ەتتى قوي شارۋاشىلىعىنىڭ دەڭگەيى جوعارىلاپ، بۇقارانىڭ كىرىسىنىڭ ارتۋىن جەبەدى

  • كەلۋ قاينارى: شينجياڭ گازەتى تورى
  • 09:57:43 09/10/2020

 

    حوتان:

    ەتتى قوي شارۋاشىلىعىنىڭ دەڭگەيى جوعارىلاپ، بۇقارانىڭ كىرىسىنىڭ ارتۋىن جەبەدى

    گازەتىمىزدىڭ جالپىلىق اقپارات قۇرالدارى تىلشىلەرى ءپاريزات ابدۇل، جوۋ پىڭ، سۋ شۋانميڭ

 

    ”تۇرمىسىمىز بارعان سايىن جاقساردى، مەن قۇلشىنا جۇمىس ىستەپ اقشا تاۋىپ، باعىمشىلىق فەرماسىن قۇرۋ ارمانىمدى تەزىرەك جۇزەگە اسىرامىن“. 9 - ايدىڭ 12 - كۇنى كەريا اۋدانى شيۋول اۋىلى تولشەڭ ەتتى قوي ءوسىرۋ فەرماسىندا 24 جاستاعى ءمۇتالىپ توحتىروزى قوراداعى قويلارىنا جەم بەرە ءجۇرىپ وسىنى ايتتى.

    ءمۇتالىپ شيۋول اۋىلى وجۇللۇق قىستاعىنىڭ تۇرعىنى. 2018 - جىلدىڭ سوڭىندا قىستاق تۇرعىندار كوميتەتىنىڭ تانىستىرۋىمەن ول تولشەڭ ەتتى قوي ءوسىرۋ فەرماسىنا كەلىپ جۇمىستاندى.

    ”ۇيدە قوي باققاندا نە بولسا سونى بەرەتىنبىز، قورەكتىك سالىستىرماسى دەگەندى بىلمەيمىز. قوي ءوسىرۋ فەرماسى كوز ايامدى كەڭەيتتى، تولشەڭ ەتتى قوي ءتۇرى، عىلمي سالىستىرماداعى قۇنارلى جەم، ىندەتتەن ءبىر تۇتاس ساقتانۋ - ەمدەۋ...“، - دەدى ءمۇتالىپ.

    قازىر ءمۇتالىپ پەن اعاسى ەكەۋى دە قوي ءوسىرۋ فەرماسىندا جۇمىستاندى، ءار ايلىق ەڭبەكاقىلارى 2500 يۋان اينالاسىندا، باعىمشىلىق تەحنيكاسىن يگەرگەن اعايىندى ەكەۋى ۇيلەرىندە دە 130 قوي باعىپ وتىر، ونىڭ ىشىندە جارتىسىنان كوبى كەدەي وتباسىلارىنىڭ باعۋعا تاپسىرعان مالى، 2019 - جىلى تاپسىرۋمەن قوي باعۋدان تاپقان تازا كىرىستەرى 20 مىڭ يۋاننان استى.

    ءمۇتالىپ سياقتى جەرگىلىكتى ورىندا قوي باعۋدىڭ پايداسىن كورگەن كەدەي شارۋالار بارعان سايىن كوبەيدى.

    حوتان ەتتى قويى ەتىنىڭ دامدىلىگىمەن، ساپالىلىعىمەن ايگىلى، الايدا ءوسىمتالدىعى تومەن، تۇقىمى ازۋ، سونداي - اق جەمدەۋ ءتاسىلى قاراپايىم، كاسىپ سالالانۋ ورەسى تومەن بولۋ سياقتىلاردان قوي كاسىپ سالاسىنىڭ دامۋى جاقسى بولماي كەلگەن ەدى.

جاۋاپتى رەداكتور: گۇلدەن ماقسات قىزى