قۇلجا قالاسىنداعى 10 باستاۋىش مەكتەپ پارتيا كۇنى قيمىلىن سەلبەسىپ ورىستەتتى

  • كەلۋ قاينارى: ىلە گازەتى
  • 03:23:00 10/10/2020

 

   اۋەلگى ماقساتتى ۇمىتپاي، وتانعا العىس ايتتى

    قۇلجا قالاسىنداعى 10 باستاۋىش مەكتەپ پارتيا كۇنى قيمىلىن سەلبەسىپ ورىستەتتى

 

    9 – ايدىڭ 29 – كۇنى دابىرالى پارتيا كۇنى قيمىلى جەلىدە ورىستەتىلدى. قۇلجا قالالىق 25 – باستاۋىش مەكتەپتەگى «جاڭ شينيان پارتيالى ماماندار قىزمەت كەڭسەسىنىڭ» باستاۋىندا قۇلجا قالالىق 2 – باستاۋىش مەكتەپ پارتيا ياچەيكاسى، قۇلجا قالالىق 5 – باستاۋىش مەكتەپ پارتيا ياچەيكاسى، قۇلجا قالاسى جاڭاجەر اۋىلدىق ءتۇيىندى باستاۋىش مەكتەپ پارتيا ياچەيكاسى سياقتى 10 باستاۋىش مەكتەپتىڭ پارتيا ياچەيكالارى مەملەكەت مەرەكەسىن قۇتتىقتاۋ تاقىرىبىنداعى جەلىلەس پارتيا كۇنى قيمىلىن سەلبەسىپ ورىستەتتى.

    سول كۇنى 10 مەكتەپتىڭ پارتيا ياچەيكاسى ساعات 18 دەن 40 مينۋت وتكەندە ءبىر ۋاقىتتا توردى اشتى، 25 – باستاۋىش مەكتەپتىڭ پارتيا ياچەيكاسى «ديڭديڭدا» تىكە تاراتتى. جەلىدە پارتيا مۇشەلەرى اۋەلگى ماقساتتى ەسكە الىپ، كەسكىندى كورىپ، 1949 – جىلى ءتوراعا ماۋ زىدۇڭ تيان – انمىن مىنبەسىندە تۇرىپ تۇتاس دۇنيەگە جۇڭحۋا حالىق رەسپۋبليكاسى قۇرىلعاندىعىن جاريالاعان اسەرلى كورىنىستى كوردى. وسىدان سوڭ 25 – باستاۋىش مەكتەپ پارتيا ياچەيكاسىنىڭ شۋجيى لي ۋي جەلىدە «جاڭا جۇڭگوعا العىس ايتىپ، جاڭا داۋىردە ەرلىكپەن كۇرەس جۇرگىزۋ» تاقىرىبىنداعى پارتيا ساباعى ارقىلى جۇڭگونىڭ دامۋى ءدوپ كەلگەن، بۇرىن بولىپ كورىلمەگەن حاۋىپ – قاتەرلەر مەن سايىستاردى، جۇڭگودا كەرەمەت ىستەر جالعاسىپ جاتقانىن، جۇڭگو جولىنىڭ اناعۇرلىم بەكەمدەلگەنىن، جۇڭگو كوممۋنيستىك پارتياسى كەۋدە كەرە العا شىققانىن باياندادى. مۇعالىمدەر ءبىر جاعىنان ساباق تىڭداپ، ەندى ءبىر جاعىنان ەستەلىك الىپ، وزدەرىنىڭ پارتيانىڭ نازاريالىق بىلىمدەرى جونىندەگى ورەسىن جوعارىلاتتى.

    جەلىدە 10 مەكتەپتىڭ پارتيا ياچەيكالارى پارتيا تاريحىنا، جاڭا جۇڭگو تاريحىنا قاتىستى بىلمدەردەن ەمتيحان الدى. ٴارقايسى پارتيا ياچەيكالارى قيما سۋرەت، حاتكەرلىك، داۋىستاپ وقۋ سياقتى كوپ ٴتۇرلى فورمامەن «مەن مەملەكەت تۋىن ٴسۇيىپ، وتانعا العىس ايتامىن» اتىنداعى قيمىلدى ورىستەتتى. مۇنىڭ ىشىندە پارتيا مۇشەلەرى وتانعا العىس ايتقان تۇيىندەر، پارتيا مۇشەلەرىنىڭ ىقشامدى دا قاراپايىم تىلمەن وتانعا باقىت تىلەۋى، سونداي ـ اق ونى شاعىن كەسكىن ەتىپ تاراتۋى وقىتۋشى ـ وقۋشىلاردىڭ يگەرۋ دەڭگەيى مەن قاتىناسۋ مولشەرىن جوعارىلاتتى. قيمىل سوڭىندا 100 دەن استام پارتيالى وقىتۋشى نارت قىزىل پارتيا تۋىنا قاراپ، پارتياعا مۇشە بولعانداعى سەرتىن قايتالادى.

جاۋاپتى رەداكتور: گۇلدەن ماقسات قىزى