تۇنىق سۋ، جاسىل تاۋ − كوركەم كورىنىس، ونان دا ماڭىزدىسى، باقىتتىڭ تياناعى

  • كەلۋ قاينارى: شينجياڭ گازەتى تورى
  • 07:40:27 09/10/2020

  

  حوۋ حۇي

 

    وسى جولعى 8 كۇندىك ۇزاق دەمالىستا شار تاراپتان كەلگەن ادامدار تاماشا كوڭىل كۇيمەن ”جەر ۇيىق“ اتانعان قاناسقا بارىپ شينجياڭنىڭ تەڭدەسسىز كۇز كورىنىسىنەن ءلاززات الدى؛ ۇزىن فوكۋستى فوتو - اپپاراتتارىمەن ءمولدىر تولقىندار تەربەلگەن تارىم وزەنىنىڭ جاعاسىنا بارىپ توراڭعى ورمانىنىڭ سۋداعى التىن سارى ساعىمىن سۋرەتكە ءتۇسىردى؛ عارىش الەمىنە دەگەن تەرەڭ سۇيىسپەنشىلىكپەن ءتىلسىم نۇرجا شاتقالىنا بارىپ جىمىڭداعان جۇلدىزدى اسپانعا كوز جىبەردى؛ قاھارماندارعا دەگەن ىززەت - قۇرمەتپەن مايتاۋ - كۇشار تاس جولىنا بارىپ ۇلى تابيعاتتىڭ تاڭعاجايىپ ونەرىن تاماشالادى...

    ادامنىڭ كوڭىلىن باۋراپ، وزىنە تارتاتىن وسىناۋ شينجياڭ كورىنىستەرى ”تۇنىق سۋ، جاسىل تاۋ − باعالى بايلىق“ ۇستانىمىن جاندى ءتۇسىندىرىپ، شينجياڭ سىندى ىرىستى توپىراقتىڭ جۇرت نازارىن ونان سايىن وزىنە تارتۋىنا مۇمكىندىك جاسادى.

    سوڭعى جىلدارى ەكولوگيانى الدىمەن ويلاستىرۋ، جاسىل دامۋ، ەكولوگيانى قورعاۋدىڭ ەڭ قاتاڭ ءتۇزىمىن، سۋ بايلىعىن باسقارۋدىڭ ەڭ قاتاڭ ءتۇزىمىن اتقارۋ، ەكولوگيانىڭ قىزىل سىزىعىنان تاپجىلماۋ... دەگەن سياقتى جۇرتتىڭ بارىنە تانىس سوزدەر ىشكى ساناعا، سىرتقى ارەكەتكە اينالىپ، ناقتى - ناقتى ارەكەتتەر بولىپ كورىنىس تاپتى: ”كوكيار“ قۇمدى ءشولدى جاسىل تۇسكە بويادى، تارىم وزەنىنىڭ تومەنگى اعارىندا تىرشىلىك لەبى قايتا قاۋلادى، ەبنۇر كولىنىڭ ەكولوگياسى قالپىنا كەلدى، ءۇرىمجىنىڭ اسپانى اشىلىپ، اق باۋىر بۇلتتار مامىرلادى.

    قورشاعان ورتانى جونگە سالۋعا قاتىستى توپ - توپ ينجەنەريا ءبىزدىڭ تۇنىق سۋىمىز بەن جاسىل تاۋىمىزدى، مۇزدى القابىمىز بەن قارلى دالامىزدى، تاماشا مەكەنىمىزدى قورعاۋدا. بۇگىنگى تاڭدا شينجياڭنىڭ اسەم دە ايبىندى تاۋ - وزەندەرى جابايى حايۋاناتتاردىڭ، وسىمدىكتەردىڭ جايلى جەرىنە، جۇرت جۇرەگىندەگى جىرعا جانە الىس ارمانعا اينالعان.

    كەرەمەتىندە شەك جوق تاۋ، سۋ، ورمان، ەگىنجاي، كول، جايلىم شينجياڭ توپىراعىنداعى ادامداردى بايۋعا باستاۋدا.

    التىن كۇزدەگى شينجياڭ، تاۋ مەن ورمان ءتۇرلى تۇستەرمەن قابات - قابات بويالىپ، ءموپ - ءمولدىر وزەن سۋلارى ايناداي جارقىرايدى، قالا مەن اۋىلدا قۇستار سايران سالىپ، گۇلدەردىڭ حوش ءيىسى اڭقيدى. ءتۇس الەتىنەن كەيىن اقشا بۇلتتار كىتاپ ءۇيدىڭ تەرەزەسىنە اسىلىپ، باياۋ جازىلعان اسەم سۋرەتتەي ەلەس بەرەدى؛ كەشقۇرىم، عيماراتتار اراسىن قىزعىلت ءتۇستى كەشكى شاپاق الەم - جالەم نۇرعا بولەپ، انار گۇلى اشىلعانداي اسەر سيلايدى − ءدال وسى ساتتەر، ءدال وسى كورىنىستەر كىمنىڭ جۇرەك قىلىن تەربەپ، قيماس سەزىمگە بولەمەسىن؟

جاۋاپتى رەداكتور: گۇلدەن ماقسات قىزى