مەملەكەتكە سۇيىسپەنشىلىك، كەلەلى بورىش

  • كەلۋ قاينارى: ىلە گازەتى
  • 03:58:26 17/10/2020

    مەملەكەتكە سۇيىسپەنشىلىك، كەلەلى بورىش

    جياڭسۋ ولكەسىنىڭ شينجياڭعا كومەك بەرۋ قىزمەتى ىلەدەگى ءار ۇلت حالقىن ريزا ەتەرلىكتەي تابىستى بولدى

    لي تاۋ (ءوز ءتىلشىمىز)، گۋ مينشيا (ەرىكتى ءتىلشى)

    جياڭسۋ ولكەسى مەن ىلەنىڭ ارالىعى 5 مىڭ كيلومەترگە جۋىق، ونىڭ ۇستىنە وزگەشە جەر جاعدايى مەن سالت – ساناعا يە، بۇرىننان ونشا كوپ بارىس – كەلىس، اۋىس – كۇيىس بولماعان، ءبىر – بىرىنەن مۇلدە وزگەشە بۇل ەكى جەردى شينجياڭعا كومەك بەرۋ قىزمەتى تىعىز توعىستىردى. ورتالىقتىڭ شينجياڭ قىزمەتى جٶنىندەگى 2 – رەتكى اڭگىمە ماجىلىسىنەن كەيىن مەملەكەت جاڭا ءبىر كەزەكتى شينجياڭعا كومەك بەرۋ قىزمەتىن ورىستەتىپ، ارالىعى شالعاي بۇل ەكى جەردەگى حالىقتىڭ جۇرەگىن توعىستىرىپ، تىلەگىن بىرىكتىرىپ، قول ۇستاسىپ، ورتاق جورىققا بىرگە اتتانۋىنا مۇمكىندىك جاراتتى.

    1997 – جىلى پارتيا ورتالىق كوميتەتى جياڭسۋ ولكەسىنىڭ ىلە وبلىسىنا باعىتتامالى كومەك بەرۋىن تۇراقتاندىرىپ، جياڭسۋ ولكەلىك پارتكوم، حالىق ۇكىمەتى جىبەرگەن تۇڭعىش توپتاعى شينجياڭعا كومەك بەرۋشى كادرلار ىلەگە كەلىپ، باعىتتامالى كومەك بەرۋ قىزمەتىنىڭ بەتاشارىن اشتى. قازىرگە دەيىن جياڭسۋ ولكەسى ىلگەرىندى – كەيىندى 10 توپتاعى كادردى ىلەگە كومەككە جىبەردى، جياڭسۋ ولكەسىنىڭ 23 جىل بار كۇشپەن كومەك بەرۋى ارقاسىندا ىلە سىندى 2 مىڭ 100 جىلدان استام تاريحقا يە «بايىرعى مەكەن» تىڭ ارىن بايقاتىپ، جەر – جەردە تىڭ ومىرشەڭدىك قۋات تاسقىندادى.

    2014 – جىلى پارتيا ورتالىق كوميتەتىنىڭ شينجياڭ قىزمەتى جونىندەگى 2 – رەتكى اڭگىمە ءماجىلىسى اشىلعاننان قازىرگە دەيىن 6 جىل ءوتتى، شينجياڭعا كومەك بەرۋ قىزمەتى تاعى ءبىر رەت تاريحي توعىسۋ تۇيىنىنە، سونداي – اق شينجياڭعا كومەك بەرۋ قىزمەتىنەن تاعى ءبىر قورىتىندى شىعاراتىن شىت جاڭا كەزەڭگە قادام تاستادى. ىلە وبلىسىنا باعىتتامالى كومەك بەرۋ - پارتيا ورتالىق كوميتەتىنىڭ جياڭسۋ ولكەسىنە جۇكتەگەن ساياسي مىندەتى جانە داڭقتى بورىشى. ارادا 6 جىل ءوتتى، بۇل بارىستاعى قىزمەتتەردى جياڭسۋ ولكەسى قالاي اتقاردى؟ مىنە، بۇل سۇراۋلارعا ءبىز ىلەنىڭ جەر – جەرىندە بوي كوتەرگەن جاڭا زاۆود ۇيلەرىنەن، جاڭا سالىنعان كەڭ دە تىنىستى مەكتەپ اۋلاسىنان، ىلەدەگى بۇقارانىڭ ريزاشىلىعىنان، باقىتتى بەينەسىنەن يلانارلىقتاي جاۋاپ تابا الامىز.

    كاسىپ سالاسى ارقىلى شينجياڭعا كومەك بەرۋ - ىلەنىڭ وزىندىك «قان جاساۋ» قۋاتىن جوعارىلاتتى

    وسىزاماندانعان ونەركاسىپ باقشاسى رايونى ىرگە تەۋىپ، حالىق تۇرمىسىنا قاتىستى شەبەرحانالار جەر – جەردە قاۋىرت جۇمىس باستاپ، كاسىپ نىساندارى اتقارىلىپ، تىڭ ونىمدىلىك جاراتىلىپ، ىلەنىڭ كەز كەلگەن جەرىندە كاسىپتى دامىتۋدىڭ تىڭ ومىرشەڭدىك قۋاتى ايقىن بەينەلەنە ءتۇستى. ورتالىقتىڭ شينجياڭ قىزمەتى جونىندەگى 2 – رەتكى اڭگىمە ماجىلىسىنەن بەرى جياڭسۋ ولكەسى «1 – كاسىپتە قۇرىلىمدى رەتتەۋ، 2 – كاسىپتە نەگىزدى بەكەمدەۋ، 3 – كاسىپتە تەكشە قۇرۋ» وي جەلىسىن توڭىرەكتەپ، كاسىپ سالاسى ارقىلى شينجياڭعا كومەك بەرۋدى ماڭداي الدى ورىنعا قويىپ، ىلەنىڭ وزىندىك «قان جاساۋ» قۋاتىن جوعارىلاتۋعا كۇش جۇمساپ، جەرگىلىكتى ورىننىڭ دامۋىنا جاڭا قوزعاۋشى كۇش قوستى.

جاۋاپتى رەداكتور: جازيرا بولاتباي قىزى