|
مەملەكەت مەرەكەسى، ورتاڭعى كۇز مەرەكەسى دەمالىسىندا وبلىسقا توتە قاراستى ورىندار رەت سانى بويىنشا 8 ميلليون 550 مىڭ ساياحاتشى قابىلداپ، ۇقساس مەزگىلدەگىدەن %223 ارتتىردى
ٴتىلشىمىز لۋ جۇڭ حابارلايدى. 10 ـ ايدىڭ 8 ـ كۇنى ٴتىلشى وبلىستىق مادەنيەت - ساياحات مەكەمەسىنەن بيىلعى مەملەكەت مەرەكەسى، ورتاڭعى كۇز مەرەكەسى دەمالىسىندا، ىندەتتەن ساقتانۋ ـ تىزگىندەۋ قىزمەتىن تياناقتاندىرۋدىڭ ۇدايىلانۋىنا بايلانىستى ولكە اتتاعان ساياحات پەن «ۇشاق بەلەتى + قوناقجاي» قىزمەتتەرى قالپىنا كەلگەنىن، ادامداردىڭ ساياحات قىزعىندىلىعى ارتقانىن ۇعىستى. سونداي ـ اق جياڭسۋدىڭ شينجياڭعا اتاعان كومەك قارجىسىمەن كۇزگى، قىسقى ساياحاتتار قولداۋعا يە بولىپ، كۇزگى، قىسقى ساياحاتتارعا ٴتيىمدى ساياساتتار اتقارىلىپتى، ٴار اۋدان ـ قالا ارت ـ ارتىنان قۇراما ۇلگىدەگى ٴتيىمدى ساياساتتار اتقارىپ، ساياحاتتىق تۇتىنۋدى بارىنشا جەبەپتى. مەملەكەت مەرەكەسى، ورتاڭعى كۇز مەرەكەسى دەمالىسىندا وبلىسقا توتە قاراستى ورىندار رەت سانى بويىنشا شامامەن 8 ميلليون 557 مىڭ ساياحاتشى قابىلداپ، ۇقساس مەزگىلدەگىدەن %223.27 ارتىپتى؛ اقىسىز بەلەت ساياساتىن اتقارۋدىڭ ارقاسىندا ساياحاتتان 7 ميلليارد 947 ميلليون يۋان كىرىس كىرىپ، ۇقساس مەزگىلدەگىدەن %108.12 ارتىپتى. ساياحات ونىمدەرىن بايىتۋ ٴۇشىن، مەملەكەت مەرەكەسى، ورتاڭعى كۇز مەرەكەسى دەمالىسىندا اۋدان ـ قالالار جەرگىلىكتى ەرەكشەلىگىمەن ۇشتاستىرىپ، ٴتۇرلى مادەنيەت ـ ساياحات قيمىلدارىن وتكىزدى، قۇلجا قالاسى «جەر ۇيىعى ـ كوركەم ىلە» اتىندا 8 ـ كەزەكتى ۇلتتىق مادەنيەت ـ ساياحات جانە كۇزگى، قىسقى ساياحات قيمىلدارىن وتكىزدى، قورعاس قالاسى كوڭىلدى ساۋدا مەرەكەسى قيمىلىن وتكىزسە، تەكەس اۋدانى شارۋالاردىڭ مول ٴونىم مەرەكەسى قيمىلىن وتكىزدى، چاپچال سىبە اۆتونوميالى اۋدانى «قۇلپىرعان اۋىلدا شارۋالار ٴانىن شىرقايىق، ساداق مەكەنى ۇزىنبۇلاق» اتىندا 1 ـ كەزەكتى ساياحات مەرەكەسى قيمىلىن ۇيىمداستىرسا، كۇنەس اۋدانى ناراتتا مىڭ باسپالداققا شىعۋ جارىسىن وتكىزدى، موڭعۇلكۇرە اۋدانى «تۇلپار حالىقارالىق ساياحات مەرەكەسى ـ ۇستىرتتەگى ۆەلوسيپەد جارىسىن» وتكىزسە، نىلقى اۋدانى «مول ٴونىم مەرەكەسى» جانە «تاڭبالى ساۋىتى» قاس وزەنىن ۆەلوسيپەدپەن اينالۋ جارىسىن وتكىزدى... مەملەكەت مەرەكەسى، ورتاڭعى كۇز مەرەكەسى دەمالىسىندا وبلىسقا توتە قاراستى ورىندار شامامەن 33 ٴتۇرلى 244 مايدان مادەنيەت ـ ساياحات قيمىلىن ۇيىمداستىرىپ، شينجياڭنىڭ ٴىشى ـ سىرتىنداعى قىرۋار ساياحاتشىنى باۋرادى. مۇنان سىرت، ىلەدە كۇزگى، قىسقى ساياحاتقا ٴتيىمدى ساياسات اتقارىلعاننان بەرى اۋدان ـ قالالار شينجياڭعا كومەكتەسۋ ابزالدىعىن تولىق ساۋلەلەندىرىپ، تۇتىنۋشىلاردى ىلەگە كەلۋگە باۋراپ، بازاردىڭ قالپىنا كەلۋىن جەبەدى، اسىرەسە، نارات، شۋىرما، فۋشۋشان، جۇڭگو ـ قازاقستان قورعاس حالىقارالىق شەكارالىق سەلبەستىك ورتالىعى، التىشۋار ٴمالىسى سياقتى كورىنىس رايوندارىندا ساياحاتشىلار كوپ بولدى. مەملەكەت مەرەكەسى، ورتاڭعى كۇز مەرەكەسى كەزىندە قىسقا ارالىقتى ساياحات جانە جەكە كولىكپەن ساياحاتتاۋ قىزۋ تۇيىنگە اينالدى. ىلەلىكتەر ىلەگە ساياحاتتاۋ، جەرگىلىكتى بۇقارا جەرگىلىكتى ورىندارعا ساياحاتتاۋ، جەكە كولىكپەن ساياحاتتاۋ، تۋىسشىلاپ ساياحاتتاۋ، اۋىل ـ قىستاققا ساياحاتتاۋ سياقتىلار كورنەكتى ارتتى. مۇندا دەمالىس كەزىندە جەكە كولىكپەن ساياحاتتاعاندار رەت سانى بويىنشا 5 ميلليون 779 مىڭ 600 ادامعا جەتىپ، مەملەكەت مەرەكەسى، ورتاڭعى كۇز مەركەسىندەگى ساياحاتشىلاردىڭ %67.54 ىن ۇستادى. |