شىنايى ىقىلاسپەن قىزمەت وتەپ، ساياحاتشىلاردىڭ ساپارىن مەيىرگە بولەدى

  • كەلۋ قاينارى: شينجياڭ گازەتى تورى
  • 08:49:26 06/10/2020

 

  گازەتىمىزدىڭ جالپىلىق اقپارات قۇرالدارى ءتىلشىسى جىڭ ييۋان

 

    ادام كوپ، اۆتوكولىك كوپ، كەيبىر ساياحاتشىلار بەلەت ساتۋ زالىن تابا المادى، قىسىلعاندا الەۋمەتتىك دارەتحانا تابا المادى، كەيبىرەۋلەر تاۋدان تۇسكەندە اۆتوكولىگىن تابا المادى... قوس مەرەكە دەمالىسى كەزىندە، ساياحاتشىلاردا اۋىق - اۋىق تۋىلعان ”جاعدايلارعا“ قاراتا، شينجياڭ تيانشان بوعدا كولى باسقارۋ كوميتەتى كەشەندى زاڭ اتقارۋ باسقارماسى شارلاۋ - تەكسەرۋ ۇلكەن اترەتىنىڭ ورىنباسار باستىعى ياڭ دوپۋ ەڭ الدىمەن شىنايى ىقىلاسپەن قىزمەت وتەدى جانە كومەكتەستى.

    ”مەرەكە - مەيرام كۇندەرى، ءبىز قاباعات قاربالاس بولىپ كەتەمىز“. ياڭ دوپۋدىڭ وسى بىرنەشە كۇندە قاربالاستىقتان تاماق ىشۋگە دە مۇرساسى كەلمەي، ءار كۇنى 10 ساعاتتان استام ۋاقىت شارلاۋ، شارلاپ - تەكسەرۋ جۇرگىزدى. قاربالاس بولعانىمەن، ول شىن كوڭىلدەن قۋانىشتى ەدى، ”باسقالارعا كومەكتەسسەڭ كوڭىلىڭ جايلانادى، اسىرەسە، مەنىڭ كومەگىمدە ساياحاتشىلاردىڭ ماسەلەسى ءساتتى شەشىلىپ، جۇزىنە قۋانىش كۇلكىسى ۇيىرىلگەنىن كورگەندە كوڭىلىمدى ايتىپ جەتكىزگىسىز ماقتانىش سەزىمى مەن باقىت سەزىمى كەرنەيدى“.

    ياڭ دوپۋدىڭ اسكەردەن بوساعاننان كەيىن تيانشان بوعدا كولى كورىنىس وڭىرىنە كەلىپ قىزمەت ىستەگەنىنە تابانى كۇرەكتەي 19 جىل بولدى. قىزمەتكە شىققان العاشقى كۇننەن باستاپ، ول ءوزىنىڭ تيانشان بوعدا كولى كورىنىس ءوڭىرىنىڭ بازار تيجارات ءتارتىبىن جانە جول قاتىناس ءتارتىبىن قورعايتىن باسقارۋشى عانا ەمەس، ساياحاتشىلارعا قىزمەت وتەيتىن ”داياشى“ ەكەنىن دە ءار ءسات ەسىنەن شىعارمادى.

    قاتىناسقا نۇسقاۋشىلىق ەتۋ، بازار تيجارات ءتارتىبىن ارناعا ءتۇسىرۋ، ساياحاتشىلاردىڭ كورىنىس، ويىن قىزىقتاۋداعى ءتارتىبىن ساقتاۋ... زاڭ اتقارۋ بارىسىندا، ياڭ دوپۋ ”بەس جۇلدىزدى قىزمەت وتەۋشى“ بولۋ پوزيتسياسىن ۇستانىپ، ”ساياحاتتاعى شارلاپ تەكسەرۋ، اكىمشىلىك زاڭ اتقارۋ دەگەنىمىزدىڭ ءوزى قىزمەت وتەۋ، ساياحاتتاعى شارلاپ تەكسەرۋدە، اكىمشىلىك زاڭ اتقارۋدا قىزمەت وتەۋ كەرەك“ دەگەن پرينسيپتى زاڭ اتقارۋدىڭ تۇتاس بارىسىمەن جانە ءار بۋىنىمەن ساباقتاستىرىپ، ساياحاتشىلاردىڭ القاۋىنا بولەندى.

    ”ساياحاتشىلارعا قىزمەت وتەۋ مەنىڭ قۋانىشىم“، - دەدى ياڭ دوپۋ اق پەيىلدىلىكپەن، - ”ويتكەنى ساياحاتشىلار جايلى، كوڭىلدى، الاڭسىز بولعاندا عانا، كورىنىس ءوڭىرى اناعۇرلىم جاقسى، باياندى داميدى“.

جاۋاپتى رەداكتور: گۇلدەن ماقسات قىزى