الدىڭعى 8 ايدا رايونىمىزداعى كەشەندى باجىسىز اۋماقتاردىڭ سىرتقى ساۋدا قۇنى %80كە تاياۋ ارتتى

  • كەلۋ قاينارى: شينجياڭ گازەتى تورى
  • 09:59:20 07/10/2020

 

   گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 10 - ايدىڭ 5 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 8 ايدا رايونىمىزدىڭ كەشەندى باجىسىز اۋماقتارى ورىنداعان يمپورت - ەكسپورت ساۋدا قۇنى 9 ميلليارد 422 ميلليون يۋان بولىپ، سايكەس مەزگىلدەگىدەن %79.02 ارتقان. مۇنىڭ ىشىندە يمپورت 5 ميلليارد 822 ميلليون يۋان بولىپ، سايكەس مەزگىلدەگىدەن %65.26 ارتقان؛ ەكسپورت 3 ميلليارد 600 ميلليون يۋان بولىپ، سايكەس مەزگىلدەگىدەن %106.88 ارتقان.

    كەزەكتە تۇتاس رايونىمىزدا جيىنى 4 كەدەن ەرەكشە باقىلاۋ - باسقارۋ اۋماعى بار، ءبارىنىڭ بەكىتىلىپ قۇرىلعانىنا 5 جىلدان اسقان، اۋماقتاعى نەگىزگى كاسىپ كۇيى استىق مانەرلەۋدى، جەم - ءشوپ مانەرلەۋدى، ماقتا توقىماشىلىعى مانەرلەۋىن جانە قامبادا ساقتاۋدى، زات اينالىمىن قامتىپ، سىرتقا باعىتتالعان كاسىپ سالاسىنىڭ ورنالاسۋى كۇن سايىن كەمەلدەندى.

    الدىڭعى 8 ايدا الاتاۋ ساعاسى كەشەندى باجىسىز اۋماعىنىڭ، ءۇرىمجى كەشەندى باجىسىز اۋماعىنىڭ، قورعاس كەشەندى باجىسىز اۋماعىنىڭ (جۇڭگو - قازاقستان قورعاس حالىقارالىق شەكارا سەلبەستىگى ورتالىعى جۇڭگو جاق سايكەستى اۋماعى)، قاشقار كەشەندى باجىسىز اۋماعىنىڭ يمپورت - ەكسپورت ساۋدا قۇنى جەكە - جەكە 5 ميلليارد 405 ميلليون يۋان، 2 ميلليارد 587 ميلليون يۋان، 984 ميلليون يۋان، 446 ميلليون يۋان بولىپ، سايكەس مەزگىلدەگىدەن جەكە - جەكە %46.07، %103.38، %604 جانە %194.78 ارتقان.

    كەشەندى باجىسىز اۋماقتاردىڭ دامۋىنا دەم بەرۋ ءۇشىن، مەملەكەتتىك كەڭەس «كەشەندى باجىسىز اۋماقتى جوعارى دەڭگەيدە اشۋ، جوعارى ساپادا دامىتۋدى جەبەۋ جونىندەگى ءبىرقانشا پىكىردى» باسىپ تاراتتى، ءۇرىمجى كەدەنى دە كەشەندى باجىسىز اۋماقتى دامىتۋدى قولدايتىن 8 ءتۇرلى شارانى جولعا قويىپ، كەشەندى باجىسىز اۋماقتى دامىتۋعا پارمەندى ساياساتتىق قولداۋ كورسەتتى.

    ۇعىسۋىمىزشا، ءۇرىمجى كەدەنى كەدەن ەرەكشە باقىلاۋ - باسقارۋ اۋماعىندا ”توپ رەتىمەن كىرگىزۋ - شىعارۋ، شوعىرلى مالىمدەۋ“، ”ءبىر رەت تىزىمگە الدىرۋ، كوپ رەت پايدالانۋ“ سياقتى 10 ءتۇرلى ەركىن ساۋدا رايونىن باقىلاۋ - باسقارۋدا جاڭالىق اشۋ ءتۇزىمىن ءساتتى كوشىرىپ جالپىلاستىرىپ، كاسىپورىنداردىڭ زاتتارىنىڭ اۋماققا جەدەل كىرىپ - شىعۋىنا اناعۇرلىم قولايلىلىق جاساعان.

جاۋاپتى رەداكتور: گۇلدەن ماقسات قىزى