شاپشال كۇرىشى ماركالانۋعا بەتتەدى

  • كەلۋ قاينارى: شينجياڭ گازەتى تورى
  • 09:53:21 07/10/2020

 

    گازەتىمىزدىڭ جالپىلىق اقپارات قۇرالدارى تىلشىلەرى ءجازيرا نەسىپبەك، جاڭ رۇيلين

 

    تيانشان تاۋىنىڭ ەرىگەن قار سۋىنان ءنار العان شاپشال كۇرىشىنىڭ داڭقى الىسقا تارادى. سوڭعى جىلدارى شاپشال سىبە اۆتونوميالى اۋدانى ءوندىرىستى ولشەمدەندىرە، كولەمدەندىرە، شوعىرلاندىرا دامىتىپ، ەگىمشىلىك كولەمى ورنىقتى، ەگىن شارۋاشىلىعىنىڭ وسىزاماندانۋ دەڭگەيى ءبىرشاما جوعارى، جالپىلىق ءوندىرىس قۋاتى ءبىرشاما كۇشتى ساپالى كۇرىش ءوندىرىس بازاسىن قۇرىپ، كۇرىش شارۋاشىلىعىنىڭ جوعارى ساپالى دامۋىن ىلگەرىلەتتى.

    ساپالى تۇقىم تاڭداپ جەتىلدىرىپ، كىرىستىڭ ارتۋىن جەبەدى

    9 - ايدىڭ 25 - كۇنى شاپشال سىبە اۆتونوميالى اۋدانى بەسسۇمۇل قالاشىعى شولپان قىستاعىنداعى شينجياڭ ەگىن شارۋاشىلىق اكادەمياسى شاپشال كۇرىشى سىناق پۋنكتىندە شينجياڭ ەگىن شارۋاشىلىق اكادەمياسى استىق داقىلىن زەرتتەۋ ورنىنىڭ اعا زەرتتەۋشىسى ۋاڭ فىڭبين جەتىلدىرىلىپ جاتقان كۇرىشتىڭ جاڭا سورتىن باقىلاپ ءجۇر.

    بۇرىندارى شاپشالدا كۇرىش ەگەتىن شارۋالاردىڭ ىستەتەتىن تۇقىمىنىڭ ءتۇرى كوپ ءارى ءار قيلى، وندىرىلگەن كۇرىشتىڭ سورتى تۇرلىشە بولىپ، جەرگىلىكتى ورىنداعى كۇرىشتىڭ كاسىپ سالالانا دامۋىنا ىقپال جاساپ كەلگەن. 2015 - جىلدان باستاپ، شاپشال ”اكادەميا مەن اۋدان عىلىم - تەحنيكا سەلبەستىگىن بىرگە ورناتۋ“ ءتاسىلى ارقىلى جەرگىلىكتى ورىننىڭ توپىراعى مەن كليمات شارت - جاعدايىنا ۇيلەسەتىن ساپالى تۇقىم جەتىلدىرىپ، كۇرىشتىڭ ءونىم مولشەرى مەن ساپاسىن جوعارىلاتتى.

    ”سوڭعى 5 جىلدان بەرى ءبىز جەرگىلىكتى ورىنعا ەگۋگە ۇيلەسەتىن 6 سورت جەتىلدىرىپ، شارۋالاردىڭ ءار مۋىنان 40 كيلوگرام اينالاسىندا ارتىق ءونىم الۋىنا مۇمكىندىك جاسادىق“، - دەدى ۋاڭ فىڭبين.

    قازىر وسى سىناق پۋنكتىندە جەتىلدىرىلگەن شينداۋ 42، شينداۋ 46، نۇڭلين 315 سياقتى تۇقىمداردى شارۋالار جاپپاي تاڭداپ پايدالانىپ، كۇرىشتىڭ سورتتى تۇقىمىن پايدالانۋ مولشەرى %100كە جەتتى.

جاۋاپتى رەداكتور: گۇلدەن ماقسات قىزى