جاڭا داۋىردەگى جاۋاپكەرلىك پەن بورىشتى اناعۇرلىم جاقسى ارقالايىق

  • كەلۋ قاينارى: ىلە گازەتى
  • 03:43:54 16/10/2020

 

    جاڭا داۋىردەگى جاۋاپكەرلىك پەن بورىشتى اناعۇرلىم جاقسى ارقالايىق

    − باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

    حالىق گازەتىنىڭ شولۋشىسى

    پارتيا مەن حالىق ىستەرىندە بۇرىنعىعا مۇراگەر، كەيىنگىگە بۇيداگەر بولۋ ءۇشىن تىڭ كۇش – قۋات كەرەك. تاڭداۋلى جاس كادرلاردى باۋلۋ، تاڭداۋ پارتيانىڭ تاعدىرىنا، مەملەكەتتىڭ تاعدىرىنا، ۇلتتىڭ تاعدىرىنا، حالىقتىڭ ىرىس – قۇتىنا قاتىستى عاسىرلىق ۇلى جوسپار 2020 – جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا باس شۋجي شي جينپيڭ ماڭىزدى ءسوز سويلەپ، بىلاي دەپ باسا دارىپتەدى: ءار دارەجەلى پارتيا ۇيىمى جاس كادرلارعا يدەيالىق سىننان ءوتۋدى، ساياسي شىڭدالۋدى، امالياتتىق شىنىعۋدى، كاسىپتىك توسەلۋدى باعىتتامالى تۇردە كۇشەيتىپ، جاس كادرلاردى باۋلۋدىڭ دۇرىس جولىن ايقىنداپ، كادرلاردى باۋلۋداعى فورماشىلدىقتى باتىل جويىپ، ولاردىڭ ءىس جۇزىندىك ماسەلەلەردى شەشۋ قابىلەتىن جوعارىلاتۋىنا كومەكتەسىپ، ولاردىڭ جاڭا داۋىردەگى جاۋاپكەرلىك پەن بورىشتى اناعۇرلىم جاقسى ارقالاۋىنا مۇمكىندىك جاساۋ كەرەك.

    ماسەلە − ءداۋىردىڭ ءۇنى، تاريح ىلعي دا ماسەلەلەردى ۇزدىكسىز شەشۋ بارىسىندا العا ىلگەرىلەيدى. ماسەلەنى باعدار ەتۋگە تاباندى بولۋ − ماركسيزمنىڭ ايقىن ەرەكشەلىگى، پارتيامىزدىڭ حالىققا باسشىلىق ەتىپ توڭكەرىس جۇرگىزۋدەگى، قۇرىلىس جۇرگىزۋدەگى، رەفورمانى يگەرۋدەگى ماقساتى تۇگەلدەي ەلىمىزدىڭ ءىس جۇزىندىك ماسەلەلەرىن شەشۋ بولىپ تابىلادى. پارتيا 18 – قۇرىلتايىنان بەرى پارتيا مەن مەملەكەت ىستەرىندە تاريحي جەتىستىكتەرگە قول جەتتى، تاريحي وزگەرىستەر جارىققا شىقتى، مۇنداعى اسا ماڭىزدى ءبىر تاجىريبە − ماسەلەنى باعدار ەتۋدەن جازباي، ءىس جۇزىندىك ماسەلەلەردى شەشۋدى قىزمەت جاعدايىن اشۋدىڭ تىڭ سەرپىلىس ءتۇيىنى ەتۋ بولدى. تاريح پەن اماليات مىنانى تولىق ءتۇسىندىردى: ءار ءداۋىردىڭ قاشان دا وزىنە تاۋەلدى ماسەلەسى بولادى، تەك وسى ماسەلەلەردى عىلمي تانىپ، دالمە – ءدال يگەرىپ، دۇرىس شەشسەك، قوعامىمىزدى ۇزدىكسىز العا ىلگەرىلەتە الامىز. جاس كادرلار تەك ءىس جۇزىندىك ماسەلەلەردى شەشۋ قابىلەتىن ۇزدىكسىز جوعارىلاتىپ، اماليات بارىسىندا قابىلەتىن شىڭداعاندا عانا، جاڭا داۋىردەگى پارتيانىڭ تاريحي بورىشىن جۇزەگە اسىرۋ ءۇشىن اناعۇرلىم ويداعىداي قاجىماي – تالماي كۇرەس جۇرگىزە الادى.

    بۇگىنگى تاڭداعى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، سىرتقى ورتادا اناعۇرلىم كوپ ورنىقسىزدىقتار مەن تۇراقسىزدىقتار جارىققا شىقتى. كەلەر جىلى ءبىز «14 – بەس جىلدىق» مەزگىلىنە ءوتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايمىز. جاڭا دامۋ كەزەڭىنە ءوتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرۋدا شەشۋگە ءتيىستى ماسەلەلەر بارعان سايىن الۋان تۇرلىلەنىپ، بارعان سايىن كۇردەلىلەسە تۇسەدى. ەلىمىزدىڭ ءۇرتىس دامۋىندا كوپ جاقتى ابزالدىق جانە شارت – جاعداي بار، ءبىراق دامۋدىڭ بىركەلكى بولماۋ، تولىق بولماۋ ماسەلەسى ءالى دە كورنەكتى بولىپ وتىر.

جاۋاپتى رەداكتور: جازيرا بولاتباي قىزى