يۋان لۇڭپيڭ عىلمي زەرتتەۋ قوسىنى قۇم جيەگىندە حايشۇي كۇرىشىن جەتىلدىرۋدە مەجەلى ءونىمى ٴۇرتىس 3 جىل تۇراقتى بولدى

  • كەلۋ قاينارى: ىلە گازەتى
  • 02:44:12 29/09/2020

    شينحۋا اگەنتتىگىنىڭ 9 – ايدىڭ 27 – كۇنى ۇرىمجىدەن بەرگەن حابارى (ءتىلشى گاۋ حان). 9 – ايدىڭ 25 – كۇنى يۋان لۇڭپيڭ حايشۇي كۇرىشىن عىلمي زەرتتەۋ قوسىنى زەرتتەپ اشقان سورتاڭعا ءتوزىمدى كۇرىشتىڭ (حايشۇي كۇرىشى) شينجياڭ يۇپۇرعا اۋدانىنداعى مەجەلى ءونىمى اشىق جاريالاندى. ماماندار گرۋپپاسى ەڭ سوڭىندا مۋىنان 548.53 كيلوگرام ءونىم الىندى دەپ تۇراقتاندىردى.

    سىناق اتىزى شينجياڭ قاشقار ايماعى يۇپۇرعا اۋدانى باياۋات اۋىلىندا، دۇنيە جۇزىندەگى 2 – ءىرى كوشپەلى قۇمدىق - تاكلاماكان ءشولىنىڭ باتىس جيەگىنە ورنالاسقان، ەگىستىك جەر اۋماعى 300 مۋ، سىناق رەتىندە ەگىلگەن جەردىڭ تۇز قۇرامى شامامەن ‰ 3، PH (قىشقىل – ءسىلتى) ٴمانى 7.8، اۋىر دارەجەدەگى سورتاڭ جەرگە جاتادى.

    حايشۇي كۇرىشى تەحنيكاسىندا قامال الۋ جاعىندا يۋان لۇڭپيڭ بىلاي دەگەن بولاتىن: كەزەكتە بۋدانداستىرىلعان كۇرىشتىڭ ءونىم مولشەرى گەكتارىنا 18 تونناعا جەتتى، ەندىگى نىسانا - سورتاڭعا ءتوزىمدى «حايشۇي كۇرىشىنەن» قامال الۋ، حايشۇي كۇرىشىنىڭ مۋ باسىندىق ءونىمى 300 كيلوگرامعا جەتەتىندىگى مەجەلەنۋدە.

    كۇرىش سورتىن سۇرىپتاۋ، جەتىلدىرۋ مامانى، حۋنان اۋىل شارۋاشىلىعى داشۋەسىنىڭ بۇرىنعى باستىعى جوۋ چيڭميڭ پروفەسسور بىلاي دەدى: تاجىريبە بازاسىنىڭ ءۇش جىلدىق مەجەلى ءونىمى ناتيجەسىنە نەگىزدەلگەندە، ءار جىلعى ءونىم مولشەرى 500 كيلوگرامنان جوعارى بولۋداي تۇراقتىلىقتى ساقتاعان، بۇل تاجىريبە اتىزى بولعانىمەن، مەجەدەگىدەن جوعارى بولعان.

    بازانىڭ ەگىمشىلىك جانە تەحنيكالىق جەتەكشىلىك ەتۋگە جاۋاپتى ءوندىرىس اترەتىنىڭ باستىعى جاڭ ليشان بىلاي دەدى: شينجياڭدا حايشۇي كۇرىشىن ەگۋدە سۋ مولشەرىن قالاي مەڭگەرۋ ماڭىزدى، عىلمي زەرتتەۋ ۇجىمى ۇزدىكسىز قامال الىپ، العاشقى جىلى ەككەندە توپىراق قۇنارسىز ءارى سورتاڭ بولعاندىقتان، ءار مۋ كۇرىش اتىزىنا ءبىر مىڭ 500 تەكشەمەتر سۋ جۇمسالدى، قازىر توپىراقتىڭ قۇنارلىلىعى مەن تىعىزدىعىنىڭ جوعارىلاۋىنا بايلانىستى ءار مۋ كۇرىش اتىزعا ءبىر ماۋسىمدا تەك 800 تەكشەمەتر سۋ قاجەت بولىپ، نەگىزىنەن ىشكى ولكەلەرمەن قارايلاس كەلەدى.

    مەملەكەتتىك بۋدانداستىرىلعان كۇرىش ينجەنەرياسى تەحنيكاسىن زەرتتەۋ ورتالىعىنىڭ تەتە اعا زەرتتەۋشىسى، جىل بويى كۇرىش ەگۋدى زەتتەگەن جاڭ يۇيجۋ تانىستىرىپ بىلاي دەدى: ءبىز «ەڭ جوعارى شەكتەگى سايىسقا» ءوتۋىمىز كەرەك. ەرەكشە شارت – جاعدايدا تەحنيكالىق جاقتان قامال الىپ، استىق حاۋىپسىزدىگى ماسەلەسىن شەشۋىمىز كەرەك. مۇنان سىرت، اماليات حايشۇي كۇرىشىن ەگۋ توپىراقتى قۇنارلاندىرۋ رولىن دا اتقارىپ، جەردىڭ شولەيتتەنۋىن باياۋلاتاتىندىعىن دالەلدەدى. سىناق رەتىندە ەگىلگەن جەردىڭ تۇز قۇرامى 3 جىلدىڭ الدىنداعى 8‰ تەن 3‰ كە، PH (قىشقىل – ءسىلتى) ءمانى 8 دەن 7.8 گە تومەندەگەن.

    مامانداردىڭ تانىستىرۋىنشا، ەلىمىزدىڭ سورتاڭ جەرىنىڭ جالپى كولەمى ءبىر ميلليارد 500 ميلليون مۋ بولىپ، ونىڭ 200 ميلليون مۋ جەرگە كۇرىش ەگۋگە مۇمكىندىك بار، ەگەر تۇزدى، سىلتىگە ءتوزىمدى كۇرىش كەڭ كولەمدە ەگىلسە، بۇل ەلىمىزدىڭ استىق حاۋىپسىزدىگىندە ماڭىزى اسا زور بولماق.

جاۋاپتى رەداكتور: جازيرا بولاتباي قىزى