«1 - قازان» مەرەكەسى كەزىندە 200 دەن استام قيمىل ارقىلى شينجياڭدا ەمىن – ەركىن ساياحاتتاۋىڭىزعا مۇمكىندىك جاراتىلادى

  • كەلۋ قاينارى: ىلە گازەتى
  • 04:47:59 01/10/2020

   

    شينحۋا اگەنتتىگىنىڭ ۇرىمجىدەن بەرگەن حابارى (ءتىلشى جوۋ حۋا). ءتىلشىنىڭ شينجياڭ ۇيعۇر اۆتونوميالى رايوندىق مادەنيەت جانە ساياحات مەكەمەسىنەن ۇعىسۋىنشا، بيىل «1 - قازان» مەملەكەت مەرەكەسى مەن ورتاڭعى كۇز مەرەكەسى قاتار كەلدى، مەرەكەدە ساياحات بازارىن جانداندىرۋ ءۇشىن شينجياڭ 200 دەن استام مادەنيەت – ساياحات قيمىلىن وتكىزىپ، ساياحاتشىلاردىڭ شينجياڭدا ەمىن – ەركىن ساياحاتتاۋىنا مۇمكىندىك جاراتادى ەكەن.

    بۇكىل ەلدەگى قار الاڭىندا ەڭ الدىمەن سىرعاناپ، التىن كۇزدە توراڭعى مەن اق قايىڭدى تاماشالاپ، جىل قۇستارىنىڭ قايتقانىن كورىپ، جەكە كولىكپەن ارالاپ، الاۋ جاعىپ كەشكى ساۋىق قۇرىپ، ايدى، قاس تاسىن قىزىقتاپ، ءدامدى تاعامنان قۇزىرلاناسىز...... ىندەتتەن دالمە – ءدال ساقتانۋ – تىزگىندەۋ العى شارتىندا، شينجياڭ «1 - قازان» ۇزاق دەمالىسىندا 200 نەشە ءتۇرلى مادەنيەت – ساياحات قيمىلىن وتكىزەدى جانە جەكە كولىكپەن ساياحاتتاۋ، اۋىل – قىستاقتا ساياحاتتاۋ سارا لەنياسىن ساياحاتشىلارعا كوپتەپ اشادى. سونىمەن بىرگە، 2021 – جىلى 4 – ايدىڭ 30 – كۇنىنە دەيىن شينجياڭ بارلىق A دارەجەلىدەن جوعارى كورىنىس رايوندارىنىڭ ەسىك بەلەتىن تۇگەل كەشىرىم ەتەدى.

    ۇزاق دەمالىس كەزىندە جەكە كولىكپەن ساياحاتتاۋ ساياحاتشىلاردىڭ ماڭىزدى تالعامىنا اينالدى، وسى سەبەپتى شينجياڭ كۇز، قىس ماۋسىمىندا جەكە كولىكپەن ساياحاتتاۋدىڭ 9 لەنياسىن اشىپ، ساياحاتشىلارعا قولايلىلىق جاراتتى. بۇل 9 لەنيا مىنالار: «قىزىل ءتۇستى شەكارا ءوڭىر - G219 رومانتيكالى جولدا جەكە كولىكپەن ساياحاتتاۋ لەنياسى»، «كۇز كوركى كوزدىڭ جاۋىن الاتىن - كورىكتى سولتۇستىك شينجياڭدا جەكە كولىكپەن ساياحاتتاۋ لەنياسى»،«تاۋ ساعالاي ءجۇرۋ - باتىس تيانشاندا جەكە كولىكپەن ساياحاتتاۋ لەنياسى»، «شولدەگى توراڭعى - شىعىس تيانشاندا جەكە كولىكپەن ساياحاتتاۋ لەنياسى»، «كوركى كوز تارتاتىن - وڭتۇستىك شينجياڭدى ارالاپ، جەكە كولىكپەن ساياحاتتاۋ لەنياسى»، «بايىرعى جىبەك جولى - قۇمىلعا نازار، جەكە كولىكپەن ساياحاتتاۋ لەنياسى»، «شولدەگى توراڭعى - تاكلاماكاندا جەكە كولىكپەن ساياحاتتاۋ لەنياسى»، «ماي بوياۋلى تارباعاتاي - وتكەلدى تاماشالاپ جەكە كولىكپەن ساياحاتتاۋ لەنياسى»، «كەڭ بايتاق ساحارا - ىلە اڭعارىندا جەكە كولىكپەن ساياحاتتاۋ لەنياسى».

    ۇعىسۋعا قاراعاندا، ىندەتتەن ساقتانۋ – تىزگىندەۋ كەزىندە شينجياڭداعى ءارقايسى ءىرى كورىنىس رايوندارىندا «سان شەكتەمەسى، الدىن الا كەلىسۋ، ارالىق ساقتاۋ» سىندى باسقارۋ ءتاسىلىن قولدانىپ، ساياحاتشىلارعا ماسكا تاعۋ، دەنە تەمپەراتۋراسىن ولشەۋ، سالاماتتىق ءنومىرىن تەكسەرۋ قىزمەتتەرىن وتەيدى ەكەن.

جاۋاپتى رەداكتور: گۇلدەن ماقسات قىزى