ىلە وبلىسىنىڭ تۇڭعىش كەزەكتى «اۋليە شوقى ساۋىتى» اتىنداعى ۆەلوسيپەدپەن ورگە ءجۇرۋ جارىسى باستالدى

  • كەلۋ قاينارى:
  • 13:43:00 01/10/2020

    ىلە وبلىسىنىڭ تۇڭعىش كەزەكتى «اۋليە شوقى ساۋىتى» اتىنداعى ۆەلوسيپەدپەن ورگە ءجۇرۋ جارىسى باستالدى

 

    ءتىلشىمىز جاڭ جينفىڭ، ەرىكتى تىلشىلەر جاڭ پىڭيۇي، جىڭ فەيفەي چاپچالدان حابارلايدى. 9 - ايدىڭ 20 - كۇنى 2020 - جىلعى ىلە وبلىسىنىڭ تۇڭعىش كەزەكتى «اۋليە شوقى ساۋىتى» اتىنداعى ۆەلوسيپەدپەن ورگە ءجۇرۋ جارىسى چاپچال سىبە اۆتونوميالى اۋدانىندا باستالدى، شينجياڭنىڭ جەر - جەرىنەن كەلگەن 90 ۆەلوسيپەد اۋەسكەرى توراپتا تانىمال تاس جول ــ قۇلجا - موڭعۇلكۇرە تاس جولىندا «قارقىن جانە شابىت» ساياحاتىن باستان كەشىردى.

    سول كۇنى ساعات 11 دە جارىس باستالىسىمەن جارىسقا قاتىناسقان شاباندوزدار بەينە اتىلعان جەبەدەي جارىس جولىنا قاراي اعىلدى، ولار ۆەلوسيپەدپەن يرەلەڭدەگەن قۇلجا - موڭعۇلكۇرە تاس جولىن بويلاپ تاۋ بوكتەرىنە قاراي قۇيعىتتى، شاباندوزداردىڭ ۆەلەسيپەدكە مىنگەن كەلبەتى اشىق اسپان، اقشا بۇلت، قارلى تاۋمەن قوسىلىپ كۇز سوڭىنداعى كوركەم كارتينانى قالىپتاستىردى.

    بۇل رەتكى جارىس ولكە تاس جولى 237 - لەنياسى اۋليە شوقى جولىنىڭ تۇيە وركەش بەكەتىن باستالۋ ءتۇيىنى ەتتى، شاباندوزدار اۋليە شوقى ورمان قورعاۋ - باسقارۋ پۋنكتى مەن كوكساي جول قورۋشىلار اترەتى ارقىلى اۋليە شوقى كورىنىسىن تاماشالاۋ تەكشەسىنە دەيىن باردى، جارىس جولىنىڭ جالپى ۇزىندىعى 18.6 كيلومەتر بولىپ، ۆەلوسيپەد اۋەسكەرلەرى بيىكتىگى 1.32 كيلومەترلىك تاۋعا ورلەپ شىقتى. شاباندوزدار ۆەلوسيپەدپەن جۇرگەن قۇلجا - موڭعۇلكۇرە تاس جولى مەن جارىس جولدارىنىڭ جاعالاۋىنداعى كورىنىستەر ەرەكشە كوركەم بولىپ، كوركەم، سىڭسىعان ورمان، عاجايىپ شوقى، قارلى شىڭ سياقتى كورىنىستەر بار، بۇل ءبىر ەرەكشە اسەرلى جارىس، اسىرەسە، وڭاي - وسپاق قول جەتپەيتىن وزگەشە كۇزگى ساياحات بولدى.

    ابدوللا شامانسۋ ــ نىلقى اۋدانىنان كەلگەن شاباندوز، كىشكەنتايىنان ۆەلوسيپەدكە ءمىنىپ سپورتپەن شۇعىلدانۋعا اۋەستەنگەن، بيىل 19 جاستا. جوعارى مەكتەپ ەمتيحانى اقىرلاسقان سوڭ ۇنەمى ۆەلوسيپەدكە ءمىنىپ جاتتىعۋ جاساعان بولاتىن، وسى رەتكى جارىستا ول 56 مينۋت ءبىر سەكۋندتىق ناتيجەمەن ەرلەر گرۋپپاسىندا اعا جۇلدەگەر بولدى. ول: «بىرىنشىلىككە يە بولىپ قاباعات قۋاندىم، بۇل مەنىڭ ۆەلوسيپەد جارىسىنا قاتىناسىپ العاش اعا جۇلدەگەر بولۋىم. اۋليە شوقى ورگە ءجۇرۋ جارىسىنداعى جارىس بولەكتەرىن تۇتاس شينجياڭداعى ءبىرشاما بيىك بەتكەي دەۋگە بولادى، ءبىز ۇزاق ۋاقىت جاتتىعۋ جاسادىق، ورگە شىعۋ بارىسى وتە ماشاقاتتى بولسا دا، ءبىراق ءوزىمنىڭ توزىمدىلىگىم مەن قايسارلىعىم ارقىلى بار كۇشپەن ۇمتىلىپ، كۇش ۇستىنە كۇش قوسىپ، جاقسى ناتيجەنى قولعا كەلتىردىم» دەدى.

    ءبىر ساعاتتىق قيان - كەسكى سايىس ارقىلى ەرلەر گرۋپپاسىنداعى 53 ادامنان 10 ى ۇزدىك شاباندوز، ايەلدەر گرۋپپاسىنداعى 7 ادامنان ۇشەۋى ۇزدىك شاباندوز بولىپ سارالاندى، الدىڭعى 3 شاباندوز جەكە - جەكە 2 مىڭ يۋان، ءبىر مىڭ 500 يۋان جانە مىڭ يۋانمەن سيلاندى، سونداي - اق داڭق كۋالىگى مەن سيلىق ساۋىتىنا يە بولدى، باسقا ۇزدىك شاباندوزدارعا 800 يۋاننان سيلىق اقشا جانە داڭق كۋالىگى بەرىلدى، ال ۆەلوسيپەدپەن ساياحاتتاۋ گرۋپپاسىنداعى 30 ادامعا ەستەلىك كۋالىگى تاراتىلدى.

    ۇعىسۋعا قاراعاندا، بۇل رەتكى جارىستى ىلە وبلىستىق دەنە تاربيە باس قوعامى باسقارىپ وتكىزگەن، چاپچال اۋداندىق دەنە تاربيە باس قوعامى جارىستى وتكىزۋ مىندەتىن ۇستىنە العان، ىلە وبلىستىق ۆەلوسيپەد دەنە تاربيە قوعامى جارىستى وتكىزۋگە سەلبەسكەن. جارىس ارقىلى ىلەنىڭ كوركەم كورىنىسىن ۇگىتتەپ، وڭىرلىك ساياحات پەن تۇتاس وڭىرلىك ساياحاتتىڭ باياندى دامۋى جەبەلگەن.

 

جاۋاپتى رەداكتور: گۇلدەن ماقسات قىزى