شي جينپيڭ مەن سەنەگالدىڭ زۇڭتۇڭى سالل بىرگە جۇڭگو - افريكا سەلبەستىك تالقى مىنبەرى قۇرىلعاندىعىنىڭ 20 جىلدىعى بايلانىسىمەن قۇتتىقتاۋ تەلەگرامماسىن جولدادى

  • كەلۋ قاينارى: ىلە گازەتى
  • 03:46:39 15/10/2020

  

     شينحۋا اگەنتتىگىنىڭ 10 - ايدىڭ 12 - كۇنى بەيجيڭنەن بەرگەن حابارى. 10 - ايدىڭ 12 - كۇنى مەملەكەت ءتوراعاسى شي جينپيڭ مەن جۇڭگو - افريكا سەلبەستىك تالقى مىنبەرى افريكا جاقتىڭ تەڭ ءتوراعا ەلى سەنەگالدىڭ زۇڭتۇڭى سالل جۇڭگو - افريكا سەلبەستىك تالقى مىنبەرى قۇرىلعاندىعىنىڭ 20 جىلدىعى بايلانىسىمەن بىرگە قۇتتىقتاۋ تەلەگرامماسىن جولدادى.

    شي جينپيڭ مەن سالل قۇتتىقتاۋ تەلەگرامماسىندا مىنانى باسا دارىپتەدى: جۇڭگو - افريكا سەلبەستىك تالقى مىنبەرى قۇرىلعاندىعىنىڭ 20 جىلدىعى بايلانىسىمەن جۇڭگو مەن سەنەگال تالقى مىنبەرىنىڭ جۇڭگو جاقتىڭ جانە افريكا جاقتىڭ تەڭ ءتوراعاسى رەتىندە، افريكاداعى قالىڭ ەلدەرمەن بىرگە وسى ءبىر ماڭىزدى ءارى ەرەكشە مانگە يە ءساتتى قۇتتىقتاۋدى قالايدى.

    شي جينپيڭ مەن سالل مىنانى اتاپ كورسەتتى: 20 جىلدان بەرى جۇڭگو مەن افريكانىڭ ورتاق قۇلشىنۋىندا، جۇڭگو - افريكا سەلبەستىك تالقى مىنبەرى جۇڭگو مەن افريكانىڭ كوللەكتيۆ تىلدەسۋ ورىستەتۋدەگى ماڭىزدى، جاندى تۇعىرىنا جانە ناقتى سەلبەستىك جاساۋداعى ءونىمدى مەحانيزمىنە اينالدى، ول ءارى تۇستىك پەن تۇستىك سەلبەستىگىنىڭ ماڭىزدى تۋى بولدى. جۇڭگو مەن افريكا ەكى جاق حالىقتى وزەك ەتۋگە باستان - اياق تاباندى بولىپ، جۇڭگو - افريكا جان - جاقتى ستراتەگيالىق سەلبەستىك سەرىكتەستىك قاتىناسىنىڭ جوعارى ساپالى دامۋىنا كۇش سالىپ، مىنبەردىڭ سەلبەستىك تابىستارى جۇڭگو - افريكا حالقىنا تيىمدىلىكتەر اكەلدى. 2018 - جىلعى تالقى مىنبەرىنىڭ بەيجيڭ باسشىلار باس قوسۋىندا وراسان زور تابىسقا قول جەتىپ، جۇڭگو - افريكا ەكى جاق ءتىپتى دە بەرىك جۇڭگو - افريكا تاعدىرلاس ورتاق تۇلعاسىن قالىپتاستىرۋدى ءبىر اۋىزدان ۇيعارىپ، جۇڭگو - افريكا قارىم - قاتىناسىنىڭ بولاشاقتاعى دامۋىنا ايقىن بەتالىس كورسەتتى.

    شي جينپيڭ مەن سالل مىنانى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى ادامزات ءدوپ كەلگەن قاتاڭ سىن - سايىس، دۇنيە ءجۇزى ەكونوميكاسىنا اۋىر سوققى اكەلدى. جۇڭگو - افريكا ەكى جاق ىنتىماقتاسا سەلبەسۋ رۋحىن ۇزدىكسىز ۇستانىپ، ءتۇرلى حاۋىپ - قاتەر مەن سىن - سايىستارعا بىرگە توتەپ بەرىپ، جۇڭگو - افريكا سەلبەستىگىن كوپ جاقتىلىقتىڭ جانە ءوزارا پايدا جەتكىزىپ، تەڭ يگىلىككە كەنەلۋدىڭ ونەگەسىنە اينالدىرىپ، حالىقارالىق ادىلدىكتى، تۋراشىلدىقتى قورعاۋعا بەلسەندى ۇلەس قوسۋدى قالايدى.

    شي جينپيڭ مەن سالل مىنانى باسا دارىپتەدى: ءبىز تالقى مىنبەرىنىڭ مۇشەلەرىمەن قول ۇستاسا سەلبەسىپ، «بىرگە اقىلداسۋ، بىرگە قۇرۋ، بىرگە يگىلىكتەنۋ» پرينسيبىن ۇزدىكسىز ۇستانىپ، تالقى مىنبەرى مەحانيزمىن تىنباي بايىتىپ جانە كەمەلدەندىرىپ، تالقى مىنبەرىنىڭ جۇڭگو - افريكا قارىم - قاتىناسىنداعى جەتەكشىلىك رولىن اناعۇرلىم ساۋلەلەندىرىپ، جۇڭگونىڭ «قوس 100 جىلدىق» كۇرەس نىساناسىمەن افريكا ەلدەرى وداعىنىڭ «2063 - جىلعى كەڭەستىك ءتارتىبىن» ۇشتاستىرىپ، تالقى مىنبەرىنىڭ بەيجيڭ باسشىلار باس قوسۋىنىڭ جانە جۇڭگو مەن افريكانىڭ ىندەتكە ىنتىماقتاسا قارسى اتتانۋ جونىندەگى ەلباسىلار ەرەكشە كەڭەسىنىڭ تابىستارىن تياناقتاندىرۋدى جاپپاي ىلگەرىلەتىپ، جۇڭگو - افريكا جان - جاقتى ستراتەگيالىق سەلبەستىك سەرىكتەستىك قاتىناسىن ءتىپتى دە جوعارى دەڭگەيگە كوتەرىپ، ءتىپتى دە بەرىك جۇڭگو - افريكا تاعدىرلاس ورتاق تۇلعاسىن قالىپتاستىرىپ، جۇڭگو - افريكا حالىقتارىن باقىتقا كەنەلتىپ، ادامزاتتىڭ كوركەم بولاشاعىن بىرگە اشۋدى قالايمىز. ءبىز 2021 - جىلى سەنەگالدا اشىلاتىن جاڭا كەزەكتى جۇڭگو - افريكا سەلبەستىك تالقى مىنبەرى ءماجىلىسىنىڭ ەكى جاقتىڭ ورتاق نىساناسىن جۇزەگە اسىرۋدى اناعۇرلىم جەبەيتىندىگىنە سەنەمىز.

 

جاۋاپتى رەداكتور: جازيرا بولاتباي قىزى