ينتەرنەتتىڭ حالىقتىڭ ۇنىنە قۇلاق اسۋ، حالىقتىڭ اقىل - پاراساتىن ۇيىستىرۋ جاعىنداعى رولىن اناعۇرلىم ويداعىداي ساۋلەلەندىرۋ كەرەك

  • كەلۋ قاينارى: شينجياڭ گازەتى تورى
  • 09:32:07 27/09/2020

    شي جينپيڭ ”14 - بەسجىلدىق“ جوبانى جاساۋ قىزمەتىنە ينتەرنەتتە پىكىر الۋ قيمىلى جونىندە ماڭىزدى نۇسقاۋ بەرىپ بىلاي دەپ باسا دارىپتەدى

    ينتەرنەتتىڭ حالىقتىڭ ۇنىنە قۇلاق اسۋ، حالىقتىڭ اقىل - پاراساتىن ۇيىستىرۋ جاعىنداعى رولىن اناعۇرلىم ويداعىداي ساۋلەلەندىرۋ كەرەك

 

    شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ”14 - بەسجىلدىق“ جوبانى جاساۋ قىزمەتىنە ينتەرنەتتە پىكىر الۋ قيمىلى جونىندە ماڭىزدى نۇسقاۋ بەرىپ بىلاي دەپ باسا دارىپتەدى: ينتەرنەت ارقىلى”14 - بەسجىلدىق“ جوبانى جاساۋ جونىندە تۇتاس قوعامنان پىكىر جانە ۇسىنىس الۋ ەلىمىزدىڭ 5 جىلدىق جوبانى جاساۋ تاريحىندا تۇڭعىش رەت بولىپ وتىر. وسى رەتكى قيمىلدىڭ ونىمدىلىگى وتە جاقسى، قوعامنىڭ ات سالىسۋ دەڭگەيى وتە جوعارى بولىپ، كوپتەگەن سىندارلى ۇسىنىستار مەن پىكىرلەردى ورتاعا قويدى. قاتىستى تاراۋلار دەر كەزىندە سالالاپ، تالداۋ جاساۋ، مۇقيات قابىلداۋ كەرەك. قالىڭ حالىق بۇقاراسى العا قويعان پىكىرلەر مەن ۇسىنىستار جان - جاقتىلى ءارى ناقتىلى بولىپ، تاماشا تۇرمىسقا دەگەن جاڭا تىلەگىن تولىق بەينەلەدى. حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز، حالىقتىڭ سەنىم ارتۋى مەن قولداۋى ەلىمىزدىڭ ەكپىندەي ىلگەرىلەۋىندەگى كۇش - قۋاتى. وسى رەتكى قيمىلدىڭ تاجىريبەلەرى مەن ادىستەرىن قورىتىندىلاپ، الداعى قىزمەتتەردە ينتەرنەتتىڭ حالىقتىڭ ۇنىنە قۇلاق اسۋ، حالىقتىڭ اقىل - پاراساتىن ۇيىستىرۋ جاعىنداعى رولىن اناعۇرلىم ويداعىداي ساۋلەلەندىرىپ، كوپتىڭ پاراساتىن اناعۇرلىم ويداعىداي ساۋلەلەندىرۋ، زەيىن - زەردە، كۇش - قۋاتتى اناعۇرلىم ويداعىداي ۇيىستىرۋ كەرەك.

    باس شۋجي شي جينپيڭنىڭ ”14 - بەسجىلدىق“ جوبانى جاساۋ قىزمەتىندە اشىق كەڭەس الىپ، كوپتىڭ پاراساتىن ساۋلەلەندىرىپ، جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، ءبىر جاعادان باس، ءبىر جەڭنەن قول شىعارا وتىرىپ ”14 - بەسجىلدىق“ جوبانى ويداعىداي جاساۋ جونىندەگى ماڭىزدى نۇسقاۋىنىڭ رۋحىن دايەكتىلەندىرۋ، تياناقتاندىرۋ ءۇشىن، بيىل 8 - ايدىڭ 16 - كۇنىنەن 29 - كۇنىنە دەيىن ”14 - بەسجىلدىق“ جوبانى جاساۋ قىزمەتى ينتەرنەتتە پىكىر الۋ قيمىلىن ورىستەتىپ، حالىق گازەتىنە، شينحۋا اگەنتتىگىنە، ورتالىق راديو - تەلەۆيزيا باس ستانسياسىنا قاراستى ۇكىمەت سايتتارى، اقپارات كليەنتتەرى، سونداي - اق ”ۇيرەنۋدە قۋاتتى ەل“ ۇيرەنۋ تۇعىرى ”14 - بەسجىلدىق“ جوباعا ۇسىنىس قويۋ ايدارىن اشىپ، تۇتاس قوعامنىڭ پىكىرلەرى مەن ۇسىنىستارىن تىڭدادى. قيمىل ءتارتىپتى ۇيىمداستىرىلدى، قوعامدىق اڭىس كۇشتى بولدى، توراپكەرلەردەن جالپى ءبىر ميلليون 18 مىڭنان استام ۇسىنىس قابىلداپ، ”14 - بەسجىلدىق“ جوبانى جاساۋ قىزمەتىن ويداعىداي ىستەۋگە ءتيىمدى پايدالانۋ ماتەريالى ازىرلەندى.

جاۋاپتى رەداكتور: جازيرا بولاتباي قىزى