىڭ ءوندىرىس جالپى ءونىم قۇنى ۇقساس مەزگىلدەگىدەن %3.2 ارتىپ، ارتۋ قارقىنى ءبىرىنشى توقسانداعىدان 8.4 پايىز جوعارى بولدى. 1 – ايدان 8 – ايعا دەيىن كولەمنەن جوعارعى ونەركاسىپتىڭ ارتقان قۇنى 9 ميلليارد 348 ميلليون يۋانعا عا جەتىپ، بىلتىرعى ۇقساس مەزگىلدەگىدەن %7 ارتتى؛ تۇراقتى مۇلىككە قوسىلعان قارجىنىڭ جالپى جيىنتىعى 36 ميلليارد 560 ميلليون يۋان بولىپ، قارجى قوسۋدىڭ ورىندالۋى شينجياڭ بويىنشا ءبىرىنشى ورىندا تۇردى؛ ساۋداگەر شاقىرىپ، قارجى ەنگىزۋدەن تياناقتانعان قارجى 56 ميلليارد 780ميلليون يۋانعا جەتىپ، بىلتىرعى ۇقساس مەزگىلدەگىدەن %102.6 ارتىپ، وبلىسقا توتە قاراستى ورىنداردىڭ قوعامدىق، ەكونوميكالىق دامۋىندا كاسىپورىنداردا ورنىقتى جاقسارۋ، قيىن جاعدايدا دا ارتۋ جارىققا شىقتى.

    بۇل رەتكى وبلىستىق ۇكىمەت ۇيىمداستىرعان جارمەنكە اۆتونوميالى وبلىستىڭ، ورتالىقتىڭ، اۆتونوميالى رايوندىق پارتكومنىڭ ىندەتتەن ساقتانۋ – تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاپ ىلگەرىلەتىپ، كەمەلدى ىشكى سۇرانىس جۇيەسىن جەدەل جۇلگەلەپ، ىشكى اينالىمدى نەگىزگى تۇلعا ەتىپ، ەل ءىشى جانە حالىقارالىق قوس اينالىم ءبىرىن - ءبىرى جەبەيتىن جاڭا دامۋ جاعدايىن بىرتىندەپ قالىپتاستىرۋ تالابىن تياناقتاندىرۋ ءارى اۆتونوميالى وبلىستىڭ تۇڭعىش كەزەكتى ونەركاسىپ، عىلىم – تەحنيكا، اۋىل شارۋاشىلىعى سياقتى كاسىپ سالالارى شوعىرلانعان جالپىلىق جارمەنكە بولىپ، اۋىل شارۋاشىلىق قوسىمشا ونىمدەرى، ونەركاسىپتى ينفورماتسيالاندىرۋ، عىلىم - تەحنيكادا جاڭالىق اشۋ، جالپىلىق ەنەرگيا سياقتى قاتىستى تۇرلەردەن 280 نەن استام كاسىپورىن قاتىناستى. بۇل، ٴسوز جوق، تۇتىنۋدى جەبەپ، ىلەنىڭ اۋىل شارۋاشىلىق ونىمدەرىنىڭ اينالىم ارناسىن ىركىلىسسىزدەندىرىپ، ٴوندىرۋ، ساتۋ كاسىپ تىزبەگىن جەدەل جەتىلدىرىپ، اۆتونوميالى وبلىس ەكونوميكاسىنىڭ جوعارى ساپالى دامۋىنا دەم بەرۋدە كەلەلى ماڭىزعا يە.

جاۋاپتى رەداكتور: گۇلدەن ماقسات قىزى