”كوڭىل تورىندەگى ءتورت ماۋسىم . كورىكتى جۇڭگو“ اتىنداعى مەملەكەتتىك كۇز، قىس ماۋسىمىنداعى ساياحات جانە ”شينجياڭ جاقسى جەر“ اتىنداعى ۇگىتتەۋ، تانىستىرۋ قيمىلى ۇرىمجىدە وتكىزىلدى

  • كەلۋ قاينارى: شينجياڭ گازەتى تورى
  • 16:44:56 01/10/2020

  

    گازەتىمىزدىڭ جالپىلىق اقپارات قۇرالدارى ءتىلشىسى جاڭ يانفاڭ 9 - ايدىڭ 29 - كۇنى ۇرىمجىدەن حابارلايدى. 9 - ايدىڭ 29 - كۇنى ورتالىق كوميتەت ۇگىت ءبولىمىنىڭ، مادەنيەت جانە ساياحات مينيسترلىگىنىڭ جەتەكشىلىگىندە، اۆتونوميالى رايوندىق حالىق ۇكىمەتى ۇيىمداستىرعان ”كوڭىل تورىندەگى ءتورت ماۋسىم . كورىكتى جۇڭگو“ اتىنداعى مەملەكەتتىك كۇز، قىس ماۋسىمىنداعى ساياحات جانە ”شينجياڭ جاقسى جەر“ اتىنداعى ۇگىتتەۋ، تانىستىرۋ قيمىلى ۇرىمجىدە وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر لي چۇن قيمىلعا قاتىناستى ءارى ءسوز سويلەدى.

    شوكىرات زاكىر بىلاي دەدى: شينجياڭنىڭ تابيعي كورىنىسى تىنىستى، ايبىندى، اسەم بولىپ، گۋمانيتارلىق كورىنىستەر ءبىر - بىرىنە ءسان قوسىپ، اتى جۇڭگو مەن شەتەلگە ايگىلى بولدى. سوڭعى جىلدارى شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ، تياناقتاندىرىپ، تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارىپ، قابىلداعان ساياحاتشى مولشەرى ارت - ارتىنان جاڭا رەكورد جاراتىپ، شينجياڭعا كەلگەن ساياحاتشىلار شىن كوڭىلدەرىنەن ”شينجياڭ جاقسى جەر“ دەپ اۋىز جاپپاي ماقتادى. ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرۋىمىز، تياناقتاندىرۋىمىز، بۇلجىماستان جاسىل دامۋ، جوعارى ساپالى دامۋ جولىمەن ءجۇرىپ، شينجياڭ ساياحات كاسىبىنىڭ كەلەلى دامۋىن، جىلدام دامۋىن ۇزدىكسىز ىلگەرىلەتۋىمىز كەرەك. وسى جولعى قيمىلدى وراي ەتىپ، كۇز، قىس ماۋسىمىنداعى ساياحات سىندى كەلەلى ءىستى ويداعىداي ىستەپ، شينجياڭنىڭ ساياحاتىن جىلدىڭ ءتورت ماۋسىمىندا دا ”ورلەۋگە كوتەرىپ“، ساياحات كاسىبىن شينجياڭنىڭ ەكونوميكاسىن جوعارى ساپالى دامىتۋدىڭ ماڭىزدى قوزعالتقىشى جانە اناعۇرلىم باسىمدىققا يە ستراتەگيالىق تىرەكتى كاسىپ سالاسى ەتىپ قۇرىپ شىعۋعا قۇلشىنۋىمىز كەرەك.

    لي چۇن بىلاي دەدى: ”ءبىر جىلداعى ەڭ كوركەم كورىنىس قالسىن ەسىڭدە، سارالا تارتىپ اپەلسين، ماندارين جاسىل كەزىندە“ دەگەندەي، قازىر شينجياڭدا ساياحاتتاۋدىڭ ەڭ تاماشا مەزگىلى، سونداي - اق بۇكىل مەملەكەتتىڭ ساياحات كاسىبى قالپىنا كەلىپ شالقىعان ەڭ تاماشا مەزگىل. وسى رەتكى قيمىلدىڭ وتكىزىلۋى شينجياڭدى مادەنيەتپەن نارلەندىرۋدى، حالىقتى بايىتىپ، شينجياڭدى گۇلدەندىرۋدى ىلگەرىلەتىپ، شينجياڭنىڭ ساياحات كاسىبىن كوركەيتۋدى، دامىتۋدى جەبەۋدىڭ پارمەندى شاراسى. ءارقايسى كاسىپورىنداردىڭ، قوعامدىق ۇيىمداردىڭ، ساياحات ساۋداگەرلەرىنىڭ، سونداي - اق قاتىستى تەكشەلەردىڭ ءوز باسىمدىقتارىن ساۋلەلەندىرىپ، شينجياڭنىڭ مادەنيەت جانە ساياحات قىزمەتىن قولداۋ تەبىنىن ۇزدىكسىز كۇشەيتۋلەرىن ءۇمىت ەتەمىن. مادەنيەت جانە ساياحات مينيسترلىگى دە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، ”14 - بەسجىلدىق“ كەزىندە شينجياڭنىڭ مادەنيەتى مەن ساياحاتىنىڭ دامۋىنا قولداۋ كورسەتۋگە قاتىستى شارالاردى جۇيەلى تۇردە جوسپارلاپ، ساياحات كاسىبىن شينجياڭنىڭ ەرەكشە باسىمدىققا يە كاسىپ سالاسى ەتىپ باۋلىپ جەتىلدىرۋگە، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تۇرمىس كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ دا اناعۇرلىم زور ۇلەس قوسادى.

جاۋاپتى رەداكتور: گۇلدەن ماقسات قىزى