ىلەنىڭ تاس جول، تەمىر جول جانە اۋە جولىندا جولاۋشىلار اعىنى جوعارى ورلەۋگە كوتەرىلدى

  • كەلۋ قاينارى: ىلە گازەتى
  • 04:02:08 13/10/2020

 

    ٴتىلشىمىز لي يافىڭ حابارلايدى. 10 – ايدىڭ 8 ـ كۇنى - مەملەكەت مەرەكەسىنىڭ، ورتاڭعى كۇز مەرەكەسىنىڭ سوڭعى كۇنى، دەمالىس كەزىندەگى جولاۋشىلار اعىنىندا قايتۋدىڭ جوعارى ورلەۋى جارىققا شىعا باستادى، اۋەجاي، پويەز بەكەتى، قاتىناس بەكەتتەرىندە ادامدار ٴيىن تىرەستى، ٴىشىنارا جوعارى قارقىندىق تاس جولداردا ماشينالار ۇزاق كەزەككە تۇرىپ، قاتىناس قىسىمى ۇزدىكسىز ارتتى. ىلەنىڭ تاس جول، تەمىر جول، اۋە جولى سياقتى تاراۋلارى تاسىمالداعى ۇيىمداستىرۋدى كۇشەيتىپ، حاۋىپسىزدىك قامتاماسىزداندىرۋىن نىعايتىپ، جولاۋشىلاردىڭ ٴجۇرىس ـ تۇرىسىنا قولايلى ورتا جاراتتى.

    بيىل مەملەكەت مەرەكەسى جانە ورتاڭعى كۇز مەرەكەسى قاتار كەلىپ، ادامداردىڭ تۋىسشىلاۋ، ساياحاتتاۋ جاقتارىنداعى قاجەتى كۇشەيدى. 9 – ايدىڭ 29 ـ كۇنىنەن باستاپ تاس جول، تەمىر جول، اۋە جول سياقتىلاردا جولاۋشىلار اعىنى ۇزدىكسىز جوعارى ورلەۋگە كوتەرىلدى. ساناققا قاراعاندا، 10 ـ ايدىڭ 7 ـ كۇنى تۇستەن كەيىننەن باستاپ ىلەگە كىرگەن كولىك مولشەرى كورنەكتى جوعارىلاعان.

    10 – ايدىڭ 7 ـ كۇنى جوعارى قارقىندىق تاس جولدىڭ ٴپانجىم اقى الۋ بەكەتىندە قۇلجا قالاسى قاتىناس ساقشى ۇلكەن اترەتى ۇگىت ـ تاربيە ورتا اترەتىنىڭ باستىعى گاۋ لان مەن مىندەت اتقارىپ جۇرگەن حالىق ساقشىسى قالاعا كىرگەن جولاۋشىلار اعىنىن رەتتەپ جاتتى. گاۋ لاننىڭ تانىستىرۋىنشا، ساناققا قاراعاندا، 10 – ايدىڭ 7 - كۇنى تۇستەن كەيىن جوعارى قارقىندىق تاس جولدا قايتقان كولىك اعىنى ەڭ كوپ بولىپتى.

    مەملەكەت مەرەكەسى، ورتاڭعى كۇز مەرەكەسى كەزىندە تەمىر جول تاراۋى ٴۇرىمجى ـ قۇلجا 8/8743C رەتكى، ٴۇرىمجى ـ قورعاس 7/8744C رەتكى پويەزدەردى قايتادان ىسكە قوسىپ، تاسىمال قۋاتىن جوعارىلاتتى. 10 – ايدىڭ 8 ـ كۇنى تەمىر جول سالاسىندا دا قايتقان جولاۋشىلار اعىنى جوعارى ورلەۋگە كوتەرىلدى. ىلە پويەز بەكەتىنىڭ كىرەر اۋزىندا دا جولاۋشىلار قاتارى مولايدى. قۇلجا پويەز بەكەتىنىڭ ورىنباسار باستىعى ما شياۋفىڭنىڭ تانىستىرۋىنشا، 9 – ايدىڭ 28 ـ كۇنىنەن 10 – ايدىڭ 8 ـ كۇنىنە دەيىن پويەز جولاۋشىلارى مەجەمەن رەت سانى بويىنشا 40 مىڭعا جەتىپ، جولاۋشىلار مولشەرى كۇنىنە ورتا ەسەپپەن 5 مىڭ ادامنان اسقان. 10 ـ ايدىڭ 7 ـ كۇنى جولاۋشىلار اعىنى ەڭ جوعارى بولىپ، اتتاندىرىلعان جولاۋشىلار رەت سانى بويىنشا 6 مىڭ 500 دەن اسىپتى. قايتقان جولاۋشىلاردى تاسىمالمەن قامتاماسىزداندىرۋ ٴۇشىن قۇلجا بەكەتى الدىن الا جوسپارلاپ، حاۋىپسىزدىك تەكسەرۋ جولىن كوبەيتىپ، ەرىكتىلەر قىزمەت وتەۋ اترەتىن قۇرىپ، جولاۋشىلاردىڭ ٴجۇرىس ـ تۇرىس حاۋىپسىزدىگىنە، رەتتىلىگىنە كەپىلدىك ەتىپتى.

    تاس جول جاعىندا بيىل 8 مىڭنان استام تاسىمال كولىگى قوسىلدى، جولاۋشى اعىنى نەگىزىنەن قىسقا ارالىقتى جولاۋشى تاسىمالىن نەگىز ەتىپ، 8 كۇندە 50 مىڭ ادام - رەتتەن استام جولاۋشى تاسىمالداندى. «10 - ايدىڭ 8 - كۇنى ساعات 16 دا قايتقان جولاۋشىلاردىڭ مولشەرى جوعارى ورلەۋگە كوتەرىلدى. وبلىستىق جولاۋشىلار تاسىمال بەكەتى مىڭنان استام اۆتوموبيل ۇيىمداستىرىپ، جولاۋشىلاردىڭ كىرىپ - شىعۋىن قاداعالاپ، جولاۋشىلار اعىنىنىڭ ارتۋى ٴبىرشاما زور بولعان كەزدە بوگەلمەي جۇرۋىنە كەپىلدىك ەتتى» دەدى وبلىستىق اۆتوكولىك جولاۋشىلار تاسىمال باس پۋنكتى پارتيا ياچەيكاسىنىڭ ورىنباسار شۋجيى لۋ ميڭجياڭ.

    اۋەجايدىڭ جولاۋشىلار مولشەرى ۇزدىكسىز ارتتى. ساندى مالىمەتتە كورسەتىلۋىنشە، قۇلجا (نارات) اۋەجايىندا 10 - ايدىڭ 7 - كۇنى كەلىپ - كەتكەن ۇشاقتىڭ مولشەرى 34 ۇشاق - رەتكە، كەلىپ - كەتكەن جولاۋشى مولشەرى 3 مىڭ 369 ادام ـ رەتكە جەتكەن. ساپاردان قايتۋ كەزىندەگى ورلەۋگە توتەپ بەرۋ ٴۇشىن، اۋەجاي قاتىستى قىزمەت وتەۋدى كوبەيتكەن ٴارى 10 ەرىكتىنى جولاۋشىلارعا كومەكتەسىپ، رەسمياتتاردى بىتىرۋگە ورنالاستىرعان.

جاۋاپتى رەداكتور: گۇلدەن ماقسات قىزى