قاس قىستاعى سۇرلەمدىك جۇگەرىنى مولىنان ازىرلەدى

  • كەلۋ قاينارى: ىلە گازەتى
  • 03:24:32 10/10/2020

  

    ەرىكتى ءتىلشى جيا مەي نىلقىدان حابارلايدى. جاقىنعى جىلدان بەرى نىلقى اۋدانى ەگىمشىلىك پەن باعىمشىلىقتى ۇشتاستىرۋ، ەگىمشىلىكتى باعىمشىلىقتىڭ ورنىنا قويۋ ارقىلى كىرىستى ارتتىرىپ اۋقاتتاندىرۋ جولىن قاراستىرىپ، شارۋالاردى سۇرلەمدىك جۇگەرى ەگۋگە باستادى. ءسويتىپ شارۋالار بيىل تاعى دا مول ونىمگە كەنەلدى.

    9 - ايدىڭ 19 - كۇنى ءتىلشى نىلقى اۋدانى كوكقوتقىر موڭعۇل اۋىلى قاس قىستاعىنىڭ تۇرعىنى ما جۇنپيڭنىڭ سۇرلەمدىك جۇگەرى اتىزىنان جاپ - جاسىل جۇگەرىنىڭ جايقالىپ تۇرعانىن، ءىرى تۇرپاتتى كومبايننىڭ جۇگەرى ساباقتارىن ورىپ، جۇك اۆتوموبيلىنە تيەپ جاتقانىن كوردى. سۇرلەمدىك جۇگەرىنىڭ جۇك اۆتوموبيلىنە تولتىرا تيەلگەنىن كورگەندە، ما جۇنپيڭ كوڭىلدى بەينەدە: «بۇل ـ ۇيىمىزدەگى 190 باس سيىرعا زاپاس ساقتالاتىن قىسقى ازىق. ءبىر جىلدا مال باعىمشىلىعىنان 300 مىڭ يۋان كىرىس كىرگىزەمىن» دەدى.

    قاس قىستاعى جەر جاعدايىنا قاراي ورىندى ءدال بەلگىلەپ، ءشوپ ەگۋ مەن مال باعۋدى ءوزارا ۇشتاستىرۋ ارقىلى شارۋالاردى سۇرلەمدىك جۇگەرى ەگۋگە شابىتتاندىردى. جەردەن تولىق پايدالانۋدى قامتاماسىز ەتۋمەن ءبىر ۋاقىتتا، مالشىلاردى قىسقى مال ازىعى جەتكىلىكتى بولماۋ ۋايىمىنان دا ارىلتىپ، شارۋالاردىڭ كىرىستى ارتتىرۋىنا بەرىك نەگىز قالادى.

    قاس قىستاعىنىڭ ءبىرىنشى شۋجيى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باستىعى يۋان جيڭ: «بيىل قىستاعىمىز 886 مۋ جەرگە سۇرلەمدىك جۇگەرى ەكتى، قازىر سۇرلەمدىك جۇگەرى ورۋ مەزگىلى كەلدى. بازار باعاسى بويىنشا بولعاندا ءار وتباسىنىڭ كىرىسى ورتا ەسەپپەن 12 مىڭ يۋان ارتادى» دەدى.

   

جاۋاپتى رەداكتور: گۇلدەن ماقسات قىزى