توراپ ادەبيەتىنىڭ جاڭا بورىشى جانە تىڭ تاقىرىبى جونىندە

  • كەلۋ قاينارى: ىلە گازەتى
  • 03:52:53 16/10/2020

    توراپ ادەبيەتىنىڭ جاڭا بورىشى جانە تىڭ تاقىرىبى جونىندە

    باي يە

    كىندىك ءسوز

    كوپ نەگىزدى، الۋان تۇرلىلىكتى نەگىز ەتكەن توراپ ادەبيەتى جۇڭگونىڭ تاريحي مادەنيەتىنە ارقا سۇيەپ، رەال ومىرگە بەتپە – بەت كەلۋ سىندى جاسامپازدىق تالپىنىسىن ءتىپتى دە كورنەكتىلەندىرىپ، كلاسسيك ادەبيەتكە جۋىق شىعارماشىلىق بەتالىسىن ٴتىپتى دە ايگىلەي تۇسكەندىكتەن، رەاليستىك تاقىرىپتاعى تۋىندى سانى ۇزدىكسىز ارتىپ، توراپ ادەبيەتىنىڭ فورماسى مەن جاعدايى اناعۇرلىم ۇيلەسىم تاۋىپ، ەكولوگيا مەن دامۋ جاعىندا دا اناعۇرلىم ۇدايىلىققا يە بولا ءتۇستى.

    توراپ ادەبيەتىنە دەگەن تانىم بەلگىلى ءبىر كەزەڭدە بەلگىلى دەڭگەيدە توقىراپ قالماي ونىڭ دامۋىنا ىلەسە وزگەرىپ وتىرادى، سوندىقتان ونىڭ ادەبيەتتەگى قيمىل كەڭىستىگىنە شاناقتى سۋبيەكتيۆ تانىم تۇرعىسىنان كوز جىبەرۋدەن ساقتانۋ كەرەك.

    تەك توراپ ادەبيەتىنە قاتىستى نەگىزگى كوزقاراسىمىزدى ايقىنداپ، دۇرىس ەستەتيكالىق ولشەم جانە اقاۋسىز كوركەمونەرلىك اۋەس قالىپتاستىرعاندا عانا بەلسەندى، دۇرىس، ەستەتيكالىق داعدى جانە تازا مادەنيەت ورتاسىن بىرتىندەپ جاراتۋعا، توراپ ادەبيەتىنىڭ اناعۇرلىم زور، اناعۇرلىم جاقسى دامۋىنا جاراسىمدى دا تاماشا ورتا ازىرلەۋگە بولادى.

    وتكەن عاسىردىڭ 90 – جىلدارىنان باستاپ عالامتور قولدانىسىن سۇيەنىش ەتىپ دۇنيەگە كەلگەننەن بەرى ەلىمىزدىڭ توراپ ادەبيەتى ءتۇرلى كۇشتەردىڭ بىلەك بىرىكتىرە جەبەۋىندە، جازۋشىنىڭ جاسامپازدىعى، تۋىندىنى تاراتۋ، سايت تيجاراتى، كاسىپ سالاسىن ۇلاستىرۋ، وقىرمانداردى قاناعاتتاندىرۋ، قوعامعا قىزمەت وتەۋ سياقتى جاقتاردا تەز قارقىنمەن دامىپ، ۇزدىكسىز ءورىس اشا العا ىلگەرىلەپ، جۇڭگونىڭ قازىرگى زامان ادەبيەت سالاسىنداعى ومىرشەڭدىك كۇشكە يە ادەبي كۇشتەردىڭ بىرىنە اينالدى، اسىرەسە، جاڭا داۋىرگە قادام تاستاعاننان كەيىن توراپ ادەبيەتى جاڭا ساتىعا قادام تاستادى.

    ءالسىز بۋىنداردى بۇزعاندا عانا اناعۇرلىم جاقسى دامۋعا قول جەتكىزۋگە بولادى

    توراپ ادەبيەتى ۇقساماعان دامۋ باسقىشتارىن باستان كەشىردى. سوڭعى بىرنەشە جىلدا مەيلى اۆتورلار قوسىنى، جاسامپازدىق تابىس جاعىندا بولسىن، الدە كاسىپ سالاسىنىڭ ۇلعايۋى، كاسىپتەردىڭ كەڭەيۋى بولسىن، بارىندە دامۋدىڭ جىلدامدىعى، وزگەرىستىڭ وراسان زور بولۋى الەم نازارىن اۋدارىپ وتىر. اسىرەسە، باس شۋجي شي جينپيڭنىڭ ادەبيەت ـ كوركەمونەر قىزمەتى جونىندەگى اڭگىمە ماجىلىسىندەگى ماڭىزدى سوزىنەن كەيىن توراپ ادەبيەتىمەن جاسامپازدىق جاراتۋ بەلسەندىلىگى تولىق جۇمىلدىرىلىپ، توراپ جازۋشىلارىنىڭ جاسامپازدىق بەلسەندىلىگى تولىق ساۋلەلەندىرىلدى. توراپ ادەبيەتى سان جانە ساپا جاعىنان كورنەكتى ارتتى جانە پارمەندى جوعارىلادى. جۇڭگو ينتەرنەت ينفورماتسيا ورتالىعى جاريالاعان «جۇڭگو ينتەرنەت تورابىنىڭ 44 – رەتكى دامۋ احۋالى جونىندەگى دوكلادىنا» نەگىزدەلگەندە 2019 – جىلعا كەلگەندە توراپ ادەبيەتىن پايدالانۋشىلاردىڭ سانى 455 ميلليونعا، توراپكەرلەردىڭ پايدالانۋ مولشەرى %53.2 كە جەتىپ، جارىم جىلداعى ارتۋ مولشەرى 5.2 پايىزعا وسكەن.

جاۋاپتى رەداكتور: جازيرا بولاتباي قىزى