2020 ـ جىلعى ىلە وبلىسىنىڭ ەرەكشە جەرگىلىكتى ونىمدەر جارمەنكەسى دابىرالى ءوتتى

  • كەلۋ قاينارى: ىلە گازەتى
  • 03:48:18 28/09/2020

    ماقالاسىن جازىپ، سۋرەتىن تارتقان تىلشىلەرىمىز سۇن ي ـ نان ، لي شين ـ ان

    2020 - جىلعى « شارۋاشىلىق قۇرۋشى جۇڭگو» جاڭالىق اشۋ، شارۋاشىلىق قۇرۋ باسەكەسى مەن ىلە وبلىسىنىڭ جاڭالىق اشۋ، شارۋاشىلىق قۇرۋ باسەكەسىنىڭ سيلىق تاراتۋ ناق مايدانى

    9 -ايدىڭ 25 -كۇنىنەن 27 -كۇنىنە دەيىن 2020 - جىلعى ىلە وبلىسىنىڭ ەرەكشە جەرگىلىكتى ونىمدەر جارمەنكەسى قۇلجا قالاسى جىبەك جولى شۇعىلاسى ساياحات شاعىن قالاشىعىندا وتكىزىلدى.

    جارمەنكەدە «باۋراعىش ىلەدە باس قوسىپ،جىبەك جولى ورايىنان ورتاق يگىلىكتەنۋ؛ جاڭا داۋىردە، ونەركاسىپپەن نەگىزىن بەكەمدەپ، ينفورماتسيا ارقىلى قوس اينالىمعا كۇش قوسۋ» باستى تاقىرىپ ەتىلدى. جارمەنكەگە جالپى 270 تەن استام كاسىپورىن قاتىناستى. ۇعىسۋعا قاراعاندا، جارمەنكەدە 4 كورمە رايونى، 280 كورمە، 2 مىڭ 600 دەن استام ٴونىم ورنالاستىرىلىپ، ىلە وبلىسىنا توتە قاراستى اۋدان - قالالاردىڭ ەرەكشە جەرگىلىكتى ونىمدەرى، سونداي - اق عىلىم - تەحنيكا ونىمدەرى، ونەركاسىپتى ينفورماتسيالاندىرۋ ونىمدەرى، اۋىل شارۋاشىلىق كاسىپ ونىمدەرى، ەرەكشە نان ونىمدەرى قاتارلىلار شوعىرلى كورسەتىلگەن. ىلە وبلىسىنا توتە قاراستى اۋدان - قالالار تاعى كورمە سارايلارىن اشىپ، ءوز اۋدان - قالالارىنىڭ ەرەكشە جەرگىلىكتى ونىمدەرىن تانىستىرىپ، ەكسكۋرسيالاۋشىلاردىڭ بەلگىلەنگەن وڭىرلىك كاسىپ نىساندارىنىڭ جاعدايىن اناعۇرلىم تىكە، اناعۇرلىم جوعارى ونىمدىلىكپەن تۇسىنۋىنە مۇمكىندىك جاسادى.

جاۋاپتى رەداكتور: جازيرا بولاتباي قىزى