شينجياڭعا كومەك بەرۋ بويىنشا ىندەتكە قارسى اتتانۋ ەمدەۋ قىزمەتكەرلەرى ۋاكىلدەرىنىڭ الەۋمەتتىك يگىلىك ىستەرىن كوزدەن كەشىرۋ ۇيىرمەسى ىلەگە كەلىپ، «جەر ۇيىعىن» ەمىن – ەركىن ساياحاتتادى

  • كەلۋ قاينارى: ىلە گازەتى
  • 03:51:13 02/10/2020

    شينجياڭعا كومەك بەرۋ بويىنشا ىندەتكە قارسى اتتانۋ ەمدەۋ قىزمەتكەرلەرى ۋاكىلدەرىنىڭ الەۋمەتتىك يگىلىك ىستەرىن كوزدەن كەشىرۋ ۇيىرمەسى ىلەگە كەلىپ، «جەر ۇيىعىن» ەمىن – ەركىن ساياحاتتادى

 

    ٴتىلشىمىز لي يافىڭ حابارلايدى. 9 – ايدىڭ 29 – كۇنى ساعات 23 تە شينجياڭعا كومەك بەرۋ بويىنشا ىندەتكە قارسى اتتانعان 24 ەمدەۋ قىزمەتكەرى ۋاكىلى وتىرعان كوركەيۋ اتتى كەزەكشى پويەزىنىڭ قۇلجا ۆوگزالىنا كەلۋىمەن ىلە وبلىسىنىڭ «جانعا جايلى ٴتورت ماۋسىم - كورىكتى جۇڭگو» اتتى مەملەكەت بويىنشا كۇزگى، قىسقى ساياحاتى جانە «شينجياڭ جاقسى جەر» جەلىلەس ۇگىت قيمىلى رەسمي باستالدى.

    پويەزدەن جاڭا عانا تۇسكەن جىجياڭ ولكەلىك حالىق شيپاحاناسىنىڭ شيپاگەرى سۇڭ چاۋ تىلشىگە بىلاي دەدى: «بيىل 8 – ايدا ۇيىرمە قۇرامىندا ٴۇرىمجى قالاسىنا كەلىپ قىزمەت ىستەدىم. قازىر كەزىندە قىزمەت ىستەگەن جەرگە قايتا ورالعانىما، ومىرشەڭدىك كۇشكە تولى بەينەسى قالپىنا كەلگەن قالانى ٴوز كوزىممەن كورە العانىما ايرىقشا قۋانىشتامىن». ول كەزىندە ٴۇرىمجى قوناق سارايىنداعى كورىنىس سۋرەتىنەن ىلەنىڭ كوركەم كورىنىسىن كورىپ، ىلەگە كەلۋدى ارمانداعان.

    «ورتاڭعى كۇز مەرەكەسى مەن مەملەكەت مەرەكەسى كەزىندە كەلىنشەگىممەن، بالاممەن بىرگە ىلەنىڭ كۇز كورىنىسىنەن ٴلاززاتتانۋدى اڭسادىم» دەدى سۇڭ چاۋ.

    ۇعىسۋعا قاراعاندا، 9 – ايدىڭ 29 – كۇنى جۇڭگو كوممۋنيستىك پارتياسى ورتالىق كوميتەتى ۇگىت ٴبولىمىنىڭ، مادەنيەت جانە ساياحات مينسترلىگىنىڭ جەتەكشىلىك ەتۋىمەن، شينجياڭ ۇيعۇر اۆتونوميالى رايوندىق حالىق ۇكىمەتى ٴۇرىمجى قالاسىندا «جانعا جايلى ٴتورت ماۋسىم - كورىكتى جۇڭگو» اتتى مەملەكەت بويىنشا كۇزگى، قىسقى ساياحات جانە «شينجياڭ جاقسى جەر» اتتى ۇگىتتەۋ، تانىستىرۋ قيمىلىنىڭ باستالۋ سالتىن وتكىزگەن. بۇدان تىس، بۇكىل ەلدىڭ شينجياڭنىڭ ىندەتتەن ساقتانۋ - تىزگىندەۋ قىزمەتىنە قولداۋ كورسەتكەنىنە العىس ايتۋ ٴۇشىن، اۆتونوميالى رايوندىق مادەنيەت جانە ساياحات مەڭگەرمەسى تاعى شينجياڭعا كومەك بەرگەن ەمدەۋ قىزمەتكەرلەرىنەن 10 گرۋپپا وتباسىن ىلە اڭعارىنىڭ الەۋمەتتىك يگىلىك ىستەرىن كوزدەن كەشىرۋ ۇيىرمەسىنە قاتىناسۋعا ۇسىنىس ەتىپ، شينجياڭنىڭ ساياحات ىستەرىنىڭ جوعارى ساپالى دامۋىنا دەم بەرگەن.

    جۇڭگو اۋرۋدان ساقتانۋ ورتالىعىنىڭ راديواكتيۆتىك ساۋلە حاۋىپسىزدىگى ورنىنان كەلگەن جاڭ چي: «ٴۇرىمجى قالاسىندا 34 كۇن تاپجىلماي قىزمەت ىستەپ، شينجياڭنىڭ ىندەتكە قارسى اتتانۋ قىزمەتىنە جەتەكشىلىك ەتۋگە كومەكتەستىم، بۇل رەت ٴساتى ٴتۇسىپ كەزىندە شايقاس جۇرگىزگەن جەرگە قايتا ورالعانىمدى ايرىقشا باقىت سانايمىن جانە ونى ماقتانىش ەتەمىن. بيىل قاربالاس قىزمەت ىستەپ، وتباسىمداعىلارمەن كوپ بىرگە بولا المادىم، بۇل رەت وراتى كەلىپ جاسى ەگدە تارتقان شەشەمە شينجياڭدى كورسەتىپ، ارالاتقانىما، اسىرەسە، ىلەنىڭ وزگەشە گۋمانيتارلىق كورىنىسىنەن ٴلاززات العانىما ايرىقشا قۋانىشتامىن» دەدى.

    ٴتىلشىنىڭ وبلىستىق مادەنيەت جانە ساياحات مەكەمەسىنەن ۇعىسۋىنشا، وسى رەت شينجياڭعا كومەك بەرگەن ەمدەۋ قىزمەتكەرلەرىنىڭ 24 ۋاكىلىنەن ۇيىمداسقان ىلە اڭعارى الەۋمەتتىك يگىلىك ىستەرىن كوزدەن كەشىرۋ ۇيىرمەسى 6 كۇندىك ساپار بارىسىندا ىلەدەگى بايىرعى قالا - قازانشى ۇلتتىق سالت – سانا رايونى، جۇڭگو – قازاقستان قورعاس شەكارالىق سەلبەستىك ورتالىعى، تەكەس اۋدانىنىڭ قاراجون جايلاۋى، كۇنەس اۋدانىنىڭ نارات ساحاراسى سياقتى كورىنىس رايوندارىنا بارىپ، «جەر ۇيىعى - باۋراعىش ىلەنىڭ» كوركەم كۇزگى كورىنىسىن تاماشالايدى ەكەن.

جاۋاپتى رەداكتور: گۇلدەن ماقسات قىزى